Dentro das actividades programadas para o ano 2013, e conforme as funcións atribuídas pola Lei 1/2007, do 15 de xaneiro, da Academia Galega de Seguridade Pública, anúnciase a convocatoria dun curso sobre condución evasiva e seguridade, conforme as seguintes bases:
1. Datos da actividade.
Denominación: condución evasiva e de seguridade.
Tipo: curso.
Horas lectivas: 8.
Modalidade: presencial.
Obxectivos:
– Instruír os/as alumnos/as para desenvolver o proceso de conducir cunhas elevadas cotas de calidade en canto á análise das situacións e a toma de decisións que se presenten, pero tamén na execución motora.
– Especializar os/as policías locais das técnicas de condución de vehículos en funcións das diferentes situacións e intervencións.
Contido:
– Técnica de condución:
• Posición de condución.
• Manexo do volante.
• Trazados e traxectorias.
• Adherencia do pneumático.
• Uso do freo e do acelerador.
• Dinámica de pesos.
• Dinámica do vehículo: subviraxe e sobreviraxe.
– Condución de seguridade:
• Manobras de evasión: a súa eficacia actual.
– Condución dinámica de protección de autoridades.
2. Desenvolvemento da convocatoria.
Destinatarios/as: persoal dos corpos de Policía local de Galicia.
Prazas ofertadas: 16 prazas. Reservarase o 50 % das prazas para solicitantes mulleres que reúnan os requisitos exixidos na convocatoria, segundo o disposto no artigo 37.bis da Lei 7/2004, do 16 de xullo, galega para a igualdade de mulleres e homes.
3. Solicitudes de participación.
a) O persoal que desexe participar no curso convocado nesta resolución deberá cubrir o formulario de matrícula telemática na páxina web da Academia Galega de Seguridade Pública http://agasp.xunta.es
Non se admitirá ningunha outra forma ou modelo de solicitude.
b) A falsidade ou ocultación de datos esenciais para a selección das persoas aspirantes dará lugar á exclusión automática do curso solicitado, así como á imposibilidade de participar en ningún outro curso durante o prazo dun ano computado desde o momento en que se detecte o feito.
c) É conveniente consignar no formulario de solicitude un número de teléfono móbil co fin de poder realizar as notificacións necesarias.
d) Serán excluídas automaticamente aquelas solicitudes que non teñan cubertos correctamente os datos necesarios para realizar o proceso selectivo do alumnado, que non se axusten ao formulario de solicitude ou que sexan presentadas fóra de prazo.
e) Prazo para a presentación de solicitudes: o prazo de inscrición e presentación de solicitudes de participación rematará o día 24 de outubro de 2013.
4. Formulario normalizado de solicitude.
a) Os formularios de solicitude a que se refire a base anterior serán obtidos e cubertos pola persoa solicitante necesariamente a través da páxina web da Academia Galega de Seguridade Pública, que poden encontrar no enderezo da internet http://agasp.xunta.es
b) Para cubrir correctamente os formularios de solicitude, no citado enderezo da internet dispoñerase de instrucións de axuda que deberán ser observadas en todo momento polas persoas solicitantes.
c) Os formularios poderán ser obtidos e cubertos ata as 14.00 horas da data de finalización do prazo de presentación de solicitudes.
d) En caso de dúbida, dificultades técnicas ou necesidade de máis información poderán dirixirse á Academia Galega de Seguridade Pública a través do número de teléfono 886 20 61 10, do fax 886 20 61 22 ou do enderezo de correo electrónico formacion.agasp@xunta.es, que adoptará as medidas necesarias para facilitar a presentación de solicitudes.
Criterios de selección: terán preferencia aqueles/as que acrediten documentalmente a instrución de dilixencias de forma habitual no se posto de traballo, durante o prazo de solicitude de participación.
Listado de solicitudes seleccionadas: o día 2 de outubro de 2013 a Academia Galega de Seguridade Pública publicará no sitio web http://agasp.xunta.es as solicitudes de participación que resultasen seleccionadas segundo os criterios de selección mencionados anteriormente.
Obrigas das persoas seleccionadas: de acordo co establecido no artigo 21 do Regulamento de réxime interior da Academia Galega de Seguridade Pública: as persoas que resulten seleccionadas teñen a obriga de participar no desenvolvemento da actividade, agás que comunicasen a súa imposibilidade de asistencia con polo menos 48 horas de antelación ao comezo desta. A devandita renuncia deberase comunicar por escrito á Academia Galega de Seguridade Pública, por correo electrónico ao enderezo
formacion.agasp@xunta.es ou por fax ao número 886 20 61 22.
Comezado o curso, ao alumnado só se lle permitirá a falta de asistencia a un 10 % como máximo das horas totais, e sempre xustificadamente. De sobrepasar esta porcentaxe non terá dereito ao diploma ou certificado e dará lugar á penalización.
5. Desenvolvemento da actividade.
Lugar: Academia Galega de Seguridade Pública.
Horario: das 9.00 ás 18.30 horas.
Día: 31 de outubro.
Certificado de aproveitamento: ao finalizar a actividade entregarase un certificado de aproveitamento a todas aquelas persoas que acrediten a súa asistencia continuada a esta e superen as correspondentes probas de coñecementos.
6. Baremación da actividade.
Para os efectos do previsto nos anexos II e III da Orde do 28 de xaneiro de 2009, da Consellería de Presidencia, Administracións Públicas e Xustiza, publicada no DOG do 2 de febreiro de 2009, esta actividade terá unha baremación de 0,2 puntos.
7. Dereitos e deberes do alumnado participante.
Durante o desenvolvemento da actividade ao alumnado seralle de aplicación, en canto aos dereitos e deberes, o previsto no Regulamento de réxime interior da Academia Galega de Seguridade Pública, aprobado pola Orde da Consellería de Presidencia, Administracións Públicas e Xustiza, do 4 de febreiro de 2009 (DOG nº 30, do 12 de febreiro).
8. Modificacións e incidencias.
A Academia Galega de Seguridade Pública poderá modificar o desenvolvemento normal da actividade para adaptala ás necesidades da Administración e ás continxencias que poidan xurdir.
A Estrada, 24 de setembro de 2013
Santiago Villanueva Álvarez
Director xeral da Academia Galega de Seguridade Pública
