A Xunta de Goberno Local, en sesión extraordinaria e urxente do 5 de decembro de 2013, adoptou acordo relativo á modificación da base III das específicas da convocatoria de tres prazas de inspector de Ambiente, publicada no BOP nº 210, do 31 de outubro de 2012, e no DOG nº 240, do 18 de decembro de 2012, incluídas na oferta de emprego público correspondente aos anos 2010-2011 -primeira fase-, que pasaría a contar coa seguinte redacción:

Modificar a base III das específicas da convocatoria de tres prazas de inspector de Ambiente, publicadas no BOP nº 210, do 31 de outubro de 2012, e no DOG número 240, do 18 de decembro de 2012, que pasará a contar coa seguinte redacción:

«III. Sistema de selección.

Establécese como sistema de selección o de concurso-oposición, de conformidade co previsto nestas bases específicas e co establecido nas bases xerais das convocatorias derivadas da oferta de emprego público correspondente aos anos 2010 e 2011, e resérvanse todas elas para a quenda de promoción interna entre persoal funcionario ou laboral integrado no grupo C2 de titulación que desempeñe funcións de inspección e que conte, cando menos, cunha antigüidade de dous anos no corpo, escala ou subescala de orixe».

Contra este acordo poderase interpoñer recurso contencioso-administrativo, no prazo de dous meses contados desde o día seguinte ao da notificación do acto administrativo que poña fin á vía administrativa, nos supostos, termos e condicións do previsto nos artigos 8, 25 e 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de calquera outro que se considere procedente en dereito.

Vigo, 11 de decembro de 2013

Carlos López Font
Concelleiro delegado de Xestión Municipal