As bases xerais que regulan a convocatoria de procesos selectivos para cubrir as seguintes prazas vacantes de persoal funcionario e laboral no Concello de Redondela publicáronse integramente no Boletín Oficial da provincia de Pontevedra, número 175, do 10.9.2008, e as súas rectificacións no Boletín Oficial da provincia de Pontevedra, número 47, do 10.3.2009, e no número 29, do 10.2.2012, e as bases específicas no Boletín Oficial da provincia de Pontevedra número 205, do 24.10.2013.
1. Prazas de persoal funcionario:
• 1 praza de oficial da policía local, encadrada na escala básica, subescala servizos especiais, e integrada no grupo C1, por promoción interna.
• 1 praza de traballador/a social, encadrada na escala de Administración especial, subescala técnica, e integrada no grupo A2, por quenda libre.
• 1 praza de ordenanza, encadrada na escala de Administración xeral, subescala subalterna, e integrada noutras agrupacións profesionais sen requisito de titulación, por quenda libre.
• 1 praza de ordenanza (50 %), encadrada na escala de Administración xeral, subescala subalterna, e integrada noutras agrupacións profesionais sen requisito de titulación, na quenda reservada a discapacitados/as.
2. Prazas de persoal laboral fixo:
• 1 praza de oficial electricista, equiparada ao grupo C2 da función pública, por quenda libre.
• 3 prazas de conserxes dos pavillóns polideportivos (unha a tempo completo e dúas a tempo parcial), equiparadas ao grupo doutras agrupacións profesionais sen requisito de titulación da función pública, por quenda libre.
• 1 praza de operario/a de xardíns, equiparada ao grupo doutras agrupacións profesionais sen requisito de titulación da función pública, por quenda libre.
• 1 praza de limpador/a, equiparada ao grupo doutras agrupacións profesionais sen requisito de titulación da función pública, por quenda libre.
Redondela, 26 de novembro de 2013
Javier Bas Corugeira
Alcalde