Autos Malucar, S.L. solicitou desta alcaldía, licenza municipal para taller de reparación de vehículos na rama de chapa e pintura que se situará no parque empresarial Barreiros, parcela 11, San Cosme de Barreiros. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde o día seguinte ao da inserción deste edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.
Barreiros, 14 de febreiro de 2014
José Alfonso Fuente Parga
Alcalde