Tipo e número de recurso: recurso de suplicación 6145/2011 (-FF-).

Xulgado de orixe/autos: demanda 238/2010 Xulgado do Social número 1 de Pontevedra.

Recorrente: Miguel Gregorio Salgado Cotelo.

Avogado: Cándido Francisco Rivera.

Recorridos: Fogasa, Mapfre Empresas, Cía. de Seguros y Reaseguros, S.A., Professional Interservices, S.A., Administración Concursal Proinsa (Sres. Martínez Fabelo y Montilla Rodríguez).

Avogados: (…), Manuel Zorrilla Riveiro, (…), Agustín Martínez Fabelo.

Procurador: Xulio Xabier López Valcárcel.

María Isabel Freire Corzo, secretaria xudicial da Sección Primeira da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 6145/2011 desta sección, seguido por instancia de Miguel Gregorio Salgado Cotelo contra o Fogasa, Mapfre Empresas, Cía. de Seguros y Reaseguros, S.A., Professional Interservices, S.A., Administración Concursal Proinsa (Sres. Martínez Fabelo e Montilla Rodríguez), sobre outros dereitos de seguridade social, se ditou a seguinte resolución:

Que no procedemento de recurso de suplicación 6145/2011 desta sección, seguido por instancia de Miguel Gregorio Salgado Sotelo contra Mapfre Empresas, Cía. de Seguros y Reaseguros, S.A., o Fogasa, Professional Interservices, S.A. e Administración Concursal Proinsa (Sres. Martínez Fabelo e Montilla Rodríguez), sobre reclamación de cantidade, se ditou resolución cuxa parte dispositiva é a seguinte:

Decidimos que desestimando o recurso de suplicación interposto por Miguel Gregorio Salgado Sotelo contra a sentenza ditada polo Xulgado do Social número 1 de Pontevedra, de data 17 de outubro de 2011, debemos confirmar integramente a resolución contra a que se recorre.

Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que contra esta só cabe recurso de casación para unificación de doutrina, que se preparará por escrito ante esta sala do social dentro dos dez días seguintes á notificación desta sentenza e de acordo co disposto na Lei de xurisdición social. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na conta corrente desta sala no banco Banesto, número 1552 0000 80 (nº de recurso) (dúas últimas cifras do ano).

– O depósito de 600 euros na conta corrente desta sala número 1552 0000 37 (nº de recurso) (dúas últimas cifras do ano).

Unha vez firme, expídase certificación para constancia na peza que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta a nosa sentenza, pronunciámolo, mandámolo e asinámolo.

E para que así conste para os efectos da súa publicación no Diario Oficial de Galicia co fin de que sirva de notificación en legal forma a Professional Interservices, S.A., coa advertencia de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan autos ou sentenzas, ou cando se trate de emprazamento, expido e asino o presente edicto.

A Coruña, 28 de febreiro de 2014

A secretaria xudicial