O 6 de agosto de 2014, a xefa territorial da Coruña ditou acordo de inicio do expediente sancionador 2014252AL-CO incoado a Inversiones Mejicanas de las Islas Caimán, S.L.

Intentada a notificación deste acordo segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao abeiro do disposto no número 5 do devandito artigo, notifícaselle a Inversiones Mejicanas de las Islas Caimán, S.L. o contido do dito acordo de inicio que figura como anexo para que poida ter coñecemento del.

Así mesmo, fáiselle saber o dereito que a asiste ao abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta xefatura territorial no prazo de 15 días hábiles, contados desde o seguinte ao da publicación desta cédula e, lémbraselle o seu dereito a consultar o expediente depositado nas dependencias desta xefatura, sita na rúa Durán Loriga, 3, A Coruña e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.

Advírteselle que no caso de non efectuar alegacións sobre o contido do dito acordo no citado prazo, o acordo de inicio considerarase proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do Real decreto 1398/1993.

Esta cédula expídese para que conste e lle sirva de notificación á interesada, en cumprimento co disposto co artigo 59.5º da Lei 30/1992, do 26 de novembro.

A Coruña, 26 de agosto de 2014

Cristina Pérez Fernández
Xefa territorial da Coruña

ANEXO

Nº de expediente: 2014252AL-CO.

Interesada: Inversiones Mejicanas de las Islas Caimán, S.L. (Marita Ron Café Bar).

DNI/NIF/CIF: B70283320.

Último enderezo coñecido: Cantón Pequeno, 23,15003 A Coruña.

Feitos imputados: infracción da lexislación aplicable en materia sanitaria.

Artigos infrinxidos:

– Regulamento (CE) 852/2004 do 29 de abril, do Parlamento Europeo e do Consello, relativo á hixiene dos produtos alimenticios (DO nº 139, do 30 de abril; rectif. DO nº 204, do 4 agosto de 2007): anexo II: capítulo I: 1, 2.a), c), 4; capítulo II: 1.a), b), c), d), e), f), 2, 3; capítulo VI: 2; capítulo XII: 1, 2 e artigo 5: 1, 2.a), b), c), d), e), f), g), 3, 4.a), b), c), 5.

– Lei 17/2011, do 5 de xullo, de seguridade alimentaria e nutrición (BOE nº 160, do 6 de xullo): artigo 50.1.e), artigo 51.1. Parágrafos: 1º, 8º, 10º, 11º.

– Real decreto 3484/2000, do 29 de decembro, sobre normas de hixiene para a elaboración, distribución e comercio de comidas preparadas (BOE nº 11, do 12 de xaneiro de 2001): artigo 10.1.2.a), b), c), d), e), f), g), 3. Artigo 12.

– Decreto 204/2012, do 4 de outubro, polo que se crea o Rexistro Galego Sanitario de Empresas e Establecementos Alimentarios (Regasa) (DOG nº 205, do 26 de outubro): artigo 4.1.a), b), 2.

Tipificación provisional: leve.

Sanción proposta: 400 €.