Eu, María del Mar Santa Cruz Mojón, secretaria xudicial do Xulgado de Primeira Instancia e Instrución número 1 de Tui, por este edicto
Anuncio:
No presente procedemento de xuízo verbal 336/2013, seguido por instancia de Millennium Insurance Company, Ltd. fronte a Transportes y Maquinaria CP, S.L. ditouse sentenza cuxo teor literal é o seguinte:
«Sentenza 97/2014
En Tui, o 3 de setembro de 2014.
Vistos por min, Marcos Amboage López, xuíz do Xulgado de Primeira Instancia e Instrución número 1 de Tui, estes autos de xuízo verbal seguidos por instancia de:
– Millennium Insurance Company, Ltd., representada pola procuradora Begoña Bugarín Saracho e asistida pola letrada Sonsoles Diz Gamallo.
– Transportes y Maquinaria CP, S.L., en situación procesual de rebeldía.
Resolvo:
Estimo a demanda presentada pola procuradora Begoña Bugarín Saracho, en nome e representación de Millennium Insurance Company, Ltd. contra Transportes y Maquinaria CP, S.L. e condénoa ao aboamento de 1.210,73 euros máis o seu xuro legal desde a interpelación xudicial e das custas deste procedemento.
Notifíqueselles esta resolución ás partes e fágaselles saber que é firme, polo que non cabe recurso fronte a ela salvo o previsto no artigo 500 da Lei de axuizamento civil (LAC).
Así, por esta miña sentenza, da cal se levará testemuño aos autos da súa razón e quedará a orixinal no libro de sentenzas, pronúncioo, mándoo e asínoo.
O xuíz».
Ao se atopar a dita demandada, Transportes y Maquinaria CP, S.L., en paradoiro descoñecido, expídese este edicto co fin de que lle sirva de notificación en forma.
Tui, 3 de setembro de 2014
A secretaria xudicial