O Pleno Municipal acordou, o 9 de xuño de 2014, aprobar inicialmente a modificación puntual do Plan xeral de ordenación municipal de Meira, mediante a delimitación dos núcleos rurais de Riocabo, A Pena, A Valiña e Paredes. De acordo co disposto na disposición adicional segunda da Lei 9/2002, de ordenación urbanística e protección do medio rural de Galicia, sométese o expediente a información pública mediante a publicación no Diario Oficial de Galicia durante un período de dous meses e en dous dos xornais de maior difusión na provincia, na web do concello (concellodemeira.com) e no seu taboleiro de anuncios, para que os interesados poidan examinar o expediente no concello, das 9.00 ás 14.00 horas, de luns a venres, e, de ser o caso, formular as alegacións que consideren oportunas. Ao mesmo tempo, darase audiencia aos municipios limítrofes.

Meira, 20 de novembro de 2014

Ramiro Pérez Freijo
Alcalde