Con data do 18 de novembro de 2014, o presidente de Portos de Galicia, ao abeiro do establecido no artigo 40.2.b) do Decreto 130/2013, do 1 de agosto, polo que se regula a explotación dos portos deportivos e das zonas portuarias de uso náutico-deportivo de competencia da Comunidade Autónoma de Galicia, resolveu decretar a caducidade da autorización temporal de atracada que se cita, da que é titular Marcos Enrique Fraga Hermida.

Intentada a notificación da resolución no enderezo que consta no expediente sito en Concepción Arenal, 46-3º, de Ferrol, provincia da Coruña, a través do servizo de Correos, e non sendo posible a súa práctica, de conformidade co disposto no artigo 59.4º da Lei 30/1992, notifícase, mediante a publicación no Diario Oficial de Galicia e exposición no taboleiro de edictos do Concello de Ferrol, esta resolución de expediente de caducidade da autorización temporal de atracada.

A resolución emítese pola concorrencia da causa de caducidade prevista no artigo 40.1.b) do Decreto 130/2013, por estar pendente de aboamento en período executivo a liquidación da taxa portuaria X-5, embarcacións deportivas e de lecer, correspondente ao segundo semestre do ano 2012, non sendo posible a notificación da liquidación correspondente ao primeiro semestre do ano 2013.

A resolución de caducidade determina a extinción da autorización, a prohibición de uso da praza de atracada e obriga de retirar a embarcación nun prazo máximo de quince (15) días contados desde a publicación da cédula no Diario Oficial de Galicia e no taboleiro de edictos do Concello de Ferrol.

En caso de incumprimento, a embarcación será retirada e depositada en seco de maneira subsidiaria e á custa do propietario por Portos de Galicia, que pasará por iso o oportuno custo e que non asumirá responsabilidade ningunha derivada dos danos ou deméritos que poida sufrir a embarcación.

Esta resolución esgota a vía administrativa e contra ela poderá interpoñerse recurso contencioso-administrativo nun prazo máximo de dous (2) meses contados desde a súa publicación ante o Xulgado do Contencioso-Administrativo de Santiago de Compostela que corresponda ou recurso potestativo de reposición perante esta Presidencia nun prazo dun mes contado desde a mesma data.

E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula.

Santiago de Compostela, 2 de decembro de 2014

José Juan Durán Hermida
Presidente de Portos de Galicia