Tras o cesamento por petición propia de José Luis García Pando como presidente da Denominación de Orixe Valdeorras, o Pleno deste consello regulador celebrado o pasado día 11 de marzo elixiu a José Vicente Solarat López para ocupar o dito cargo.
Conforme indica o artigo 20 do Decreto 4/2007, do 18 de xaneiro, polo que se regulan as denominacións xeográficas de calidade do sector alimentario e os seus consellos reguladores, unha vez elixida a persoa que desempeñará a presidencia, deberá facerse o seu nomeamento mediante orde da consellería competente.
Polo anterior,
DISPOÑO:
Artigo único
Nomear presidente do Consello Regulador da Denominación de Orixe Valdeorras a José Vicente Solarat López.
Santiago de Compostela, 19 de marzo de 2015
Rosa María Quintana Carballo
Conselleira do Medio Rural e do Mar