Advertido un erro na referida resolución, publicada no DOG núm. 248, do 29 de decembro de 2014, procede facer a seguinte corrección:

– Na páxina 52899, no artigo 5.5, onde di: «Os proxectos deberán ser viables técnica, económica, financeira e ambientalmente. Así mesmo, no caso de proxectos de transformación fundamental do proceso de produción, o investimento subvencionable deberá superar a dotación media para amortizacións do inmobilizado, circunscrita ao centro obxecto dos novos investimentos, nos tres últimos exercicios pechados. No caso de proxectos para a diversificación dun establecemento existente, o investimento subvencionable deberá superar no 200 % a devandita dotación media»,

Debe dicir: «Os proxectos deberán ser viables técnica, económica, financeira e ambientalmente. Así mesmo, no caso de proxectos de transformación fundamental do proceso de produción, o investimento subvencionable deberá superar a amortización dos activos relativos á actividade que se vai modernizar nos tres exercicios fiscais anteriores. No caso de proxectos para a diversificación dun establecemento existente, o investimento subvencionable deberá superar como mínimo o 200 % do valor contable dos activos que se reutilizan, rexistrados no exercicio fiscal anterior ao inicio dos traballos».