A Xunta de Goberno Local, na sesión que tivo lugar o 17 de abril de 2015, adoptou o acordo de aprobar inicialmente o estudo de detalle para a ordenación de volumes na parcela sita na rúa Burdeos, 30, na Zapateira, A Coruña, presentado o 28 de xaneiro de 2015 coa corrección introducida o 30 de marzo de 2015, e promovido por Jesús Fernández Gómez.

En cumprimento do artigo 86.2 da Lei 9/2002, do 30 de decembro, de ordenación urbanística e protección do medio rural de Galicia, o estudo de detalle sométese á información pública polo prazo de vinte (20) días hábiles, que se contarán desde o día seguinte ao da última publicación deste anuncio no DOG ou na prensa local, para que calquera interesado poida consultalo e formular, de ser o caso, as alegacións que considere oportunas.

A documentación do estudo de detalle poderase consultar no Departamento de Planeamento da Área de Urbanismo (praza de Indalecio Prieto, 1-3), en horario laboral de luns a venres, así como na páxina web do concello www.coruna.es/urbanismo , nas epígrafes de «Exposición pública de expedientes» ou no visor web «Tramitación. Estado de tramitación do planeamento de desenvolvemento».

A Coruña, 28 de abril de 2015

P.D. (Decreto do 16.6.2011)
César de Jesús Otero Grille
Director de Urbanismo