De conformidade coa normativa da Unión Europea reguladora dos fondos europeos, procédese a dar publicidade ao cofinanciamento europeo, para os efectos do cumprimento da obriga de información e publicidade establecida na regulación europea sobre os fondos e, en xeral, do disposto na demais normativa que resulte de aplicación na materia, e ao abeiro do previsto na Lei 9/2010, do 4 de novembro, de augas de Galicia, e no Decreto 32/2012, do 12 de xaneiro, polo que se aproba o estatuto da entidade pública Augas de Galicia, da encomenda de xestión seguinte:

1. Entidade encomendante.

Organismo: Augas de Galicia.

Actuación: obras.

Tipo de tramitación: encomenda de xestión á Empresa de Transformación Agraria, S.A. como medio propio instrumental e servizo técnico do poder adxudicador.

2. Encomenda de xestión.

Título: limpeza e acondicionamento dos encoros do Cabaneiro e das Maciñeiras, Cariño (A Coruña).

Clave do expediente: OH.115.1040.

Descrición do obxecto: as obras, en termos xerais, inclúen a desbroza e retirada da vexetación tanto nas marxes dos encoros do Cabaneiro e das Maciñeiras coma dos propios encoros, a limpeza e retirada de sedimentos dos encoros, o baleiramento do seus vasos, a canalización temporal do leito do río no fondo do vaso e todo o necesario para manter e garantir a subministración de auga potable ao municipio de Cariño.

Orzamento: importe neto: 89.692,10 euros. Importe total: 108.527,44 euros.

Cofinanciamento da Unión Europea: esta actuación será cofinanciada pola Unión Europea a través do Fondo Europeo de Desenvolvemento Rexional (Feder) nun 80 %, no marco do programa operativo Feder Galicia 2007-2013; eixe prioritario de intervención 3: ambiente, contorno natural, recursos hídricos e prevención de riscos; tema prioritario ou medida 45: xestión e distribución de auga potable; actuación 3.45.2: renovación, mellora, optimización e desenvolvemento de novas infraestruturas de abastecemento tales como presas, pequenos encoros, captacións, depósitos reguladores, estación de tratamento de augas potables, redes de distribución e sistema de automatización e control. Unha maneira de facer Europa.

Data de formalización: 5 de agosto de 2015.

Prazo de execución: tres (3) meses.

Santiago de Compostela, 20 de agosto de 2015

Gonzalo Mosqueira Martínez
Director de Augas de Galicia