Mediante a Resolución do 8 de xullo de 2015, da Secretaría Xeral da Igualdade (DOG núm. 129, do 10 de xullo), establecéronse as bases reguladoras e convocáronse as axudas e subvencións a entidades locais para a mellora do equipamento dos centros de información ás mulleres (CIM) acreditados ao abeiro do Decreto 182/2004, cofinanciadas polo Fondo Europeo de Desenvolvemento Rexional (Feder).
Segundo o artigo 11.3 da citada resolución, e de conformidade co establecido no artigo 59.6.b) da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación individual das resolucións das axudas poderá ser substituída pola publicación no Diario Oficial de Galicia.
Unha vez rematada a fase de instrución das solicitudes recibidas na Secretaría Xeral da Igualdade, avaliadas as solicitudes pola comisión de valoración prevista no artigo 9 das bases reguladoras, vista a proposta de resolución formulada polo órgano instrutor e tendo en conta as dispoñibilidades orzamentarias,
RESOLVO:
Primeiro. Conceder as subvencións económicas a favor das entidades locais para o financiamento do equipamento dos centros de información ás mulleres (CIM) que se indican no anexo I, como consecuencia da aplicación dos criterios establecidos no artigo 10 das bases reguladoras, por un importe total de 245.036,52 € con cargo á aplicación orzamentaria 05.11.313B.760.0 (código de proxecto 2015 00149) dos orzamentos xerais da Comunidade Autónoma de Galicia para 2015. Estas subvencións están cofinanciadas ao 80 % con fondos Feder incluídos no programa operativo de Galicia 2007-2013, eixe 6, tema prioritario 79.
Para os efectos destas axudas, na determinación do orzamento elixible excluíronse do orzamento presentado aqueles gastos que non teñen a consideración de investimento (discos externos, usb, persianas, deshumificadores, etc.); os investimentos que non responden ao concepto propio de equipamento informático (vídeos, cámaras, proxectores, equipamentos de megafonía, etc.), aqueles que non se corresponden coa actividade cotiá de oficina (tablets, etc.), e os que supoñen un número de equipamentos superior ao persoal propio do CIM.
Segundo. No anexo II relaciónanse as solicitudes que quedarán en reserva e que poderán ser subvencionadas no caso de que haxa cantidades que resultaren sobrantes porque algunha entidade non acepte a axuda ou renuncie a esta. Neste caso, o órgano instrutor poderá formular proposta de resolución complementaria, e adxudicar o importe dispoñible ás solicitudes avaliadas pola comisión e que non acadaron axuda por límites orzamentarios, de acordo coa orde de puntuación obtida.
Terceiro. De conformidade co artigo 15 das bases reguladoras, o importe da subvención farase efectivo nun pagamento único logo da acreditación da realización do proxecto subvencionado e da presentación en prazo da documentación xustificativa exixida conforme o establecido no artigo 14 da convocatoria.
Cuarto. De acordo co establecido no citado artigo 14, para cobrar as axudas concedidas, as entidades beneficiarias deberán presentar con data límite do 30 de outubro de 2015 a documentación acreditativa da realización do proxecto de investimento en equipamento e xustificar a totalidade do orzamento elixible; no caso de non xustificarse a totalidade do orzamento, a subvención será minorada na mesma proporción. Así mesmo, os gastos subvencionados deberán estar efectivamente realizados e pagados na data límite de xustificación o 30 de outubro de 2015.
Recórdase que as xustificacións que non acaden como mínimo o 60 % do orzamento das actuacións subvencionadas serán revogadas na súa integridade (artigo 14.1).
Tamén, segundo o establecido no artigo 14.2, a falta de presentación da xustificación no prazo establecido comportará a perda do dereito ao cobramento total ou parcial da subvención, a exixencia do reintegro e demais responsabilidades establecidas na Lei de subvencións de Galicia, segundo o disposto no artigo 45.2 do Decreto 11/2009, do 8 de xaneiro, polo que se aproba o regulamento da citada lei.
No caso de que a xustificación fose incorrecta e/ou incompleta, requirirase a entidade para que corrixa os erros ou defectos observados e/ou achegue os documentos solicitados no prazo de dez días, advertíndolle que, de non facelo, se procederá, logo de resolución, á revogación da subvención e, de ser o caso, ao reintegro da contía percibida e á exixencia dos xuros de demora.
Quinto. Infórmanse as entidades beneficiarias de que, por tratarse de fondos Feder, dentro do programa operativo 2007-2013, a aceptación da subvención supón a súa publicación na lista de persoas beneficiarias prevista nos artigos 6 e 7.2.d) do Regulamento (CE) 1828/2006 da Comisión, do 8 de decembro, e de que na devandita lista figurarán os datos de identidade ou denominación social, das operacións e da contía de fondos públicos asignados a cada operación.
Sexto. De conformidade co artigo 17 das bases reguladoras, as entidades beneficiarias deberán cumprir, en todo caso, cos requisitos e obrigas exixidos nos artigos 10 e 11 da Lei 9/2007, do 13 de xuño, de subvencións de Galicia, así como as demais que resulten exixibles segundo a normativa de aplicación, en particular, as seguintes:
1. Destinar os fondos percibidos ao obxecto concreto para o cal foron concedidos.
2. Acreditar ante o órgano concedente a realización da actividade subvencionada, así como o cumprimento dos requisitos e condicións que determinen a concesión ou desfrute da axuda.
3. Manter o investimento durante cinco anos, segundo o previsto no artigo 57 do Regulamento (CE) 1083/2006.
4. Levar un sistema de contabilidade separado ou un código contable axeitado que facilite unha pista de auditoría apropiada en relación con todos os gastos realizados ao abeiro desta resolución, e deberán conservar a documentación xustificativa dos devanditos gastos por un período de tres anos a partir do peche do programa operativo, de acordo co disposto nos artigos 60 e 90 do Regulamento (CE) 1083/2006 do Consello, do 11 de xullo de 2006.
5. Comunicarlle ao órgano concedente calquera modificación das condicións tidas en conta para a concesión da subvención, así como dos compromisos e obrigas asumidas polas entidades beneficiarias e, de ser o caso, a obtención concorrente de subvencións ou axudas para a mesma finalidade procedentes de calquera Administración ou ente público nacional ou internacional.
6. Facilitar toda a información que lles sexa requirida pola Intervención Xeral da Comunidade Autónoma, o Tribunal de Contas e o Consello de Contas, no exercicio das súas funcións de fiscalización e control do destino das axudas.
7. Someterse ás actuacións de supervisión e control dos órganos da Administración do Estado e da comunidade autónoma, do Fondo Europeo de Desenvolvemento Rexional e da Secretaría Xeral da Igualdade, para realizar as comprobacións e verificacións que se consideren precisas para a constatación do cumprimento do disposto nesta resolución e demais normas vixentes que resulten de aplicación. En particular, queda sometida ás verificacións do artigo 13 do Regulamento (CE) 1828/2006 da Comisión, do 8 de decembro de 2006, e, de ser o caso, ás dos servizos financeiros da Comisión Europea e do Tribunal de Contas Europeo, e achegar canta información lles sexa requirida no exercicio das actuacións anteriores.
8. Cumprir a obriga de dar adecuada publicidade do carácter público do financiamento en todas as actuacións que deriven da execución do proxecto, en cumprimento do artigo 15.3 da Lei 9/2007, de subvencións de Galicia, e de acordo co disposto no Regulamento (CE) 1828/2006 da Comisión, do 8 de decembro, que fixa normas de desenvolvemento para o Regulamento (CE) 1083/2006, do Consello, polo que se establecen as disposicións xerais relativas ao Feder, ao FSE e ao Fondo de Cohesión. Na publicidade deberán figurar todas as especificacións exixidas na normativa indicada, e neste caso deberá colocarse unha placa ou adhesivo nos equipamentos subvencionados cos logos e lendas de obrigada inclusión (emblema da Unión Europea; referencia ao Fondo Europeo de Desenvolvemento Rexional –Feder–; declaración do Fondo: «Unha maneira de facer Europa, e imaxe corporativa da Xunta de Galicia) segundo o modelo que se estableza na páxina web do órgano concedente.
Sétimo. Conforme o establecido no artigo 18 da convocatoria, procederá o reintegro, total ou parcial, das subvencións e axudas públicas percibidas cando concorra calquera das circunstancias previstas no título II da Lei 9/2007, do 13 de xuño, de subvencións de Galicia. Así mesmo, ás entidades beneficiarias seralles de aplicación o réxime de infraccións e sancións previsto no título IV da Lei 9/2007, do 13 de xuño, de subvencións de Galicia, e na súa normativa de desenvolvemento.
Oitavo. Esta resolución esgota a vía administrativa e contra ela poderá interpoñerse recurso potestativo de reposición ante a secretaria xeral da Igualdade, no prazo dun mes, contado desde o día seguinte ao desta publicación, de conformidade co establecido nos artigos 107, 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, na súa redacción dada pola Lei 4/1999, do 13 de xaneiro, ou ben directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao desta publicación, de acordo co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 24 de setembro de 2015
Susana López Abella
Secretaria xeral da Igualdade
ANEXO I
|
Expediente |
NIF |
Solicitante |
Puntos |
Orzamento elixible |
Importe concesión |
|
SI427D 2015/033 |
P2704000E |
Concello de Palas de Rei |
86 |
15.014,94 € |
13.156,03 € |
|
SI427D 2015/011 |
P1503200F |
Concello de Curtis |
84 |
1.778,16 € |
1.493,66 € |
|
SI427D 2015/045 |
P8202502D |
Mancomunidade Terra de Celanova |
83 |
5.238,82 € |
4.400,61 € |
|
SI427D 2015/051 |
P3602500E |
Concello da Lama |
82 |
1.517,99 € |
1.275,11 € |
|
SI427D 2015/010 |
P2703100D |
Concello de Monforte de Lemos |
79 |
695,00 € |
695,00 € |
|
SI427D 2015/015 |
P1502700F |
Concello de Coirós |
75 |
1.705,02 € |
1.705,02 € |
|
SI427D 2015/022 |
P2703000F |
Concello de Mondoñedo |
73 |
1.997,50 € |
1.997,50 € |
|
SI427D 2015/062 |
P1500003G |
Mancomunidade de Municipios da Comarca de Ordes |
72 |
21.423,05 € |
17.976,97 € |
|
SI427D 2015/039 |
P2701600E |
Concello de Chantada |
71 |
1.944,47 € |
1.944,47 € |
|
SI427D 2015/025 |
P2705700I |
Concello de Sarria |
70 |
5.089,30 € |
5.089,30 € |
|
SI427D 2015/006 |
P1502300E |
Concello de Cee |
69 |
1.540,00 € |
1.386,00 € |
|
SI427D 2015/004 |
P3205200C |
Concello de Muíños |
63 |
8.978,20 € |
8.978,20 € |
|
SI427D 2015/026 |
P1506200C |
Concello de Ortigueira |
63 |
3.824,21 € |
3.824,21 € |
|
SI427D 2015/065 |
P3600500G |
Concello de Caldas de Reis |
62 |
397,80 € |
397,80 € |
|
SI427D 2015/032 |
P3600041B |
Mancomunidade do Salnés |
61 |
5.971,35 € |
5.147,72 € |
|
SI427D 2015/005 |
P2706800F |
Concello de Burela |
60 |
7.747,52 € |
7.747,52 € |
|
SI427D 2015/043 |
P3200500A |
Concello de Avión |
58 |
8.750,00 € |
6.475,00 € |
|
SI427D 2015/008 |
P1509400F |
Concello de Zas |
57 |
4.741,01 € |
3.982,45 € |
|
SI427D 2015/019 |
P3604300H |
Concello de Ponte Caldelas |
54 |
1.478,90 € |
1.256,90 € |
|
SI427D 2015/034 |
P3208600A |
Concello de Verín |
53 |
4.442,43 € |
4.442,43 € |
|
SI427D 2015/027 |
P2706500B |
Concello de Vilalba |
50 |
7.773,22 € |
5.752,18 € |
|
SI427D 2015/047 |
P2705100B |
Concello de Ribadeo |
50 |
9.469,12 € |
9.469,12 € |
|
SI427D 2015/046 |
P1505300B |
Concello de Muxía |
49 |
1.410,00 € |
1.410,00 € |
|
SI427D 2015/063 |
P3206400H |
Concello da Pobra de Trives |
47 |
655,82 € |
655,82 € |
|
SI427D 2015/009 |
P1506600D |
Concello de Padrón |
45 |
3.116,72 € |
2.649,21 € |
|
SI427D 2015/031 |
P3605600J |
Concello de Valga |
45 |
6.421,11 € |
6.421,11 € |
|
SI427D 2015/044 |
P3605200I |
Concello de Silleda |
45 |
3.255,47 € |
2.880,80 € |
|
SI427D 2015/049 |
P1507100D |
Concello das Pontes de García Rodríguez |
45 |
11.144,32 € |
8.246,80 € |
|
SI427D 2015/050 |
P1504700D |
Concello de Melide |
45 |
4.056,53 € |
4.056,53 € |
|
SI427D 2015/054 |
P3602200B |
Concello do Grove |
45 |
9.033,50 € |
7.678,50 € |
|
SI427D 2015/028 |
P1506300A |
Concello de Outes |
44 |
1.654,00 € |
1.389,36 € |
|
SI427D 2015/053 |
P3603500D |
Concello de Nigrán |
44 |
672,50 € |
672,50 € |
|
SI427D 2015/040 |
P1501900C |
Concello de Carballo |
43 |
4.757,68 € |
4.757,68 € |
|
SI427D 2015/041 |
P3605300G |
Concello de Soutomaior |
43 |
6.523,97 € |
5.545,37 € |
|
SI427D 2015/017 |
P3600300B |
Concello de Baiona |
42 |
1.656,23 € |
1.391,23 € |
|
SI427D 2015/023 |
P3605100A |
Concello de Sanxenxo |
42 |
1.996,50 € |
1.996,50 € |
|
SI427D 2015/007 |
P3602900G |
Concello de Moaña |
40 |
1.759,00 € |
1.759,00 € |
|
SI427D 2015/037 |
P3602600C |
Concello de Marín |
38 |
4.392,65 € |
3.733,65 € |
|
SI427D 2015/052 |
P1501100J |
Concello de Boiro |
38 |
5.310,00 € |
4.513,50 € |
|
SI427D 2015/016 |
P3208700I |
Concello de Viana do Bolo |
37 |
1.298,40 € |
1.298,40 € |
|
SI427D 2015/020 |
P1507800I |
Concello de Santa Comba |
37 |
2.736,89 € |
2.736,89 € |
|
SI427D 2015/029 |
P1504200E |
Concello da Laracha |
37 |
984,46 € |
984,46 € |
|
SI427D 2015/058 |
P1507900G |
Concello de Santiago de Compostela |
37 |
10.293,94 € |
9.000,00 € |
|
SI427D 2015/003 |
P2706700H |
Concello de Viveiro |
35 |
1.370,00 € |
959,00 € |
|
SI427D 2015/012 |
P3602300J |
Concello da Guarda |
35 |
1.360,66 € |
1.224,59 € |
|
SI427D 2015/018 |
P1507400H |
Concello de Ribeira |
35 |
2.141,63 € |
2.141,63 € |
|
SI427D 2015/024 |
P1505700C |
Concello de Negreira |
35 |
2.281,50 € |
2.281,50 € |
|
SI427D 2015/038 |
P1500500B |
Concello de Arteixo |
35 |
3.900,00 € |
3.500,00 € |
|
SI427D 2015/057 |
P1505800A |
Concello de Noia |
35 |
4.665,54 € |
4.665,54 € |
|
SI427D 2015/059 |
P3204400J |
Concello de Maceda |
35 |
2.337,12 € |
2.337,12 € |
|
SI427D 2015/060 |
P1503100H |
Concello de Culleredo |
35 |
990,00 € |
990,00 € |
|
SI427D 2015/048 |
P3601700B |
Concello da Estrada |
33 |
1.439,90 € |
1.223,92 € |
|
SI427D 2015/056 |
P3604500C |
Concello de Redondela |
33 |
2.230,89 € |
1.896,30 € |
|
SI427D 2015/002 |
P2705000D |
Concello de Quiroga |
32 |
1.270,00 € |
1.016,00 € |
|
SI427D 2015/021 |
P1505400J |
Concello de Muros |
32 |
3.654,57 € |
3.654,57 € |
|
SI427D 2015/035 |
P3604200J |
Concello de Ponteareas |
27 |
8.310,20 € |
8.310,20 € |
|
SI427D 2015/042 |
P1500200I |
Concello de Ames |
27 |
2.695,92 € |
2.695,92 € |
|
SI427D 2015/061 |
P3604100B |
Concello de Poio |
27 |
1.630,00 € |
1.630,00 € |
|
SI427D 2015/036 |
P3606000B |
Concello de Vilagarcía de Arousa |
24 |
3.499,20 € |
3.499,20 € |
|
SI427D 2015/030 |
P1503700E |
Concello de Ferrol |
22 |
7.000,00 € |
7.000,00 € |
|
SI427D 2015/064 |
P3603800H |
Concello de Pontevedra |
22 |
1.995,01 € |
1.995,01 € |
|
SI427D 2015/013 |
P3606100J |
Concello de Vilanova de Arousa |
20 |
8.999,34 € |
8.999,34 € |
|
SI427D 2015/014 |
P3201000A |
Concello do Barco de Valdeorras |
20 |
2.646,17 € |
2.646,17 € |
ANEXO II
|
Expediente |
NIF |
Solicitante |
Puntos |
|
SI427D 2015/055 |
P3602400H |
Concello de Lalín |
20 |
|
SI427D 2015/001 |
P3605700H |
Concello de Vigo |
19 |