De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanse ás persoas que a seguir se relacionan as solicitudes de acreditación da representación nos recursos interpostos contra as resolucións dos expedientes sancionadores instruídos por infraccións da normativa reguladora dos transportes terrestres, por resultaren descoñecidos os seus destinatarios ou ben porque, intentada a notificación, non se puido efectuar.
Examinados os recursos interpostos, observouse que estes carecen dun requisito esencial exixido polo artigo 32.3 da Lei 30/1992, do 26 de novembro, de réxime xurídico das administracións públicas e do procedemento administrativo común, tal e como é que, para interpoñer recursos, deberá acreditarse a representación por calquera medio válido en dereito que deixe constancia fidedigna. Por tanto, requírese para que presente a documentación (orixinal ou copia compulsada) do representante para actuar en nome da entidade remitíndoa á Consellería de Medio Ambiente, Territorio e Infraestruturas; Secretaría Xeral Técnica; Servizo Técnico-Xurídico; San Caetano, bloque 5; 15781 Santiago de Compostela.
Por todo o exposto, e co fin de dar cumprimento ao establecido no artigo 110.1 da Lei 30/1992, do 26 de novembro, de réxime xurídico das administracións públicas e do procedemento administrativo común, e ter así por interposto o recurso presentado, deberá proceder á emenda da falta mencionada no prazo de dez (10) días contados a partir da publicación desta cédula no Boletín Oficial del Estado, tal e como se establece no artigo 32.4 da mencionada lei.
Lémbraselle que, de non proceder á corrección dos defectos antes mencionados, esta Administración procederá a dar cumprimento ao establecido no artigo 113.1 da Lei 30/1992 inadmitindo o recurso interposto.
E para que conste e sirva de notificación ao interesado, asino e selo esta cédula.
Santiago de Compostela, 23 de setembro de 2015
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas
ANEXO
Número recurso Expediente Matrícula Denunciante |
Recorrente |
Infracción cometida Datos da denuncia: data; hora; estrada; p.q. |
RA/M/2015/00207 XC-00423-O-2011 8289-FHN/ZA-01019-R Garda Civil 1503 W04047P |
Transporte C. Novoa e Hijos, S.L. |
Minoración superior ao 50 % nos períodos de descanso obrigatorio (descanso semanal). 17.1.2011; 12.11; AP-9; 25,200 |
RA/M/2015/00452 OU-00857-O-2013 6128-BDW Garda Civil 3203 V46236Y |
Vigotrans, S.L. |
A carencia a bordo do vehículo das follas de rexistro dos tempos de condución e descanso xa utilizadas ou dos documentos de impresión que resulte obrigatorio levar, con independencia do tipo de tacógrafo, analóxico ou dixital, que se estea a utilizar. 17.5.2013; 10.07; A-52; 181 |
RA/M/2015/00562 DX-00112-I-2009 Obstrución DX/002 |
Mintra, S.L. |
A negativa ou obstrución á actuación dos servizos de inspección que imposibiliten total ou parcialmente o exercicio das funcións que legal ou regulamentariamente teñan atribuídas. 14.7.2009; 13.47 |