O 29 de setembro de 2015 o director xeral de Desenvolvemento Rural ditou a resolución de modificación do acordo de concentración parcelaria da zona de Maceda-Orois (Melide-A Coruña), que se transcribe a continuación:
O acordo de concentración parcelaria da zona de Maceda-Orois (Melide-A Coruña) foi aprobado pola Dirección Xeral competente por razón da materia, con data do 12 de xaneiro de 2009, publicado na forma legalmente establecida, e encóntrase na actualidade pendente de firmeza.
Con posterioridade a estes actos, o Concello de Melide solicitou a cesión da titularidade dos predios e para os fins que se indican a continuación:
• Os predios nº 10, 99, 102-2, 231, 270, 535-2, 477-2, 715-3, 764-2, 859-1, 883, 892, 909 e 918, para cargadoiros de madeira.
• Os predios nº 396 e 597, para espazo de estacionamento de vehículos e maquinaria pesada.
• Os predios nº 348 e 831, para ampliación de cemiterio.
• Os predios nº 598 e 826-2 para captación de auga en cisternas.
• Os predios nº 821 e 865 para destinala á área de lecer dos muíños.
• O predio nº 744 para contorno do campo de fútbol.
• Os predios nº 19 e 191 para destinalas a canteira e punto limpo.
• O predio nº 279, para destinala a punto limpo.
• O predio nº 174-2 para campo de festas de Orois.
• O predio nº 698 para ampliación do camiño situado na zona sur.
Vista a proposta da Xunta Local da zona, a Lei de reforma e desenvolvemento agrario, do 12 de xaneiro de 1973; a disposición transitoria primeira da Lei 4/2015, do 17 de xuño, de mellora da estrutura territorial agraria de Galicia; a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro; a Lei 6/2011, do 13 de outubro, de mobilidade de terras; a Lei 30/1992, do 26 de novembro, de réxime xurídico das administracións públicas e do procedemento administrativo común, na súa redacción segundo a Lei 4/1999, do 13 de xaneiro, e demais disposicións vixentes de aplicación ao caso.
Non é posible a cesión do predio nº 698 dado que non forma parte do Fondo de Terras, porque está atribuído a un terceiro.
Á vista dos destinos para os cales se solicitan os referidos predios, e respecto dos que son perfectamente subsumibles no suposto recollido no artigo 32 da antedita lei galega, esta dirección xeral
RESOLVE:
1. Modificar o acordo de concentración parcelaria da zona de Maceda-Orois (Melide-A Coruña), e adxudicar ao Concello de Melide a titularidade dos predios nº 10, 19, 99, 102-2, 174-2, 191, 231, 270, 279, 348, 396, 477-2, 535-2, 597, 598, 715-3, 744, 764-2, 821, 826-2, 831, 859-1, 865, 883, 892, 909 e 918 –que causan baixa no Fondo de Terras da zona– para seren destinados aos fins que se recollen na parte expositiva da presente resolución.
2. Transcorridos cinco anos desde a cesión das propiedades sen que os predios fosen destinados aos fins para os cales son adxudicados, a titularidade dos referidos predios reverterá sobre o Fondo de Terras da zona, o patrimonio da comunidade autónoma, a Axencia Galega de Desenvolvemento Rural (Agader) ou outra entidade que corresponda, segundo o caso.
3. Ordenar que a esta resolución se lle dea a oportuna publicidade, sen prexuízo da súa notificación ao Concello de Melide.
Contra a dita resolución, que non é definitiva na vía administrativa, poderase interpor recurso de alzada ante a persoa titular da Consellería do Medio Rural, no prazo dun mes que se contará desde o día seguinte ao da publicación deste anuncio ou da recepción da comunicación, segundo o caso.
A Coruña, 21 de outubro de 2015
Enrique Luis de Salvador Sánchez
Xefe territorial da Coruña
