O artigo 28 do vixente Estatuto de autonomía de Galicia establece no punto 2º a competencia da Comunidade Autónoma de Galicia para o desenvolvemento lexislativo e a execución da lexislación do Estado en materia de expropiación forzosa.
As obras indicadas no encabezamento da presente resolución atópanse incluídas no programa de obras que se vai realizar con cargo ao programa 512-B, construción, conservación e explotación de estradas.
Con data do 12 de febreiro de 2015, a Xunta de Galicia procedeu á declaración de utilidade pública e á urxente ocupación dos bens e dereitos necesarios para efectos de expropiación para a mencionada obra mediante o Decreto 29/2015, publicado no DOG núm. 37, do 24 de febreiro de 2015.
Con data do 11 de agosto de 2015 procédese á aprobación do proxecto de trazado da obra de conversión en autovía do corredor do Morrazo CG-4.1, treito: enlace de Rande-enlace de Cangas, subtreito II: p.q. 3+250 ao 7+300, no concello de Moaña, clave: PO/12/070.01.2, por parte do director da Axencia Galega de Infraestruturas, por delegación da conselleira de Medio Ambiente, Territorio e Infraestruturas.
Na súa virtude e en cumprimento do disposto nos artigos 52 da vixente Lei de expropiación forzosa, do 16 de decembro de 1954, e 56 e seguintes do Regulamento para a súa aplicación, este servizo, no uso das facultades que lle confire o artigo 98 da mencionada lei, resolve convocar os titulares de bens e dereitos afectados para que comparezan no lugar, na data e na hora que se citan para proceder ao levantamento das actas previas á ocupación, nas cales se recollerán os datos necesarios para determinar os bens e dereitos afectados e os prexuízos derivados da rápida ocupación, sen prexuízo de se trasladaren ao lugar dos predios se o consideran necesario.
Lugar: Casa do Concello de Moaña.
Día: 19 de xaneiro de 2016.
Horario: das 10.00 ás 13.30 horas.
De: Abal Juncal, Javier a descoñecido.
Día: 20 de xaneiro de 2016.
Horario: das 10.00 ás 13.30 horas.
De: Durán Martínez, Peregrina a Trigo Martínez, María.
A relación de titulares, cos bens e dereitos afectados, así como os planos parcelarios correspondentes, estarán expostos no Concello de Moaña e no Servizo da Delegación Provincial da Axencia Galega de Infraestruturas de Pontevedra (avenida Fernández Ladreda, nº 43-1º, 36003 Pontevedra).
Ao dito acto deberán acudir os titulares afectados, persoalmente ou ben representados pola persoa debidamente autorizada para actuar no seu nome, e achegar os documentos acreditativos da súa titularidade, documento nacional de identidade e último recibo da contribución; tamén poden acompañarse, pola súa conta, se o consideran oportuno, dos seus peritos e de notario.
Así mesmo, e no cumprimento do establecido no artigo 56 do regulamento da Lei de expropiación forzosa, ábrese información pública durante o prazo de 15 días hábiles, contados a partir do seguinte ao da publicación desta resolución no Boletín Oficial del Estado, ata momento do levantamento das actas previas á ocupación correspondente, co fin de que os interesados poidan formular por escrito, ante este Servizo da Delegación Provincial de Pontevedra, as alegacións que consideren pertinentes co obxecto de emendar posibles erros padecidos ao relacionar os bens afectados pola urxente ocupación.
Pontevedra, 11 de decembro de 2015
Fausto Núñez Vilar
Xefe do Servizo da Delegación Provincial de Pontevedra
