Por ordes da Consellería de Facenda do 19 de febreiro de 2015, do 26 de maio de 2014, do 17 de novembro de 2015 e do 12 de maio de 2014 foi autorizado o alleamento, mediante poxa, duns inmobles situados na rúa Loureiro Crespo, rúa Carrasqueira, rúa Benito Corbal e praza do Teucro de Pontevedra, así como na avenida Doutor Tourón de Vilagarcía de Arousa.

Logo de publicarse no Diario Oficial de Galicia número 231, do 3 de decembro de 2015, e nos xornais de ampla difusión (La Voz de Galicia, Diario de Pontevedra e Faro de Vigo do mesmo día), o anuncio da Secretaría Xeral Técnica e do Patrimonio de alleamento dos citados inmobles, tivo lugar o 14 de xaneiro de 2016 a poxa pública anunciada, polo que, á vista das actas da mesa de contratación, de conformidade co disposto no artigo 70 do Decreto 50/1989, polo que se aproba o Regulamento do patrimonio da Comunidade Autónoma de Galicia, e tras a proposta da Secretaría Xeral Técnica e do Patrimonio,

DISPOÑO:

Primeiro. Aprobar as seguintes adxudicacións:

1. A Eduardo Gómez Rodríguez e Bruno García Castro, en cuarta poxa, polo prezo de sesenta e catro mil cincocentos euros, o predio urbano, piso segundo, fondo, letra B, destinado a vivenda, sito no segundo andar da casa situada na cidade de Pontevedra, na rúa Doutor Loureiro Crespo, sen número (hoxe 14). Mide 79 m2 de superficie útil, distribuído en vestíbulo, estar-comedor, tres dormitorios, cociña, baño, aseo, lavadoiro a patio de luces e balcón ao fondo. Estrema: pola súa fronte, recheo da escaleira, patio de luces e piso segundo, fronte, letra C; dereita entrando nel, piso segundo, fondo, letra A; esquerda, predio de Manuel Santos Villar; e fondo, con aires da cuberta do local comercial da planta baixa. Coeficiente: en relación co total valor do inmoble, correspóndelle a cota de tres enteiros por cento (3 %). Referencia catastral: 0076006NG3907N0007FX. Inscrito no Rexistro da Propiedade de Pontevedra número 1, co número 21.253, no folio 110, do libro 1.804 do termo de Pontevedra, tomo 1.935. Consta no Rexistro da Propiedade unha hipoteca constituída sobre o inmoble a favor de Caixa de Aforros Provincial de Pontevedra e foi pagada a totalidade do préstamo outorgado, que inclúe capital, xuros e gastos.

2. A Gananorte, S.L.U., en cuarta poxa, polo prezo de cento vinte mil euros, o predio urbano, vivenda B no segundo andar do edificio situado na avenida Xoán Carlos I, s/n, hoxe rúa Carrasqueira, número 2 de Pontevedra, con acceso polo portal 6. De 121,30 m2 de superficie construída e de 105 m2 de superficie útil. Lindeiros: tomando como fronte a súa porta de acceso: fronte, vestíbulo de planta, vivenda D da mesma planta e portal e voo da rúa de nova apertura; esquerda entrando, vivendas A e D da mesma planta e portal; dereita, voo da rúa de nova apertura; fondo, avenida de Xoán Carlos I. A vivenda anexa: unha praza de aparcadoiro, número 124, no soto segundo ou máis profundo, baixo o edificio, cunha superficie útil de 12,53 m2, que estrema: fronte, zona de manobra; dereita entrando, zona de paso e, despois, escaleiras do portal 6; esquerda, praza número 125; e fondo, zona de paso e, despois, rochos números 111 e 112. Unha adega ou rocho, número 109, no soto 2º ou máis profundo, baixo o edificio, cunha superficie útil de 3,49 m2, que estrema: fronte, zona de acceso; dereita entrando nel, rochos números 110 e 112; esquerda, rocho número 108; e fondo, praza de garaxe número 118. Cota de participación: 0,83 %. Referencia catastral: 0775601NG3907N0098LJ. Inscrito no Rexistro da Propiedade de Pontevedra número 1, co número 60.711, no folio 196, do libro 786 do termo de Pontevedra, tomo 1.586.

3. A Miguel Domínguez Vaz, en terceira poxa, polo prezo de cento oitenta e dous mil douscentos dezasete euros con corenta e dous céntimos, o lote composto polo predio urbano, piso esquerda fronte da terceira planta da casa número 37 da rúa Benito Corbal de Pontevedra, destinado a vivenda, de 148,58 m2, que estrema: pola fronte, sur, rúa de Benito Corbal; fondo, norte, piso desta mesma planta fondo esquerda; oeste, esquerda, casa de Álvaro Losada e patio de luces; e leste, dereita oco da escaleira, patio central e piso desta mesma planta fronte dereita. Cota: 6 %. Predio nº 6 da propiedade horizontal. Referencia catastral: 9879012NG2997N0016MY. Inscrito no Rexistro da Propiedade número 1 de Pontevedra no tomo 1.936, libro 1.085, folio 219, inscrición terceira do predio 14.635. Tamén conforma o lote o predio urbano, piso esquerda fondo da terceira planta da casa número 37 da rúa Benito Corbal de Pontevedra, destinado a vivenda, de 90,32 m2. Estrema: pola fronte, norte, soar e terreo de Luis e Manuel Rocafort; sur, fondo, piso desta mesma planta e fronte-esquerda; leste, esquerda, oco da escaleira, patio central e piso desta mesma planta, fondo-dereita; oeste, dereita, campo da feira, casa de Álvaro Losada e patio de luces. Cota: 4 %. Predio nº 8 da propiedade horizontal. Referencia catastral: 9879012NG2997N0014ZR. Inscrito no Rexistro da Propiedade número 1 de Pontevedra no tomo 1.936, libro 1.085, folio 220, inscrición terceira do predio 14.637.

4. A Marcos Fuentes Argibay, en terceira poxa, polo prezo de vinte e seis mil catrocentos trinta e sete euros con dezaoito céntimos, o predio urbano, local na entreplanta do edificio sinalado co número 30 (número 28 segundo o Catastro) da avenida Doutor Tourón, concello de Vilagarcía de Arousa, cunha superficie útil de 121,21 m2, que segundo o Rexistro da Propiedade estrema: dereita, Dalmira Penide Dávila; esquerda, predio número 16.301, descanso, caixa da escaleira e patio de luces; fronte, avenida Doutor Tourón e caixa da escaleira; e fondo, Irlanda Penide Dávila, descanso e caixa de escaleira. Referencia catastral: 9257810NH1195N0005BL. Inscrito no Rexistro da Propiedade de Vilagarcía de Arousa como predio nº 11.041, libro 298 e folio 105.

Segundo. Declarar deserta en primeira poxa a adxudicación do seguinte inmoble a un prezo de oitocentos vinte oito mil oitocentos cincuenta e oito euros con oitenta e un céntimos:

Casa situada na praza do Teucro, 18, esquina rúa Real da cidade de Pontevedra, composta de semisoto, baixo e un piso de 276 m2 segundo o Rexistro da Propiedade e duns 496 m2 segundo os datos da Dirección Xeral do Catastro, que estrema: fronte, praza do Teucro; dereita, herdeiros de Jaime Facorro Gantad; esquerda, rúa Real, fondo, predio da familia Magdalena García. Referencia catastral: 9280503NG2998S0001GL. Inscrita no Rexistro da Propiedade de Pontevedra número 1 como predio nº 3.753, tomo 306, libro 98 e folio 120.

Terceiro. Anunciar a realización da segunda poxa pública do inmoble situado na praza do Teucro, 18, a un prezo de setecentos catro mil cincocentos vinte e nove euros con noventa e nove céntimos, que terá lugar o día 15 de marzo de 2016, ás 11.30 horas, na sala de conferencias do Edificio Administrativo de Pontevedra, na rúa Fernández Ladreda, 43.

Cuarto. O pagamento do prezo de adxudicación dos inmobles vendidos efectuarase segundo o estipulado no artigo 70.3 do Decreto 50/1989, do 9 de marzo, polo que se aproba o Regulamento de patrimonio da Comunidade Autónoma de Galicia.

Quinto. A venda formalizarase como corpo certo en escritura pública, e serán por conta dos adquirentes os custos do seu outorgamento. Os tributos derivados da transmisión serán exixidos conforme o disposto na lexislación tributaria. Así mesmo, quedan a cargo do adxudicatario o pagamento dos custos dos anuncios que se producisen neste procedemento de alleamento.

Sexto. Contra esta resolución, que pon fin á vía administrativa, poderase interpor recurso potestativo de reposición, ante esta consellería, no prazo dun mes contado desde o día seguinte ao da súa publicación no Diario Oficial de Galicia, ou recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses.

Santiago de Compostela, 29 de xaneiro de 2016

P.D. (Orde do 9.1.2012; DOG nº 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda