A sociedade Fergo Galicia Vento PEE, S.L. formulou a solicitude de declaración de utilidade pública para o parque eólico Figueiras, promovido pola dita sociedade nos concellos de Alfoz, Mondoñedo e O Valadouro.

De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), mediante este anuncio emprázanse os interesados que figuran no anexo para seren notificados por comparecencia, por ser estes descoñecidos ou por non ter sido posible practicar a notificación prevista na citada norma, logo dos intentos efectuados.

As persoas interesadas ou os seus representantes legais deberán comparecer no prazo de dez (10) días hábiles, contados desde o seguinte ao da publicación deste anuncio, na sede da Dirección Xeral de Enerxía e Minas, situada no Edificio Administrativo San Caetano, s/n, bloque 5, 4º andar, en Santiago de Compostela, das 9.00 ás 14.00 horas, de luns a venres.

Transcorrido o prazo indicado no parágrafo anterior sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia deste anuncio queda supeditada á súa publicación no taboleiro de edictos único (TEU) do Boletín Oficial del Estado.

Santiago de Compostela, 9 de marzo de 2016

Ángel Bernardo Tahoces
Director xeral de Enerxía e Minas

ANEXO

Predio do proxecto nº	Polígono	Parcela	Concello	Interesado	Acto que se notifica
12	69	753	Alfoz	Pedro Galgo Rubias	Solicitude de utilidade pública
18	69	770	Alfoz	Descoñecido	Solicitude de utilidade pública
19	69	771	Alfoz	Descoñecido	Solicitude de utilidade pública