De conformidade co previsto no artigo 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á Resolución do 3 de xuño de 2016, do organismo autónomo Servizo Galego de Saúde, pola que se lle encomenda á Axencia Galega de Infraestruturas a xestión de execución das obras de construción do novo centro de saúde de Ares, coas seguintes características:
– Actividade: a xestión das actuacións para acometer a execución das obras de construción do novo centro de saúde de Ares. A dirección facultativa está contratada polo Servizo Galego de Saúde.
– Natureza e alcance da xestión encomendada: esta encomenda ten natureza intrasubxectiva, ao ter a Axencia Galega de Infraestruturas a consideración de medio propio e servizo técnico da Administración da Comunidade Autónoma de Galicia, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o día seguinte ao da súa sinatura ata o 31 de decembro de 2017.
Santiago de Compostela, 6 de xuño de 2016
Jesús Vázquez Almuíña
Presidente do Servizo Galego de Saúde