En virtude do establecido no artigo 15 da Lei 1/2016, do 18 de xaneiro, de transparencia e bo goberno,
DISPOÑO:
Artigo único
Dar publicidade á relación dos convenios subscritos pola Consellería de Facenda nos meses de maio, xuño, xullo e agosto do ano 2017, e que se incorpora como anexo a esta resolución.
Santiago de Compostela, 14 de setembro de 2017
María del Socorro Martín Hierro
Secretaria xeral técnica e do Patrimonio da Consellería de Facenda
ANEXO
Convenios de colaboración subscritos pola Consellería de Facenda
nos meses de maio, xuño, xullo e agosto do ano 2007
|
Convenio |
Importe (€) |
Data sinatura |
|
Protocolo de adhesión do Concello das Pontes de García Rodríguez ao convenio de colaboración asinado o 8 de abril de 2015 entre a Axencia Tributaria de Galicia (Atriga) e a Federación Galega de Municipios e Provincias, para a cesión de información de carácter tributario, así como dos demais ingresos de dereito público para a concesión de axudas e subvencións e a contratación coa Administración. |
Sen achega económica |
8.6.2017 |
|
Acordo entre a Consellería de Facenda e a entidade Abanca Corporación Bancaria, S.A. polo que se pacta a resolución, con efectos desde o 1 de xullo de 2017, dos convenios de colaboración asinados o 11 de xullo de 2006 entre a Consellería de Economía e Facenda e a entidade financeira Caixa Galicia. |
Sen achega económica |
14.6.2017 |
|
Acordo entre a Consellería de Facenda e a entidade Abanca Corporación Bancaria, S.A. polo que se pacta a resolución, con efectos desde o 1 de xullo de 2017, dos convenios de colaboración asinados o 11 de xullo de 2006 entre a Consellería de Economía e Facenda e a entidade financeira Caixanova. |
Sen achega económica |
14.6.2017 |
|
Convenio de colaboración entre a Consellería de Facenda e a asociación sen ánimo de lucro Gen Plus para a organización de dous obradoiros de traballo sobre a redifinición da política fiscal e a estabilidade fiscal no ámbito autonómico. |
40.000 |
19.6.2017 |
|
Convenio de colaboración entre a Axencia Tributaria de Galicia e a Asociación Española de Xestores Fiscais e Xestores de Fincas (Agesfi), para a aplicación das novas tecnoloxías da información nos procedementos de xestión tributaria. |
Sen achega económica |
30.6.2017 |
|
Convenio de colaboración entre a Axencia Tributaria de Galicia e o Consello Xeral de Colexios de Habilitados de Clases Pasivas de España para a aplicación das novas tecnoloxías da información nos procedementos de xestión tributaria. |
Sen achega económica |
30.6.2017 |
|
Protocolo de adhesión do Concello de Santiago de Compostela ao convenio de colaboración asinado o 8 de abril de 2015 entre a Axencia Tributaria de Galicia (Atriga) e a Federación Galega de Municipios e Provincias, para a cesión de información de carácter tributario, así como dos demais ingresos de dereito público para a concesión de axudas e subvencións e a contratación coa Administración. |
Sen achega económica |
3.7.2017 |
|
Convenio de colaboración entre a Consellería de Facenda e a Universidade de Vigo para o financiamento dos traballos previos á rehabilitación do edificio Faraday na ETEA. |
243.210 |
10.7.2017 |
