Visto o texto da acta da comisión paritaria do convenio colectivo do sector do transporte de viaxeiros

por estrada de Ourense (código convenio nº 3200315), co fin de actualiza-los salarios para o ano 2000, con entrada nesta delegación provincial o día 23-2-2000, subscrita en representación da parte económica pola Asociación de Empresarios de Transporte de Viaxeiros por Estrada de Ourense, e, da parte social, polas centrais sindicais CC.OO, UGT e CIG, o día 21-2-2000, e, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo.

Esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación desta delegación.

Terceiro.-Dispoñe-la súa publicación no Diario Oficial de Galicia.

Ourense, 29 de febreiro de 2000.

José Lage Lage

Delegado provincial de Ourense

Acta da comisión paritaria do convenio colectivo do sector de transporte de viaxeiros por estrada da provincia de Ourense para os anos 1999 e 2000

Asistentes:

Pola parte sindical:

CC.OO., José Gómez Gómez.

UGT, Juan José Mateos Galache.

CIG, Xan Losada González.

Pola parte empresarial:

Asociación de Empresarios de Transporte de Viajeros por Carretera de Ourense, Antonio Pérez González, Ángel Villalón del Río, Manuel Maneiro, Fidel Martínez.

En Ourense, ás 19 horas do día 21 de febreiro de 2000, reúnense os membros da comisión paritaria do convenio colectivo do sector de transporte de viaxeiros por estrada da provincia de Ourense para os anos 1999 e 2000, co fin de actualiza-los salarios para o segundo ano de aplicación do convenio.

A representante empresarial di que, de acordo co establecido no parágrafo segundo do artigo 16 do

convenio colectivo vixente, o incremento que se aplicará é o IPC ó 31 de decembro máis 0,75%. Tendo en conta que o IPC o 31 de decembro foi do 2,9%, isto fai que o incremento salarial aplicable sexa do 3,65%.

Tendo isto en conta, chégase ós seguintes acordos:

1. Modificación do artigo 31 do convenio colectivo, actualizando a contía da gratificación de actividade:

Todo o persoal afectado por este convenio percibirá unha gratificación de actividade equivalente a 556 pesetas por día efectivamente traballado.

2. Modificación do artigo 39 do convenio colectivo, actualizando a contía da gratificación polo transporte de correo:

Os cobradores de liñas interurbanas que sexan portadores de correo percibirán unha gratificación de 66 pesetas os días que efectivamente presten tal servicio.

3. Modificación da táboa salarial, actualizando a súa contía nun 3,65%.

ANEXO I

Táboa salarial 2000

E, sen máis asuntos que tratar, levántase a sesión cando son as 20 horas, no mesmo lugar e data establecido ó inicio, levantándose para o efecto esta acta que, en proba de conformidade, asinan os presentes por sextuplicado exemplar.