En cumprimento do disposto no artigo 13 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, faise pública a aprobación definitiva mediante Acordo do Consello da Xunta de Galicia do 6 de maio de 2011 do Plan sectorial para a mellora e ampliación das infraestruturas básicas de saneamento, abastecemento e rede viaria no concello de Barreiros (Lugo), sometido a información pública mediante anuncio do 3 de decembro de 2010 (DOG n.º 236, do 10 de decembro).

Así mesmo, en virtude do artigo 4 da Lei 10/1995, do 23 de marzo, de ordenación do territorio de Galicia (modificado pola Lei 6/2007, do 11 de maio, de medidas urxentes en materia de ordenación do territorio e do litoral de Galicia), fanse públicas as disposicións normativas do plan sectorial para a mellora e ampliación das infraestruturas básicas de saneamento, abastecemento e rede viaria no concello de Barreiros (Lugo), para a súa entrada en vigor:

Normativa urbanística.

IV. Análise da relación do plan sectorial co plan vixente no municipio de Barreiros.

IV.1. Plan urbanístico vixente no municipio de Barreiros. As Normas subsidiarias municipais de 1994 e o Decreto 15/2007, polo que se aproba a normativa urbanística provisional para o municipio de Barreiros.

Como xa se apuntou con anterioridade, o 28 de outubro 1994 (DOG n.º 259, do 12 de novembro) aprobáronse definitivamente as normas subsidiarias do plan do termo municipal de Barreiros. Esta data de aprobación indica, xa por sí soa, que se trata dunhas normas subsidiarias non adaptadas á LOUGA; como tampouco á anterior lexislación urbanística galega constituída pola Lei 1/1997, do 24 de marzo, do solo de Galicia (LSG).

No ano 2007 estas normas subsidiarias foron obxecto de suspensión por Decreto do Consello da Xunta de Galicia 15/2007, do 1 de febreiro (DOG n.º 30, do 12 de febreiro). Neste mesmo decreto incorpórase ao mesmo tempo unha ordenación urbanística provisional como normativa transitoria mentres non se aprobase un novo Plan Xeral de Ordenación Municipal.

Esta normativa provisional aprobada polo Decreto 15/2007 non se configura como un documento unitario que constitúa, por si e de maneira autónoma, o bloque ao completo das determinacións urbanísticas vixentes no día de hoxe no termo municipal de Barreiros. Xa que, como se tivo ocasión de apuntar no número I.1.3., establece un reenvío sistemático ás determinacións gráficas contidas nos planos de clasificación do solo das NNSS suspendidas (números 1.1., 1.2.3., 1.2.4., 1.3.1., 1.4.1., 2.1., 3.1., 4.2., 7.1., 8.1.b) da normativa provisional). Reenvío que se estende tamén ás condicións de uso e edificación contidas nos plans parciais da praia de Lóngara, en San Pedro de Benquerencia, e do Parque Empresarial de Espiñeira, aprobados definitivamente o 25 de maio de 2001 e o 21 de marzo de 2002, respectivamente.

Esta necesidade de integración de ambos os dous instrumentos de ordenación (normativa provisional e determinacións gráficas das NNSS suspendidas) resulta imprescindible tanto para a clasificación do solo urbano como para a súa posterior categorización como solo urbano consolidado, ou non consolidado. Integración que tamén deberá complementarse como operación necesaria para a categorización do solo urbano coas previsións contidas na disposición transitoria segunda da Lei 2/2010, de medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia, que modula as previsións contidas respecto diso nos números 1.1., 2.1. da ordenación provisional aprobada.

Esta mesma disposición transitoria afecta tamén o réxime de solo rústico contido no número 5 da ordenación provisional, que queda directamente substituída polo réxime legal establecido para esta clase de solo na Lei 2/2010.

IV.2. A clasificación do solo urbano no municipio de Barreiros.

A definición do solo urbano do municipio de Barreiros na ordenación aprobada polo Decreto 15/2007, do 1 de febreiro, como ordenación urbanística provisional que debe rexer ata a entrada en vigor do novo plan, non se realiza dunha maneira directa senón de forma instrumental, como se acaba de indicar.

De acordo co establecido nos números 1.1. e 2.1. da ordenación provisional, clasifícanse como solo urbano os terreos aos cales resulten de aplicación as previsións para o solo urbano -estea ou non consolidado- desa mesma ordenación provisional.

Pero, pola súa vez, o ámbito de aplicación das ditas previsións vén referido aos terreos clasificados como solo urbano de núcleo urbano existente nas normas subsidiarias aprobadas definitivamente pola Comisión Provincial de Urbanismo de Lugo o 28.10.1994. Polo tanto, todos os terreos que así aparezan clasificados nos planos correspondente das normas subsidiarias suspendidas polo Decreto 15/2007 resultan tamén asumidos e clasificados como solo urbano pola ordenación provisional vixente. Tanto os que reúnan os requisitos previstos no seu número 1.1. (Solo urbano consolidado.-Ámbito de aplicación), como os que unicamente reúnan os requiridos no seu apartado 2.1. (solo urbano non consolidado.-Ámbito de aplicación).

Consecuentemente, todo o solo que as normas subsidiarias de 1994 formalizasen como solo urbano, a ordenación provisional aprobada polo Decreto 15/2007 asúmeo e recoñeceo tamén como tal solo urbano. Como tamén o recoñecería a disposición transitoria primeira 1.b) e c) da LOUGA.

Todo o solo que se recolleu no perímetro do solo urbano polas normas subsidiarias segue séndoo no día de hoxe tanto en virtude da ordenación provisional vixente como se se aplicasen ás normas subsidiarias -na súa condición de plan xeral non adaptado- as previsións contidas nos números 1.b) e c) da disposición transitoria primeira da LOUGA.

En aplicación integrada do bloque da ordenación urbanística vixente no termo municipal, e con total independencia do grao de fundamento que avalase a súa inclusión nos perímetros urbanos formalizados nas normas subsidiarias suspendidas, tratarase de solos cuxa condición formal como solo urbano resultará incuestionable ata que non se produza a aprobación definitiva do novo Plan Xeral de Ordenación Municipal.

No entanto hai que sinalar que esta regra xeral presenta unha única e relevante excepción: que se trate terreos clasificados como solo urbano incluído no perímetro dun núcleo rural tradicional delimitado nas normas subsidiarias de 1994; xa que, nese caso, a clasificación urbanística que lle corresponde non será a de solo urbano, senón a de solo de núcleo rural. Así se prevé expresamente na ordenación provisional, número 3.1., cando especifica o ámbito de aplicación de ordenanza de solo de núcleo rural, que será de aplicación aos núcleos rurais delimitados nas normas subsidiarias calquera que sexa a clasificación de solo que estas lle outorguen; polo que absorberá tamén o solo urbano de núcleo rural tradicional previsto no número 4.10. das normas subsidiarias e que parecen grafados nos planos correspondentes destas a escala 1:5000.

Por todo iso, para definir cales sexan os ámbitos territoriais os que a ordenación urbanística en vigor atribúe a clasificación urbanística de solo urbano, resulta pola súa vez imprescindible determinar con precisión o perímetro do solo urbano establecido nas normas subsidiarias de 1994, para o que se partirá da base de que, de conformidade co previsto no seu número 1.4 Réxime urbanístico do solo, 1.4.1. Clases de solo, o solo de todo o termo municipal clasifícase nun dos tres tipos seguintes: urbano, urbanizable e non urbanizable. A división espacial do solo indícase nos planos de organización espacial ou nesta normativa.

Así mesmo, terase en conta que nos seus planos E/5000 «2. Organización espacial», ese perímetro non se corresponde -en todos os casos- co de asignación de ordenanzas de solo urbano dos planos E/2000 «3. Organización espacial nuclear» desas mesmas normas subsidiarias. E que a delimitación do solo urbano recollido nos planos E/5000 «2.Organización espacial» que son os que, como se acaba de ver, teñen encomendados a misión específica de definir a clasificación do solo e , polo tanto, a delimitación do solo urbano do Termo Municipal, non presenta discordancia significativa ningunha co recollido no plano E/10.000 «4. Clases de solo. División territorial. Designación», co que se corresponde cabalmente.

A escala e a lenda dos xogos de planos 2 e 4 pon claramente de manifesto que é a eles, e non aos do xogo 3 E/2.000, aos que corresponde formalizar a clasificación urbanística do solo, debendo prevalecer as determinacións gráficas reflectidas neles sobre as que puidesen resultar de planos de escala máis detallada e, polo tanto, máis propios para a zonificación e asignación de ordenanzas que para a estrita tarefa da clasificación urbanística do solo.

As tarefas que corresponden aos planos de clasificación do solo (planos E/5.000 e E/10.000) e aos de cualificación urbanística e asignación de ordenanzas (planos E/2.000) son tarefas coa súa propia especificidade e claramente diferenciadas; sendo así que estes últimos estarán sempre situados nun plano subordinado aos primeiros no que respecta á clasificación urbanística do solo.

IV.3. A categorización do solo urbano en Barreiros como solo urbano consolidado ou non.

Os números 1 e 2 da ordenación provisional aprobada polo Decreto 15/2007, do 1 de febreiro, establecen os criterios que se deberán seguir para a categorización do solo urbano e proceder á distinción entre o solo urbano consolidado e o solo urbano non consolidado.

Conforme o previsto no seu número 1.1., polo que respecta ao solo urbano consolidado, terá esta categorización todo o clasificado como solo urbano de núcleo urbano existente nas normas subsidiarias que teña a condición de soar ou case soar, salvo que lle resulte de aplicación outra ordenanza da presente ordenación provisional. Ao dito solo urbano consolidado asígnanselle dúas ordenanzas: a primeira é a ordenanza de solo urbano de media densidade (número 1.3.) que é de aplicación ao clasificado como solo urbano de núcleo urbano existente e cualificado (R.U.D.) polas NNSS coa Ordenanza C.U. centro urbano. A segunda, a ordenanza de solo urbano de baixa densidade (número 1.4.), aplicable a todo o solo clasificado como solo urbano de núcleo urbano existente que, reunindo a condición de soar ou de case soar, non lle resulte de aplicación a Ordenanza 1.3. anterior.

En canto á categorización do solo urbano como solo urbano non consolidado, a teor do previsto no número 2 da ordenación provisional, esta aplicarase aos seguintes terreos:

A. Solos clasificados como solo urbano das normas subsidiarias que non sexan subsumibles nas dúas ordenanzas anteriores de solo urbano consolidado (1.3. e 1.4.) por non reunir os requisitos para a súa inclusión no seu ámbito de aplicación establecidos no número 1.1. E, en todo caso os que non reunisen a condición de soar ao tempo da iniciación do expediente de suspensión do plan (novembro de 2006).

B. Solos clasificados como solo urbano no núcleo urbano de San Bartolo cualificados coa Ordenanza ESRAE reflectidos no plano 3.5, E/2000 das NNSS.

En todos os casos, esta categorización do solo urbano que establece a ordenación provisional en función do seu grao de consolidación pola urbanización vén referida a un momento temporal prefixado nesta; xa que dependerá do grao da súa urbanización efectiva «no momento de iniciación do expediente de suspensión do plan» (números 1.1. e 2.1. a) do Decreto 15/2007).

Con todo, esta previsión non resulta hoxe de aplicación, xa que foi modificada polo réxime transitorio da Lei autonómica 2/2010, de 25 de marzo.

IV.4. A Lei 2/2010, de 25 de marzo, de medidas urxentes de modificación da Lei 9/2002.

A disposición transitoria segunda da Lei 2/2010, do 25 de marzo, de medidas urxentes de modificación da Lei 9/2002, establece o seguinte:

«Os decretos autonómicos de suspensión do plan que foron ditados antes da entrada en vigor desta lei de reforma manterán a súa eficacia, como norma de dereito transitorio, ata a data de entrada en vigor da correspondente PXOM, coas seguintes especificacións:

a) Ao solo urbano aplicaráselle o réxime establecido por esta lei para o solo urbano e a ordenación provisional establecida nos correspondentes decretos. Para tales efectos, terá a consideración de solo urbano consolidado o que, en cada momento e ata a entrada en vigor da PXOM correspondente, cumpra os requisitos do artigo 12 a) desta lei, con independencia do grao de urbanización que puidese presentar na data de entrada en vigor da ordenación provisional.

b) No solo apto para urbanizar e no solo non urbanizable será de aplicación integramente o disposto nesta lei para o solo rústico.

c) Nos núcleos rurais tradicionais delimitados será de aplicación o disposto nesta lei para o solo de núcleo rural».

Esta disposición transitoria supón unha importante modificación do réxime urbanístico previsto nos decretos autonómicos de suspensión do plan xeral, como é o caso do Decreto 15/2007, do 1 de febreiro, polo que se aprobou a ordenación provisional de Barreiros, tanto no que respecta aos criterios legais aplicables para determinar a categorización do solo como solo urbano consolidado, ou non consolidado, como no relativo ao réxime urbanístico aplicable ao solo clasificado como rústico na dita ordenación provisional.

No primeiro aspecto, establécese de maneira incuestionable que terá a consideración de solo urbano consolidado o que, en cada momento e ata a entrada en vigor da PXOM correspondente, cumpra os requisitos do artigo 12 a) da nova lei, con independencia do grao de urbanización que puidese presentar na data de entrada en vigor da ordenación provisional.[D. T. segunda. a)].

No segundo aspecto, afecta tamén o réxime de solo rústico contido no número 5 da ordenación provisional aprobada polo Decreto 15/2007, do 1 de febreiro, que queda substituída por completo polo novo réxime xurado que para esta categoría de solo se establece na Lei 2/2010.[D. T. segunda. b)].

IV.5. Réxime do sistema viario e da definición de aliñacións e rasantes das vías públicas.

Para concluír unha visión integrada da ordenación urbanística vixente na actualidade no municipio, sobre a que deben articularse as previsións deste plan sectorial, resulta imprescindible, por último, ter en conta as determinacións da ordenación provisional relativas ao réxime de sistema viario e á determinación das aliñacións e rasantes; e que tras a entrada en vigor da Lei 2/2010 a que se fixo referencia no número IV.4. anterior, manteñen plena vixencia:

– Número 1.2.3. «as aliñacións e rasantes da vía pública serán as establecidas nos planos de ordenación das normas subsidiarias do plan municipal, aprobadas definitivamente pola Comisión Provincial de Urbanismo de Lugo o 28.10.1994. Naqueles casos en que non se fixen, manteranse as aliñacións consolidadas e a rasante actualmente existente».

– Número 1.2.4. «prohíbese a apertura de novas vías non existentes no momento da entrada en vigor desta ordenación provisional».

– Número 8.2. Sistema viario. Réxime de protección. «será de aplicación o establecido no artigo 106 da Lei 9/2002, de ordenación urbanística e protección do Medio Rural de Galicia, así como a lexislación vixente en materia de estradas.

En todo caso, prohíbese a apertura de novas vías, rúas ou camiños, así como a urbanización ou ampliación dos existentes, sen prexuízo do establecido na lexislación aplicable ás estradas de titularidade estatal ou autonómica.

Cando se trate de terreos clasificados como solo rústico ou non urbanizable, será de aplicación o réxime establecido para o solo rústico de especial protección de infraestruturas que inclúe o dominio público e os terreos contiguos ata a liña límite de edificación».

IV.6. Articulación do plan sectorial co plan urbanístico vixente.

IV.6.1. A óptima articulación coa ordenación urbanística vixente como obxectivo estratéxico do plan sectorial.

Os plans de ordenación urbanística están vinculados xerarquicamente ás determinacións das directrices de ordenación do territorio e aos demais instrumentos establecidos pola Lei 10/1995, de ordenación do territorio de Galicia, e redactaranse en coherencia con todos eles, segundo se dispón no artigo 45.2. da LOUGA.

Consecuentemente con iso, o artigo 8 do Decreto 80/2000, do 23 de marzo, regulador dos plans e proxectos sectoriais de incidencia supramunicipal establece a forza vinculante das determinacións destes plans e a súa prevalencia sobre as determinacións do plan urbanístico vixente, que deberá adaptarse ao contido dos plans e proxectos sectoriais que os afecten, no prazo que estes determinen e, en todo caso á primeira modificación ou revisión daquel. Remárcase no artigo 5 da Lei 10/1995, do 23 de novembro, de ordenación do territorio de Galicia, o carácter complementario e non excluínte dos instrumentos que, como os plans e proxectos sectoriais, están previstos nela, dos que respecto da ordenación urbanística do solo se regulan na súa lexislación específica.

Non obstante esta posición de supremacía que rexe as relacións entre os plans sectoriais e a ordenación urbanística afectada por eles, constitúe en si mesmo un dos obxectivos estratéxicos deste plan sectorial optimizar a súa articulación coa ordenación urbanística vixente apoiándose nas súas propias previsións, reducindo ao máximo as determinacións do plan urbanístico que deban de ser obxecto de modificación tras a aprobación e en virtude deste plan sectorial.

IV.6.2. A clasificación do solo. O solo urbano e o solo rústico de protección de infraestruturas.

A estes obxectivos responde a definición do ámbito territorial do plan sectorial, xa que a localización das actuacións previstas exponse fundamentalmente en espazos interiores aos núcleos urbanos existentes, polo que se minimiza ao máximo a afectación aos actuais usos do solo.

Por iso a articulación do plan sectorial co plan urbanístico vixente carece de aspectos significativos para os efectos da clasificación do solo, xa que o ámbito territorial das infraestruturas que constitúen o obxecto deste plan sectorial se corresponde, no substancial, con espazos urbanisticamente xa transformados e clasificados formalmente como solo urbano na ordenación urbanística en vigor.

Os ditos ámbitos son os pertencentes aos terreos delimitados nos planos E/5000 e E/10.000 como solo urbano dos núcleos urbanos existentes de San Cosme de Barreiros, San Pedro de Benquerencia, San Miguel de Reinante e Reinante. Por conseguinte, non comporta a definición dun novo modelo de ocupación do territorio nin implica a transformación ou a parcelación urbanística do solo, polo que tampouco resultan de aplicación as previsións contidas no novo número 7 engadido ao artigo 23 da Lei 10/1995, do 23 de novembro, de ordenación do territorio de Galicia (LOT) en virtude da Lei 6/2007, do 11 de maio, de medidas urxentes en materia de ordenación do territorio e do litoral de Galicia.

Correlativamente, redúcese ao máximo a localización de actuacións exteriores ao perímetro deses núcleos urbanos, polo que os elementos proxectados fóra do solo urbano e das redes de camiños existentes están cotados para aquelas infraestruturas da rede xeral de abastecemento e saneamento, distintas ás redes, en si mesmo consideradas, como son: a nova ETAP de Celeiro, depósito de cabeceira de Barreiros, en Celeiro, ampliación da EDAR en San Cosme e EDAR de San Miguel. Os novos bombeos que se expoñen de Sarxende e Reinante tampouco implican unha modificación dos usos actuais do solo xa que se buscou a súa localización dentro das propias parcelas ocupadas hoxe polas depuradoras existentes.

Nestes casos a articulación do plan sectorial coa ordenación urbanística requirirá a especificación da traza territorial da correspondente infraestrutura e a consideración urbanística do solo afectado como solo rústico de protección especial de infraestruturas. A determinación concreta dos ditos elementos determínase graficamente no plano VII.P.1.

IV.6.3. A categorización do solo urbano como solo con urbanización consolidada.

O exposto no número IV.6.2. anterior en relación coa articulación deste plan sectorial coa ordenación vixente na materia da clasificación urbanística do solo e en, especial, na da clasificación do solo urbano, cabe reiteralo tamén en canto á categorización deste último.

A este respecto, as previsións do plan sectorial non implican tampouco unha incidencia directa na ordenación urbanística vixente, xa que as previsións iniciais desta contidas nos puntos 1.1 e 2.1. a) da ordenación provisional aprobada polo Decreto 15/2007 foi directamente modificada pola disposición transitoria segunda. a) da Lei 2/2010, do 25 de marzo, de medidas urxentes de modificación da Lei 9/2002; en virtude da cal e para os efectos da división do solo urbano nas categorías de solo urbano consolidado e de solo urbano non consolidado, terá a consideración de solo urbano consolidado o que, en cada momento e ata a entrada en vigor da PXOM correspondente, cumpra os requisitos do artigo 12 a) da LOUGA; con independencia do grao de urbanización que puidese presentar na data de entrada en vigor da ordenación provisional respectiva.

IV.6.4. Sistema viario e definición de aliñacións e rasantes de vías públicas.

As actuacións previstas na rede viaria mellorarán as características do acceso rodado público e permitirán o acceso peonil por itinerarios apropiados.

Para iso, e dentro do catro núcleos proxéctanse os principais viarios vertebradores da trama urbana, con base nas aliñacións establecidas nas normas subsidiarias de Barreiros.

Tal e como pode verse nos planos VII.O.3, proxéctase a actuación sobre un viario xa predefinido na ordenación urbanística vixente no solo urbano dos núcleos urbanos existentes, en que as beirarrúas pavimentadas ocupan as frontes das edificacións de vivendas, de modo que se garante unha continuidade nos distintos itinerarios peonís.

As previsións iniciais respecto diso do plan sectorial articúlanse perfectamente co establecido nos números 1.2.3. e 1.2.4. da ordenación provisional vixente, relativos á determinación das aliñacións e rasantes e á prohibición de apertura de novas vías non existentes no momento de entrada en vigor da dita ordenación provisional.

Con todo, aínda que non se prevé no plan sectorial (nin se habilita para iso ningún dos proxectos sectoriais previstos para o seu desenvolvemento) a apertura de novas vías, si se habilita especificamente ao proxecto sectorial correspondente o reaxuste e completamento, de ser o caso, das aliñacións e rasantes de vías públicas. Polo que a articulación do plan sectorial e de ordenación urbanística require da correspondente modificación do número 1.2.3. da ordenación provisional.

O mesmo cabe dicir con relación ao réxime de protección do sistema viario previsto no número 8.2. da ordenación provisional aprobada polo Decreto 15/2007, do 1 de febreiro; e, máis concretamente, respecto da prohibición que contén respecto da apertura de novas vías, rúas ou camiños, así como da urbanización ou ampliación dos existentes, sen prexuízo do establecido na lexislación aplicable ás estradas de titularidade estatal ou autonómica. Xa que, como se acaba de indicar, aínda que non se expón a apertura de novas vías, si que constitúe obxecto específico deste plan sectorial a urbanización ou ampliación das existentes. Razón pola cal a súa articulación coa ordenación en vigor requirirá a eliminación da prohibición que, para ese concreto obxecto, as afecta.

IV.7. Determinacións do plan sectorial que impliquen modificación das do plan urbanístico vixente.

Do exposto no número IV.6. anterior infírense xa as determinacións da ordenación urbanística vixente que deban ser modificadas polas determinacións deste plan sectorial.

Estas últimas son as seguintes:

– A delimitación establecida nos planos VII.P.1 dos terreos necesarios para a nova ETAP de Celeiro, depósito de cabeceira de Barreiros, en Celeiro, ampliación da EDAR en San Cosme e EDAR de San Miguel. Así como a dos terreos ocupados polos bombeos e as depuradoras existentes en que se localizan que os novos bombeos que se expoñen de Sarxende e Reinante, que determinan a clasificación urbanística como solo rústico de protección de infraestruturas dos terreos correspondentes.

– A habilitación establecida no número V.5 ao proxecto sectorial previsto para a implantación da infraestrutura básica de rede viaria, para definir, reaxustar ou completar, de ser o caso, as aliñacións e rasantes das vías públicas. E que determina a correspondente modificación do número 1.2.3. da ordenación provisional aprobada polo Decreto 15/2007, do 1 de febreiro.

– A habilitación establecida no número V.5 a ese mesmo proxecto sectorial para, de ser o caso, posibilitar a urbanización ou ampliación das vías, rúas ou camiños existentes no seu ámbito territorial. E que determina a correspondente modificación do número 8.2. da ordenación provisional aprobada polo Decreto 15/2007, do 1 de febreiro, eliminando a prohibición que no dito punto se contén da urbanización ou ampliación das vías cales ou camiños existentes.

IV.8. Relacións do plan sectorial cos instrumentos vixentes de ordenación do territorio.

En setembro de 2010 o Concello de Barreiros remite copia do «Plan sectorial para a mellora e ampliación das infraestruturas básicas de saneamento, abastecemento e rede viaria no concello de Barreiros» á Secretaría Xeral de Ordenación do Territorio e Urbanismo.

Tras o informe previo da Dirección Xeral de Sostibilidade e Paisaxe o 23 de setembro de 2010 o Consello da Xunta acorda declarar o plan sectorial de referencia como de incidencia supramunicipal, e determina que lle corresponde á Consellería de Medio Ambiente, Territorio e Infraestruturas, a través da Secretaría Xeral de Ordenación do Territorio e Urbanismo, o impulso e tramitación do citado plan sectorial.

Con base no artigo 5, letra a) da Lei 6/2007, do 11 de maio, de medidas urxentes en materia de ordenación do territorio e do litoral de Galicia, o presente Plan Sectorial de Barreiros é obxecto de avaliación ambiental estratéxica (AAE), procedemento que se inicia o 8 de outubro de 2010.

O 3 de novembro de 2010 apróbase o documento de referencia, en que se comunica a amplitude, nivel de detalle e o grao de especificación do informe de sustentabilidade ambiental, incluíndo ademais os criterios ambientais estratéxicos, indicadores de obxectivos ambientais e principios de sustentabilidade aplicables en cada caso.

Mediante anuncio do 3 de decembro de 2010 (DOG n.º 236, do 10 de decembro), a versión preliminar do presente plan sectorial e o seu correlativo informe de sustentabilidade ambiental (ISA) someteuse a información pública durante un prazo de dous meses.

Simultaneamente a todo este proceso, son aprobados definitivamente as Directrices de ordenación do territorio (Decreto 19/2011, do 10 de febreiro) e o Plan de Ordenación do Litoral de Galicia (Decreto 20/2011, do 10 de febreiro).

As DOT constitúen un marco xeral de referencia, establecendo as pautas espaciais de asentamento das actividades, de acordo coas políticas sociais, económicas e culturais da Comunidade Autónoma, do Estado e dos entes locais.

O Plan de Ordenación do Litoral (POL) configúrase como un instrumento de ordenación territorial, que ten por obxecto, de conformidade co artigo 2 da Lei 6/2007, do 11 de maio, establecer os criterios, principios e normas xerais para a ordenación urbanística da zona litoral baseados en criterios de perdurabilidade e sustentabilidade, así como a normativa necesaria para garantir a conservación, protección e posta en valor de zonas costeiras e terá a natureza dun plan territorial integrado dos regulados na Lei 10/1995, do 23 de novembro, de ordenación do territorio de Galicia.

O POL plasma un modelo de litoral que reflicte a visión supramunicipal do territorio costeiro e que é fiel reflexo do obxecto en que consiste o contido planificador da ordenación do territorio, tal e como o consagrou a xurisprudencia constitucional, é dicir, a fixación dos usos do solo e o equilibrio entre as distintas partes do territorio.

A dita tarefa baséase en dous aspectos esenciais: un, o de sustentabilidade do territorio e, en segundo lugar, a «capacidade de carga» entendida como a aptitude dun territorio para soportar un nivel de intensidade de usos sen que, en ningún caso, se produza un proceso de deterioración ambiental, social ou cultural.

Así mesmo e de conformidade co artigo 5 da Lei 7/2008, do 7 de xullo, de protección da paisaxe de Galicia, o POL dá cumprimento á obrigatoriedade de que os poderes públicos velen para que no ámbito da súa competencia e da natureza de cada territorio se adopten as medidas específicas necesarias para a protección, xestión e ordenación da paisaxe, e integrar a consideración da paisaxe nas políticas de ordenación territorial e urbanística, así como en calquera outra política sectorial que poida producir un impacto directo ou indirecto sobre a paisaxe.

De acordo co previsto no artigo 2 do título preliminar do seu capítulo 1. Normativa do POL, corresponde á súa cartografía de modelo de xestión do plan expresar gráficamente a delimitación do territorio que constitúe o seu ámbito de aplicación.

Á vista dos planos de modelo de xestión do POL correspondentes ao termo municipal de Barreiros, o ámbito territorial deste plan sectorial está incluído dentro do definido como ámbito territorial do POL como plan territorial integrado, aínda que os catro núcleos urbanos existentes de San Cosme de Barreiros, San Pedro de Benquerencia, San Miguel de Reinante e Reinante aparecen grafados nos planos de modelo de xestión do POL como ámbitos de non incidencia das súas determinacións.

Iso no entanto, e tendo en conta ademais a proxección de actuacións que se prevén neste plan como exteriores aos ditos núcleos urbanos, asúmese como propio o mandato contido no artigo 4 da súa normativa e, por conseguinte, tamén os criterios establecidos no Plan de Ordenación do Litoral.

De conformidade co disposto no artigo 5 do decreto 80/2000, os plans e proxectos sectoriais de incidencia supramunicipal non poderán vulnerar as determinacións contidas noutros instrumentos de ordenación do territorio regulados na Lei 10/1995, do 23 de novembro, de ordenación do territorio de Galicia (LOT). Mandato que se concreta nunha obriga de sometemento á función directriz que incumbe, en virtude da LOT, tanto ás directrices de ordenación do territorio, como os plans territoriais integrados que afecten o plan ou proxecto sectorial respectivo.

Xorde, por tanto, a necesidade de realizar unha análise de compatibilidade estratéxica (ACE) como forma de garantir a coherencia da planificación do presente plan sectorial co diagnóstico e os obxectivos das DOT e do POL.

IV.8.1. Análise da compatibilidade estratéxica.

1) Consideración dos aspectos clave para a sustentabilidade

Analízase a continuación como se consideran os efectos do plan sectorial sobre os aspectos clave identificados nas DOT:

a) Calidade do solo.

Dadas as características das infraestruturas obxecto do plan sectorial non se afecta a calidade do solo. No entanto, o plan contribúe á optimización territorial e ambiental de infraestruturas e servizos.

b) Vocacionalidade de ámbitos.

A localización das infraestruturas obxecto do plan sitúase fóra dos espazos de valor agrolóxico, non afectando por tanto a capacidade produtiva do ámbito.

c) Exposición de riscos.

O plan non incide sobre os riscos naturais nin antrópicos.

d) Conservación do patrimonio natural e cultural

As actuacións propostas redactáronse conforme a Determinación 7.1.2. a), c) e e) das DOT, que lle son de aplicación, favorecendo a integridade funcional dos sistemas naturais e restauración dos espazos deteriorados. Neste sentido, débese ter en conta que a integridade funcional dos espazos naturais se garante ao dar cumprimento aos obxectivos do plan sectorial dado que a execución das actuacións propostas suporía a eliminación dunha serie de efectos negativos sobre o patrimonio natural que actualmente se producen.

No referente á restauración dos espazos alterados e á prevención de impactos incluídos nos procesos erosivos, no plan sectorial incorporáronse medidas preventivas e correctoras relacionadas concretamente co mantemento dos corredores ecolóxicos, recuperación mediante revexetación dos espazos alterados, optimización da localización das infraestruturas, controis de movemento de maquinaria e de operacións molestas para a fauna, protección de augas superficiais e ribeiras, etc.

Dado que as actuacións propostas se proxectan por viario existente ou polo trazado da rede actual, non se afecta directamente ningún elemento inventariado do patrimonio cultural.

e) Integración paisaxística.

O plan sectorial, partindo do estudo de paisaxe do POL, define tres unidades paisaxísticas en que se dan cita os elementos que sobre el interactúan: xeomorfoloxía, topografía, medio hídrico, vexetación, actividades antrópicas, etc. No territorio obxecto de estudo non está presente ningunha paisaxe protexida pola Lei 7/2008, do 7 de xullo.

Aínda que a maioría das actuacións discorren por viarias existentes, naqueles tramos das conducións que o requiran e nos elementos aéreos, prevíronse criterios de integración paisaxística, de acordo coa Determinación 8.3 das DOT.

f) Fragmentación do terriotorio.

O plan tivo en conta os corredores ecolóxicos existentes e definidos no POL, garantindo a súa permeabilidade transversal.

g) Competitividade económica.

A dotación de infraestruturas previstas no plan sectorial permitirá a reactivación da economía rexional, favorecendo o turismo nas súas diversas dimensións (natureza, descanso, de sol e praia, cultural, etc).

h) Equilibrio no desenvolvemento económico.

O ámbito de estudo é moi uniforme en valores naturais e en cuestión de potencial económico. Do mesmo xeito o plan actúa de forma homoxénea en todo o territorio.

i) Cohesión social.

A través do plan sectorial favorécese o acceso da poboación ás dotacións de servizos básicos (saneamento, abastecemento e rede viaria).

j) Calidade de vida.

A dotación de infraestruturas básicas previstas no plan permite dotar dunha maior calidade de vida os usos residenciais existentes, mellorando a saúde, o benestar e a mobilidade.

k) Gobernanza.

O plan xorde dun convenio interadministrativo asinado pola Consellería de Medio Ambiente, Territorio e Infraestruturas, a Administración hidráulica da Xunta, a Deputación Provincial de Lugo e o Concello de Barreiros, co que queda garantido de base a coordinación entre as distintas administracións.

l) Necesidades de mobilidade.

O Plan Sectorial de Barreiros favorece a mobilidade dentro dos núcleos urbanos, sen influír nas necesidades de transporte tanto de persoas como de mercadorías.

m) Equilibrio na repartición modal.

Poténciase o equilibrio na repartición modal ao crear un novo viario máis propicio á mobilidade alternativa.

n) Consumo enerxético.

O plan propón a utilización de fontes de enerxía renovables e o deseño de instalacións eléctricas de baixo consumo.

o) Emisión de gases efecto invernadoiro.

O plan propón a utilización de fontes de enerxía renovables que diminúen a emisión de gases de efecto invernadoiro.

p) Calidade da auga.

En coherencia coa Determinación 4.8.4 das DOT, as infraestruturas hidráulicas de abastecemento e saneamento previstas neste plan sectorial constitúen o conxunto de elementos construídos ao servizo do ciclo integral da auga.

A mellora da calidade das augas continentais e mariñas constitúe o obxectivo básico das infraestruturas de saneamento propostas dentro do presente plan sectorial. Neste sentido, inclúese a recolleita da auga residual e a súa condución ás estacións depuradoras, eliminando así os puntos de vertedura existentes.

En canto ao tratamento das augas residuais, no plan sectorial xustifícase e recóllese a construción de dúas novas depuradoras, que coa existente en San Bartolo darán servizo a toda a poboación do ámbito de estudo.

En ambas as depuradoras establécense dentro das súas características funcionais os obxectivos de calidade de acordo coa lexislación sectorial vixente (Directiva 2000/60/CE do Consello de Comunidades Europeas, Real decreto 509/1996, do 15 de marzo, de desenvolvemento do Real decreto lei 11/1995, do 28 de decembro, polo que se establecen as normas aplicables ao tratamento das augas residuais urbanas, Directiva 2006/7/CE, do 15 de febreiro, relativa á xestión da calidade das augas de baño).

q) Consumos de recursos hídricos.

O municipio de Barreiros abastécese do río Masma, onde existe unha captación en Celeiro de Mariñaos. A subministración de auga potable compleméntase no inverno con dúas captacións máis, localizadas no Rego de San Estevo e en Pena da Balsa. Segundo datos municipais, actualmente no río Masma cáptase un caudal de 50-60 l/s de maneira intermitente, moi superior ás 20 l/s que trata a potabilizadora existente. Segundo se define no plan sectorial, con base na poboación no ano horizonte, a captación exposta no río Masma será de 60 l/s, coincidindo co caudal de deseño da nova ETAP. Tanto para a situación actual como para o ano horizonte, o caudal captado no río Masma é moi inferior ao caudal de estiaxe mínimo (800 l/s), polo que está garantida a capacidade de subministración.

En concordancia coa Determinación 4.8.5 das DOT as infraestruturas de abastecemento garanten a subministración suficiente de auga superficial a todo o municipio de Barreiros (alcanzado mesmo a elementos puntuais dos concellos limítrofes), promovendo o seu uso sustentable, equilibrado e equitativo.

Asúmense como propios os criterios recollidos no seu artigo 27 do POL, relativos ao ciclo hídrico, nos termos seguintes:

«A planificación hidrolóxica servirá de referencia para a planificación e a ordenación dos distintos usos e actividades no ámbito do litoral, co obxectivo de acadar unha utilización eficiente do recurso auga na súa concepción de ciclo, que permita manter as súas funcións ecolóxicas ao mesmo tempo que se cobren as necesidades de abastecemento, saneamento e depuración.

Fomentarase a máxima eficiencia nos sistemas de abastecemento e saneamento coa implantación das tecnoloxías que mellor se adapten ás condicións de demanda do recurso e de xeración de augas residuais, tendo en conta especialmente o seu posible carácter estacional. Para iso o planeamento deberá prestar especial atención ás seguintes consideracións:

a. Renovaranse as redes existentes con problemas de eficiencia.

b. Promoverase a implantación de sistemas e mecanismos de aforro do recurso, que será de obrigado cumprimento para as instalacións e edificios públicos.

c. O deseño do sistema de saneamento e drenaxe no seu conxunto deberá ser tal que teña en conta a capacidade de admisión do medio receptor, de maneira que a calidade, cantidade e frecuencia de calquera vertedura aos medios receptores cumpra os requisitos establecidos pola lexislación vixente de control de emisións e se cumpran os obxectivos establecidos de calidade dos sistemas acuáticos.

d. No medio rural, o sistema será preferentemente de tipo separativo, e non se permitirá a conexión de augas pluviais ás canalizacións de augas fecais. As solucións de abastecemento e saneamento adaptaranse ás características específicas de cada contexto, e establecerán a posibilidade de sistemas puntuais illados das redes xerais e de tecnoloxías de baixo custo, de ser o caso.

e. No medio urbano, o sistema será preferentemente de tipo separativo.

f. As redes deberán ter a suficiente capacidade para a evacuación da totalidade das augas residuais xeradas na zona atendida e das augas de chuvia xeradas na súa bacía tributaria asociada ao período de retorno de deseño sinalado na normativa de referencia.

g. Fomentarase a implantación das técnicas de drenaxe urbana sustentable, co obxectivo de optimizar a xestión dos caudais e da contaminación proveniente das augas de escorremento.

h. En orixe, aplicaranse medidas a elementos do sistema de drenaxe previamente á súa incorporación á rede de saneamento. Serán técnicas de control do volume de auga que se introduce na rede, ben desviando parte das augas cara a sistemas que permitan ou faciliten a infiltración non só (gabias drenantes, depósitos de retención, etc.) ben facendo que o fluxo atravese medios porosos (pavimentos porosos, depósitos de filtración en leito de area, etc.). Na medida do posible, combinaranse con algún tipo de tratamento sinxelo baseado en fenómenos físicos ou biolóxicos, para reducir a contaminación, o que será obrigado nos casos en que así o indique a normativa (instrucións técnicas para obras hidráulicas en Galicia, ITOGH).

i. Augas abaixo, preferiblemente, na rede de saneamento e excepcionalmente na EDAR, adoptaranse medidas para minimizar os alivios ao medio receptor, e implantaranse segundo o caso estanques e depósitos de detención ou retención, zonas húmidas ou sistemas de infiltración.

j. Potenciarase a reutilización das augas residuais convenientemente tratadas, aplicándoa a procesos industriais, tarefas de limpeza pública, rega de espazos libres, regadíos ou outros usos similares.

Nas inmediacións do dominio público hidráulico, o planeamento establecerá unha ordenación acorde co mantemento da funcionalidade do ciclo hídrico. Neste sentido, evitaranse os desenvolvementos urbanísticos nos espazos de maior valor agrolóxico, potencialmente inundables e de valor hidroxeolóxico.

Nas áreas urbanas e rurais empregaranse técnicas como a localización de espazos libres que mellore a vexetación de ribeira.

O planeamento recollerá as actuacións necesarias para erradicar as verteduras directas ao dominio público hidráulico ou ao marítimo-terrestre que non cumpran coas condicións de calidade determinadas pola normativa aplicable. En todo caso, para o desenvolvemento de novos ámbitos de planeamento será condición sine qua non que o sistema de saneamento e depuración correspondente, sexa autónomo ou pertencente a unha rede xeral, dea como resultado un efluente coas condicións idóneas para ou seu retorno ao ambiente sen risco de contaminación, tal e como exixe a normativa correspondente».

r) Calidade do aire.

As actuacións obxecto do plan sectorial non son xeradoras de emisións contaminantes relacionadas coa calidade do aire (emisión de partículas, ruído, luminosidade, etc).

s) Xestión de residuos.

O plan sectorial insta o tratamento e xestión dos residuos xerados nas depuradoras, valorándose a súa reutilización.

2) Proceso de decisión.

a) Coherencia en serie.

Relación cos obxectivos das DOT e o POL. Avaliar a relación dos obxectivos estratéxicos que motivan o plan sectorial cos obxectivos das directrices e do POL.

O plan sectorial coincide coa liña marcada nas directrices e no POL de mellorar a calidade de vida dos usos residenciais existentes, aos cales se dota de infraestruturas básicas, mellorar a accesibilidade e mobilidade e protexer o patrimonio natural.

b) Coherencia transversal.

Relación cos obxectivos de planificación sectorial. Avaliar a relación dos obxectivos estratéxicos do plan sectorial cos obxectivos da planificación sectorial existente (Planificación Hidrolóxica, Plan Auga).

No ISA deste plan sectorial inclúese a descrición do ciclo hídrico (capítulo V, número 8) de acordo cos aspectos recolleitos no plan hidrolóxico en tramitación.

Do mesmo xeito, tal e como se xustifica no número III.1.1 deste plan sectorial, a rede de abastecemento prevista é compatible coa previsión que recolle o Plan Auga (aprobado polo Consello da Xunta o 14 de maio de 2010), de conexión da rede de abastecemento de Barreiros coa de Foz.

c) Demanda social.

Avaliar a metodoloxía utilizada para a estimación da demanda que motiva as actuacións do plan.

A excelente localización de Barreiros é a razón que xustifica por que é un dos principais referentes turísticos da Mariña Lucense e cunhas grandes expectativas no futuro máis próximo. A beleza e singularidade da costa de Barreiros, na cal destacan altos cantís e amplos areais, algúns deles galardoados co distintivo de bandeira azul, determinan a afluencia dun gran número de veraneantes e xustifican o forte crecemento de novas edificacións asociadas á segunda residencia.

Tras unha análise da evolución da poboación censada de Barreiros durante os últimos anos observamos que a traxectoria seguida é lixeiramente descendente, aínda que cunha tendencia á continuidade. Isto contrasta con todo co crecemento do número de vivendas que experimentou o municipio nos último anos e, por tanto, coa evolución da poboación flotante en épocas estivais (fundamentalmente en agosto).

O forte crecemento desta poboación flotante é a xustificación da sinatura do convenio interadministrativo que deu pé ao presente plan sectorial, en que se recolle a implantación e mellora das infraestruturas básicas que permitirán dotar de calidade de vida os usos residenciais existentes e previstos.

No número I.1.1 deste plan xustifícanse os criterios e datos adoptados no cálculo da poboación de deseño das infraestruturas recollidas.

Do mesmo xeito, levouse a cabo un estudo socioeconómico do municipio de Barreiros, en que se analizan con detalle as características demográficas, prognoses de poboación, actividade económica e poboación activa, dándose cumprimento á Determinación 3.1.6 da DOT.

d) Consideración de alternativas. Xustificación da elección.

Avaliar se o plan é resultado da selección entre varias alternativas e a xustificación da alternativa seleccionada.

Propuxéronse tres alternativas, incluída a opción «0», cuxa descrición, valoración e factores de selección se desenvolveron nos números 3 e 6 do ISA.

e) Consultas e coordinación.

Avaliar o grao de consenso buscado durante o proceso de planificación, desde a perspectiva de: métodos e participación cidadá; métodos e consultas a outras administracións públicas; coordinación con políticas, plans e normas.

Durante o proceso de planificación logrouse un alto grao de consenso entre os organismos asinantes do Convenio de colaboración interadministrativo do 20 de abril de 2010, cos cales se debe ir coordinando a redacción do plan.

Durante o proceso de avaliación ambiental estratéxica someteuse a consultas a todos os compoñentes do Consello Galego de Medio Ambiente e Desenvolvemento Sostible, e ao mesmo tempo inseriuse na páxina web da Consellería de Medio Ambiente, Territorio e Infraestruturas para que o público en xeral fixese os comentarios oportunos.

Para elaborar os distintos puntos recompilouse información relacionada co patrimonio natural, cultural e medio socioeconómico, infraestruturas, servizos, plans e proxectos que incidan na zona de estudo.

3) Relación cos elementos estratéxicos.

a) Paisaxe, patrimonio natural e cultural.

Identificáronse as distintas unidades de paisaxe e analizouse a súa estrutura física no territorio para garantir a compatibilidade das actuacións co desenvolvemento sustentable da paisaxe.

Aínda que a maioría das actuacións discorren por viarias existentes, naqueles tramos das conducións que o requiran e nos elementos aéreos, prevíronse criterios de integración paisaxística, de acordo coa Determinación 8.3 das DOT.

Están presentes no territorio dous espazos integrados na Rede Natura 2000 (LIC As Catedrais e LIC Ría de Foz - Masma que integra a ZEPA Ría de Foz).

Dáse cumprimento á Determinación 7.1.1 das DOT incorporando as medidas e actuacións necesarias para garantir a protección dos recursos naturais e o seu uso sustentable.

A integridade funcional dos espazos naturais garántese ao dar cumprimento aos obxectivos do plan sectorial dado que a execución das actuacións propostas suporía a eliminación dunha serie de efectos negativos sobre o patrimonio natural que actualmente se producen:

● Alteracións dos hábitats de flora e fauna da Rede Natura 2000 (LIC «As Catedrais» por verteduras residuais sen depurar ao Rego da Barranca.

● Alteracións ás zonas de recreo da praia de Arealonga e LIC «As Catedrais» por verteduras no Rego de Santiago.

● Emisión de malos cheiros que contaminan os espazos naturais.

● Diminución de calidade ambiental por perdas e verteduras en diversos puntos da rede de saneamento.

● Perda da calidade da paisaxe por verteduras e malos cheiros.

En relación coa Determinación 7.1.4 das DOT, tivéronse en conta os catálogos de especies ameazadas e os correspondentes a plans de conservación, concretamente os seguintes:

● Especies da Directiva 92/43/CEE.

● Especies da Directiva 79/409/CEE.

● Catálogo nacional de especies ameazadas.

● Catálogo galego de especies ameazadas.

Dado que as actuacións propostas se proxectan por viario existente ou polo trazado da rede actual, non se afecta directamente ningún elemento inventariado; no entanto, neste sentido, dáse cumprimento á Determinación 9.5 das DOT, ao proporse medidas protectoras consistentes na delimitación dos bens do patrimonio histórico-artístico mediante a marcación destes.

b) Produción de alimentos.

As actuacións do plan sectorial non afectan áreas de produción relacionadas co sector primario (agricultura, gandaría, pesca e marisqueo).

c) Solo empresarial.

Aínda que non é obxectivo do plan sectorial a creación de solo empresarial, si se incide positivamente no seu desenvolvemento ao dotar o territorio dos servizos adecuados para a súa implantación.

d) Turismo.

As actuacións do plan sectorial potencian o sector turístico de Barreiros ao dotar de calidade de vida e mobilidade os usos residenciais, ao mesmo tempo que se potencian os valores naturais dos espazos de recreo e lecer.

e) Equipamentos e servizos básicos.

Os equipamentos e servizos básicos determinan, en gran medida, o benestar e a cohesión social. A accesibilidade da cidadanía a eles supón un factor de competitividade territorial que os converte en elementos de dinamización da actividade socioeconómica.

É obxectivo do presente plan sectorial dotar os núcleos urbanos de Barreiros das infraestruturas básicas de saneamento, abastecemento e rede viaria.

V. Memoria descritiva das características técnicas das infraestruturas obxecto do plan.

V.1. Descrición das características xerais das redes de servizos recollidas no plan sectorial.

Prevese a mellora e ampliación das redes básicas de saneamento, abastecemento e viarios con que se conseguirá dotar dunha maior calidade urbana os núcleos de San Cosme, San Pedro, San Miguel e Reinante.

V.1.1. Rede de saneamento.

Analizados os déficits das redes de saneamento dos núcleos de Barreiros, compróbase que estes se localizan principalmente nos sistemas de depuración actual, xa que son incapaces de soportar o crecemento de poboación previsto no municipio. No caso de San Miguel e Reinante, estas deficiencias xa están patentes na actualidade, polo que urxe a formulación de solucións.

Reestrutúrase a rede de saneamento xeral do catro parroquias costeiras con base en tres sistemas de depuración:

● EDAR de Barreiros (San Bartolo)

A EDAR de San Bartolo tratará exclusivamente as augas residuais deste núcleo urbano da costa, en torno ao cal se desenvolveron numerosas urbanizacións e do cal se espera aínda un importante crecemento. Para iso actúase no bombeo existente de San Pedro, que como o seu nome indica recolle a rede desta parroquia, desde o que se define unha nova impulsión cara a Sarxende.

● EDAR de San Cosme

Mantense o esquema da rede do núcleo de San Cosme ao mesmo tempo que se completa cunha serie de ramais que dan servizo ás novas vivendas construídas. Exponse a renovación da depuradora actual, xa que deberá estar dimensionada para unha poboación tres veces superior.

● EDAR de San Miguel

Os cambios máis significativos formúlanse ao redor da EDAR de San Miguel, na cal se concentrarán as augas residuais de tres das catro parroquias costeiras: San Pedro, San Miguel e Reinante.

A rede de San Pedro extráese da rede de San Bartolo, para o que se modifica o bombeo existente de San Pedro. Nel cambiaranse as bombas, a caldeiraría da arqueta de chaves e o cadro eléctrico. Exponse pola súa vez unha nova tubaxe de impulsión que conduce as augas da parroquia de San Pedro concentradas no dito bombeo, cara á EDAR de Sarxende. A tubaxe de impulsión exponse en PVC PN-10 atm. de 160 mm de diámetro, e ten unha lonxitude aproximada de 740 metros lineais.

Antes de chegar á EDAR de Sarxende, a impulsión de San Pedro rompe carga na estrada da costa, repóndose o colector existente (PVC Ø200mm) no denominado colector de Sarxende (Costa). Este colector, exposto en PVC Ø315mm e de 654 metros de lonxitude, conecta a impulsión de San Pedro coa EDAR de Sarxende (novo bombeo de Sarxende).

A EDAR compacta de Sarxende quedará fóra de servizo e no seu lugar exponse un pozo de bombeo do cal parte a impulsión de Sarxende. Esta impulsión eleva as augas residuais desde a costa ata o núcleo de Sarxende, desde onde baixarán por gravidade cara ao Rego dá Barranca, e finalmente á nova EDAR de San Miguel.

A impulsión de Sarxende exponse en PVC PN-10 atm de 200 mm de diámetro. A súa lonxitude é de 899 metros lineais. O colector en que dita impulsión rompe carga denomínase colector Sarxende - EDAR. Como o seu nome indica, termina na nova EDAR de San Miguel, situada na marxe dereita do Regueiro da Barranca, fóra de Rede Natura. Este colector ten unha lonxitude de 646 metros lineais e exponse en PVC Ø315mm.

Nun dos pozos deste colector rompe carga a nova impulsión de Pasadas, procedente do bombeo do mesmo nome. O bombeo de Pasadas cambia de dirección (actualmente entra na EDAR de Reinante), co que se substitúen os equipos (bombas, caldeiraría e cadro eléctrico) para adaptalo ao novo punto de funcionamento. A impulsión actual quedará fóra de servizo e no seu lugar exponse unha nova impulsión que eleva as augas residuais que chegan ao pozo ata o núcleo de Sarxende, para o seu posterior tratamento na EDAR de San Miguel. A nova tubaxe de impulsión exponse con tubaxe de Polietileno Ø110mm PN-10 atm., e terá unha lonxitude de 820 metros.

Pola súa vez, a EDAR de Reinante déixase fóra de servizo e no seu lugar exponse un novo pozo de bombeo que permite impulsar as súas augas residuais ata a nova EDAR de San Miguel. A tubaxe de impulsión ten unha lonxitude de 1383 metros lineais e exponse con tubaxe de PVC PN-10 atm. Ø160mm. A súa rotura de carga prodúcese 200 metros antes de chegar á parcela da nova EDAR, desde onde se expón un colector de gravidade, colector Reinante - EDAR, de 196 ml de lonxitude, en PVC Ø315mm.

Por último, e para garantir a chegada das augas residuais do núcleo de San Miguel, exponse a renovación do colector de marxe do Rego de Barranca. O novo colector de marxe respectará o trazado do existente, aproveitando a servidume xerada polo actual. Unicamente se expón unha modificación de trazado no cruzamento do ferrocarril, onde se expón a execución dun predio. Con isto soluciónase o punto conflitivo do colector existente no cal, como se viu no número I.1.2, presentaba continuos rebordamentos.

A rede de San Miguel complétase cunha serie de ramais dentro dos núcleos de San Pedro, San Miguel e Reinante que permiten a consolidación do solo urbano.

V.1.2. Rede de abastecemento.

Exponse unha rede de abastecemento xeral que garantirá a subministración de auga á totalidade do municipio de Barreiros, e exponse a renovación e ampliación da rede de distribución dentro dos núcleos urbanos obxecto do plan sectorial.

Como se sinalaba na memoria de déficits (número I.1.2), o crecemento da poboación flotante de Barreiros dos últimos anos e o que se espera para o ano horizonte supera a capacidade da actual ETAP de Rexa (Celeiro), da cal é abastecido todo o municipio. Para a garantía de abastecemento futuro do Concello de Barreiros co crecemento esperado nos próximos 30 anos, proponse unha serie de actuacións que se enumeran a continuación:

– Construción dunha nova ETAP en Rexa para 60 l/s.

– Construción dun depósito de cabeceira de rede de 3000 m3 de capacidade.

– Construción dunha liña de adución desde a ETAP até o depósito da Barranca.

– Renovación das captacións de montaña.

– Construción de redes de distribución principal de comunicación dos depósitos cos núcleos de poboación.

Nova ETAP en Rexa.

Precísase a construción dunha nova ETAP con equipamento para a potabilización dun caudal de 60 l/s, con dúas liñas independentes, deixando espazo libre para unha posible ampliación da planta.

Albergarase nun edificio pechado a parte correspondente á filtración, dosificación de reactivos, deshidratación de lodos, control e vestiarios. Proxéctase a ETAP cun recinto aberto en que se realiza a mestura de reactivos para a coagulación e floculación, seguida da decantación. O formigón será HA-30/IV+Qb, para permitir unha maior durabilidade do formigón.

Así mesmo, a planta disporá de dous bombeos:

● Bombeo de auga bruta, con posibilidade de funcionamento a 30 ou 60 l/s, e ampliable a 90 l/s.

● Bombeo de auga tratada, proxectada para 60 l/s con posibilidade de ampliación a 90 l/s.

Depósito de cabeceira de rede.

Construirase un novo depósito de cabeceira da rede de abastecemento, de 3000 m3 de capacidade útil á cota 150 m. Estará composto por dous vasos independentes de 1.500 m3 cada un, cunha cámara de válvulas común que permitirá un funcionamento independente deles.

A entrada de auga realizarase pola parte superior e disporase a saída de maneira que se garanta a mestura da auga. A soleira terá no seu punto máis baixo o desaugadoiro (50 cm por baixo da saída) e pendente mínima do 2% para permitir o mantemento e limpeza. O aliviadoiro situarase polo menos cun resgardo de 50 cm respecto do forxado.

Os depósitos construiranse de formigón armado HA-30 para ambiente IV+Qb. En todo caso, no seu interior impermeabilizaranse todas as súas superficies para a protección do formigón e do aceiro, cun material que presente certificado alimentario e durabilidade mínima de 10 anos.

Liña de adución.

Co obxectivo de garantir o abastecemento das poboacións máis orientais do municipio, proxéctase unha rede de adución nova que estará formada polos seguintes tramos:

– ETAP - Depósito de cabeceira de Barreiros: FD 300; L= 1760 m.

– Depósito de cabeceira - Depósito de Celeiro: FD 300; L= 3260 m.

– Depósito de cabeceira - Depósito da Folgueirosa: FD 150; L= 930 m.

– Depósito da Folgueirosa - Depósito da Barranca: FD 250; L= 5420 m.

En todos os casos o material das tubaxes será fundición e o diámetro garantirá os caudais de deseño establecidos.

Na derivación ao depósito da Folgueirosa disporase unha válvula sostedora de presión, con obxecto de garantir a subministración na Barranca.

Renovación das captacións de montaña.

Propóñense actuacións en ambas as captacións, melloras en calquera caso desde un punto de vista ambiental, estético ou sanitario, as cales se describen a continuación:

● Substitución da tubaxe de fibrocemento por outra de fundición FD150 desde a captación ata a súa respectiva ETAP da Barranca ou Merille.

● Limpeza e saneamento do azude: corto de arboredo, roza e retirada do material depositado por sedimentación ao longo dos anos.

● Adecuación da contorna da captación de San Estevo coa eliminación da caseta de fábrica e a tubaxe formigonada.

Rede de distribución principal.

Proponse a execución de tramos de rede principal desde os depósitos ata o núcleo de poboación, os cales de enumeran a continuación:

– Depósito da Folgueirosa - San Cosme: FD 250; L= 690 m.

– Depósito da Barranca - San Miguel: FD 250; L= 1870 m.

– San Miguel - Reinante: FD 200; L= 1820 m

– Depósito de Merille - San Cosme: FD 200; L= 280 m.

Das liñas principais sairán derivacións mediante tubaxes secundarias, nunca acometidas domiciliarias directas.

V.1.3. Rede viaria.

A rede viaria que se expón localízase dentro de cada un do catro núcleos obxecto do plan sectorial, xa que con ela, o obxectivo que se persegue é a vertebración e mellora de calidade ambiental da trama urbana.

Para iso, mediante a rede definida garantirase o acceso rodado e peonil a todas as vivendas que se prevén e que se computan na análise de déficits. Do mesmo xeito, dado que a trama viaria de cada un dos núcleos se estrutura ao redor da estrada N-634, ao longo dela deberase garantir a continuidade do itinerario peonil, permitindo así a conexión de todas as vías entre si.

Na rede viaria exposta respéctanse as aliñacións establecidas polas normas subsidiarias de Barreiros. Para estes viarios principais sobre os que se centra a actuación, defínense largos ambiciosos de 12 e 15 m. A realidade da edificación existente e da titularidade dos terreos impedirá respectar estes largos a curto prazo, debéndose axustar os trazados da rede viaria no correspondente proxecto sectorial de desenvolvemento.

A rede viaria dará continuidade ao viario existente, polo que se expoñen beirarrúas de dous metros de largo, pavimentadas con baldosa hidráulica gris e encintadas con bordo de formigón, e calzada con aglomerado en quente.

En San Cosme, as actuacións que se expoñen localízanse no que podería denominarse centro urbano, que coincide coa zona onde o crecemento de vivendas experimentou un maior auxe nos últimos anos. Ábrese unha nova rúa (xa prevista nas normas subsidiarias) para dar acceso rodado a un bloque de vivendas en construción. Expóñense as beirarrúas de dúas mazás centrais dando acceso peonil ás novas vivendas. Na nacional N-634 complétanse as beirarrúas en dous tramos puntuais. En San Pedro, dos catro viarios que configuran a súa trama urbana actúase no tres en que se localiza o maior número de vivendas: a N-634 e os dous viarios principais perpendiculares á dita estrada. Paviméntanse as beirarrúas deste tres viarios e aglomérase a calzada das dúas rúas principais.

En San Miguel, as actuacións na rede viaria localízanse nas zonas de crecemento, situadas no extremo leste do núcleo, ao redor da N-634, e ao redor da estrada de acceso á costa. Prolónganse as beirarrúas existentes na N-634, principalmente na chegada a Reinante. Dentro do que podería considerarse a trama viaria principal (viarias que parten da estrada xeral N-634), exponse a mellora das condicións de urbanización de cinco deles.

En Reinante, un dos viarios principais que se urbaniza xera dúas interseccións coa estrada nacional, pechando unha mazá edificable. O outro viario principal que se expón constitúe o inicio da estrada á costa de Reinante. En ambos os viarios principais prevese a execución das beirarrúas que permiten a continuidade de itinerarios peonís e aglomérase a calzada. Como en todos os núcleos anteriores, expóñense as beirarrúas da estrada N-634, potenciando o carácter urbano da vía ao seu paso polo núcleo.

V.2. Determinación do ámbito territorial de incidencia do plan sectorial e dos núcleos urbanos que constitúen os ámbitos territoriais para a súa implantación.

O ámbito territorial sobre o que incide o plan sectorial (descrito con detalle no número II.1.4) é, en primeiro termo, o delimitado como solo urbano tradicional polas normas subsidiarias de Barreiros, con excepción do núcleo de San Bartolo. Pola súa vez, e dada a reestruturación da rede xeral de saneamento asociada ao catro núcleos de San Cosme, San Pedro, San Miguel e Reinante, co fin de garantir a depuración das súas augas residuais, a incidencia do plan abarca a totalidade deste catro parroquias costeiras, incluíndo o núcleo de San Bartolo. Por último, a renovación da captación e ETAP de Celeiro, así como a formulación dun novo depósito de cabeceira do cal partirán as redes de distribución de auga de todo o municipio; a incidencia do plan sectorial esténdese igualmente ata as parroquias do interior e ata elementos limítrofes dos municipios de Ribadeo, Trabada e Lourenzá.

O ámbito de estudo caracterízase pola súa orografía e a súa paisaxe costeira, que determinan o aumento considerable da poboación flotante nos meses de verán. Esta franxa costeira ofrece ao visitante oito quilómetros de belas praias, situadas entre a desembocadura do río Masma ata a praia das Catedrais (xa pertencente ao veciño municipio de Ribadeo). A morfoloxía litoral caracterízase por orixinais formacións e belos areais, ocasionados pola acción erosiva do mar. Cara ao interior a topografía vólvese máis accidentada ao aproximarnos ás estribacións das serras que pechan polo norte a meseta lucense, alcanzándose as maiores altitudes en Peñalonga (509 metros). Entre unha e outra unidade atópase unha altiplanicie de apenas tres quilómetros de largo, en que se asenta a maior parte dos núcleos de poboación.

Climatolóxicamente, toda a Mariña Oriental presenta unhas características similares: precipitacións moderadas e temperaturas moderadas, aínda que cara ao interior estas van descendendo e aumentan as precipitacións a medida que nos achegamos á área montañosa.

Os cultivos e usos do solo repártense da seguinte maneira:

	Ha	%
Cultivos e pradarías	2.854	39,20
Matogueira	549	7,54
Arboredo	3.650	50,14
Improdutivo	227	3,12
Total	7.280	100,00

Como pode observarse no plano VII.I.6 así como na táboa anterior, hai un claro predominio do arboredo, que ocupa a parte montañosa do interior do municipio, e dos cultivos e pradarías, cuxa superficie se reparte na costa (labor intensivo sen arboredo) e no extremo norte do municipio (prados e cultivos).

V.3. Características funcionais, criterios de deseño e localización.

V.3.1. Rede de saneamento.

V.3.1.1. Características funcionais.

Dentro da denominada rede de saneamento inclúense máis elementos á parte das tubaxes encargadas de recoller e transportar a auga residual xerada dentro dos núcleos de poboación. Débense considerar igualmente todas aquelas infraestruturas que permitan unha xestión integral da auga residual, desde a súa orixe até a súa vertedura ao medio receptor nas condicións que determinen as leis ambientais de aplicación.

A nova rede de saneamento deberá, por tanto, cubrir unha serie de funcións:

● Dentro dos catro núcleos urbanos obxecto do plan sectorial, deberanse expor aqueles ramais que permitan garantir a calidade ambiental dos usos residenciais existentes. Para iso, deberase consultar aos técnicos municipais cales son as necesidades actuais así como as previstas con base no desenvolvemento previsto.

● Os novos ramais que se exporán dentro dos núcleos deberanse integrar na rede de saneamento existente, da cal formarán parte. Esta rede única deberá interceptar as augas residuais xeradas con base nos usos establecidos (residencial), transportalas ata a estación de tratamento, depurar as augas ata cumprir os requisitos de vertedura e, por último, vertelas ao medio natural (sempre regatos).

● O rendemento das estacións depuradoras deberá garantir o cumprimento do establecido pola Directiva 2000/60/CE do Consello de Comunidades Europeas, e polo Real decreto 509/1996, do 15 de marzo, de desenvolvemento do Real decreto lei 11/1995, do 28 de decembro, polo que se establecen as normas aplicables ao tratamento das augas residuais urbanas. Ao mesmo tempo, e dado o ámbito de actuación, deberase cumprir coa Directiva 2006/7/CE, do 15 de febreiro, relativa á xestión da calidade das augas de baño.

Concentración DBO5	≤ 25,00 mg/l
Concentración DQO	≤ 125,00 mg/l
Concentración SS	≤ 35,00 mg/l
Nitróxeno total	≤ 15,00 mg/l
Fósforo total	≤ 2,00 mg/l
pH	6 - 8,5
Enterococos intestinais	≤ 100 UFC/100 ml
Escherichia coli	≤ 250 UFC/100 ml

As depuradoras novas de San Cosme e San Miguel terán as seguintes características:

Línea de auga.

● Obra de chegada.

– Pozo de chegada con retención de grosos.

– By-pass xeral.

– Tanque de homoxeneización.

● Pretratamento.

– Reixa de grosos automática de protección do bombeo.

– Elevación de auga bruta.

– Desbastamento fino (reixas automáticas).

– Desareador - desengraxador.

– Medida de caudal.

● Tratamento biolóxico.

– By-pass do tratamento biolóxico

– Reactor biolóxico en que se desenvolve un proceso convencional de lodos activados/sistema de oxidación total, con nitrificación - desnitrificación e eliminación química de fósforo.

– Decantación secundaria.

● Desinfección.

– By-pass do tratamento terciario.

– Desinfección da auga por raios UVC.

● Saída da efluente

– Medición de caudal.

– Conexión co by-pass xeral e incorporación da vertedura á condución de saída.

– Vertedura do efluente ao río mediante condución de desaugadoiro.

Liña de lodos.

● Recirculación de lodos

– Impulsión de lodos desde o decantador ao reactor biolóxico.

● Purga e deshidratación de lodos.

– Extracción de lodos e bombeo destes ao espesador de lodos.

– Espesamento por gravidade dos lodos con ponte.

– Bombeo de lodos espesados a deshidratación.

– Estabilización química dos lodos por adición de polielectrólito.

– Deshidratación de lodos.

– Recollida de lodo seco nunha moega.

Incluirase ademais un edificio para o control da EDAR. Desde o posto de telexestión da EDAR controlarase simultaneamente o funcionamento dos bombeos da rede de saneamento.

V.3.1.2. Criterios de deseño.

Para o deseño e dimensionamiento da rede no seu conxunto seguiranse as instrucións técnicas para obras hidráulicas en Galicia (ITOHG), elaboradas pola Administración hidráulica de Galicia en colaboración co Grupo Flumen da ETSECCP da Coruña.

A rede de saneamento será de tipo separativa.

Do mesmo xeito, a poboación máxima actual das catro parroquias en que se desenvolve o presente plan sectorial (San Cosme, San Pedro, San Miguel e Reinante) determínase a partir dos datos e/ou hipóteses que se tiveron en conta na memoria de déficits:

● Padrón: adóptase como poboación fixa e estaría afectado o coeficiente punta de variación estacional.

● Coeficiente punta de variación estacional: 1,4 (segundo as ITOHG).

● Vivendas das urbanizacións da costa: ocupadas no verán cun cociente de ocupación de 3 habitantes/vivenda.

● Hostalaría:

– 1 praza de cámping = 0,5 habitantes equivalentes.

– 1 habitación de hotel = 0,67 habitantes equivalentes.

– Casaríos e cabanas = 2 habitacións de hotel = 1,33 hab. equivalentes.

– Refuxios e albergues = 1 habitación de hotel = 0,67 hab. equivalentes.

No cálculo de caudais, e de acordo coa ITOH, consideraranse os seguintes datos de partida:

● Dotación de auga por habitante e día: 240 l/hab. día.

● Coeficiente de retorno: 0,8.

● Coeficiente punta de variación estacional (Cpest) de 1,4.

● Coeficiente punta de variación horaria.

● Non se consideran retornos de auga abastecida á gandaría.

● Non hai caudais de orixe industrial.

● Considérase un caudal de infiltración que se calcula a partir dos caudais medios actuais.

Nas conducións por gravidade adoptaranse os seguintes criterios durante o cálculo hidráulico:

– O calado relativo (I/D) para o caudal máximo de proxecto non será superior, como norma xeral, a 0,75.

– A velocidade máxima, sempre que sexa posible, será inferior a 6 m/s.

– A pendente mínima será do 0,6%, estando a máxima limitada pola velocidade indicada no punto anterior.

Para as conducións por gravidade empregaranse tubaxes de PVC SN-8. Nas impulsións empregaranse tubos de PVC de presión, e poderanse empregar mangueiras de polietileno para os diámetros menores.

Será de aplicación o prego de prescricións técnicas xerais para tubaxes de saneamento de poboacións (O.M. 15.9.1986 MOPU) (publicado no BOE do 23.9.1986).

Executaranse pozos de rexistro de formigón (HM-30) executados in situ, de 1,0 m de diámetro interior e paredes de 20 cm de espesor. Sobre o fuste colocarase ou executarase un cono excéntrico de dimensións 1,0-0,6 x 0,7 m, con reforzo perimetral de formigón e tapa e cerco de fundición dúctil de 600mm de luz libre e 40 t de rotura de carga. A soleira do pozo terá 1,40 m de diámetro e 40 cm de espesor; nela formarase unha acanaladura en forma de sector circular, de 20 cm de profundidade.

As impulsións estarán dotadas de desaugadoiros nos puntos baixos para o baleiramento da tubaxe, así como das ventosas precisas para a purga de aire.

A escavación das gabias realizarase de acordo coas especificacións establecidas no estudo xeotécnico. No seu interior, os tubos colocaranse sobre unha cama de area de 10 cm, e a continuación encheranse ambos os dous lados da condución con material granular seleccionado ata cubrila un mínimo de 20 cm sobre a xeratriz superior. En todos os casos procurarase un recubrimiento mínimo dun metro medido sobre a clave do tubo.

Os novos pozos de bombeo instalaranse en cámara húmida, na cal as bombas mergulladas seguirán un esquema de funcionamento de 1+1 (alternancia de cada unha das bombas, permanecendo a segunda en situación de reserva). Independentemente do número de colectores que cheguen ao bombeo, proxectarase unha única entrada no pozo de bombeo, na que se situará o elemento preciso (reixa, cestón, triturador) que impida a chegada de flotantes e sólidos ás bombas.

V.3.1.3. Localización.

O trazado da rede de saneamento reflíctese nos planos VII.O.I. Dentro dos núcleos, as conducións irán trazadas baixo rúas existentes. Fóra dos núcleos urbanos, as distintas conducións expónense baixo camiños asfaltados, minimizando impactos sociais e á paisaxe. A única excepción neste sentido constitúea o colector de marxe do Rego da Barranca. Neste caso exponse a renovación do existente, polo que se respectará o seu trazado, por terreos francos na súa maioría. Estudarase con todo o seu cruzamento baixo o FEVE, xa que se comprobou que neste punto se produce un rebordamento continuo das súas augas residuais.

A pesar de que este colector de marxe se expón como unha renovación do existente e, por tanto, non é de prever novas afeccións ao parcelario, lístase a continuación a relación de parcelas que atravesa o devandito colector, e que si se verán afectadas durante a realización das obras:

Solo rústico.

N.º	Polígono		Parcela	Superficie (ha)		Uso
1	16		130	0,0996		Pasteiro
2	16		42	0,0914		Froiteiras
3	16		43	0,2573		Terras arables
4	16		44	1,1613		Pasteiro e forestal
5	15		88	0,1947		Terras arables y pasto arbustivo
6	15		87	0,1794		Terras arables
7	15		92	0,4206		Pasteiro y pasto con arboredo
8	15		54	0,0534		Pasto con arboredo
9	15		44	0,1383		Terras arables
10	15		43	0,3379		Terras arables e pasto arbustivo
11	15		55	0,2756		Terras arables e pasto arbustivo
12	15		56	0,6223		Terras arables e improdutivo
13	15		77	0,1044		Terras arables
14	15		80	0,0494		Terras arables
15	15		81	0,0267		Terras arables
16	15		82	0,0364		Terras arables
17	15		83	0,0292		Terras arables
18	15		84	0,0643		Terras arables
19	15		86	0,1747		Terras arables
20	15		167	0,0026		Forestal
21	15		166	0,0129		Forestal
22	15		165	0,0126		Forestal
Solo urbano
N.º		Referencia catastral			Superficie (ha)		Uso
23		6432506PJ4263S0001YK			0,0647		Solo sen edificar

Dentro dos elementos anexos á rede xeral de saneamento atópanse os bombeos de San Pedro e de Pasadas. Nestes dous casos tan só se modifican os equipos para adaptalos ás novas impulsións, polo que a súa localización é exactamente igual á actual. Os restantes elementos que se expoñen son:

● EDAR de San Cosme.

A actual depuradora localízase na parcela 33 do polígono 10 de Barreiros, cuxa superficie é de 608 m2. É unha depuradora compacta dimensionada para 1000 habitantes equivalentes.

Dado o crecemento da parroquia de San Cosme, exponse unha nova depuradora para 3.060 habitantes equivalentes, que deberá substituír a existente. Para iso, será preciso que o concello de Barreiros amplíe a actual parcela ata conseguir unha superficie útil da orde de 1.500 m2.

Ademais da parcela 33, ocuparase a parcela 32, de 771 m2, e 122 m2 da parcela 23. Con todo iso, a parcela resultante terá 1.501 m2.

Solo rústico.

N.º	Polígono	Parcela	Superficie (ha)	Uso	Ocupación
1	10	32	0,0771	Pasto arbustivo	0,0771
2	10	33	0,0608	Improdutivo	0,0608
3	10	23	0,1026	Pasto arbustivo	0,0122
					0,1501

● Bombeo de Sarxende.

Substitúe a EDAR actual, polo que se localizará no interior da súa parcela sen xerar novas afeccións.

● Bombeo de Reinante.

Substitúe a EDAR actual, polo que se localizará no interior da súa parcela sen xerar novas afeccións.

● EDAR de San Miguel.

Para a execución da nova EDAR de San Miguel, que de modo orientativo estará dimensionada para unha poboación equivalente de 9.661 habitantes, o concello de Barreiros facilitará unha parcela de 4.325 m2, situada na marxe dereita do Rego da Barranca. Esta parcela correspóndese coa parcela n.º 5 (polígono 17) e coa parte das parcelas 1, 2, 3, 4 e 8 (polígono 17) queda fóra de afección á Rede Natura (LIC As Catedrais).

Solo rústico.

N.º	Polígono	Parcela	Superficie (ha)	Uso	Ocupación
1	17	5	0,1688	Terras arables	0,1688
2	17	8	0,1851	Terras arables	0,1623
3	17	4	0,0801	Terras arables	0,0386
4	17	3	0,0771	Terras arables	0,0274
5	17	2	0,0940	Terras arables	0,0285
6	17	1	0,0622	Terras arables	0,0069
					0,4325

A morfoloxía catastral destas zonas en que se localizan as expropiacións responde a características comúns ao medio rural galego, onde a parcelación de base agrícola presenta un alto grao de subdivisión.

V.3.2. Rede de abastecemento.

V.3.2.1. Características funcionais.

Nova ETAP en Rexa.

A nova estación de tratamento de auga potable (ETAP) deseñarase para o caudal de deseño establecido de 60 l/s, na cal se proxectarán dúas liñas independentes de 30 l/s cada unha. Ao mesmo tempo preverase a posibilidade de ampliación a unha terceira liña de 30 l/s, cuxa futura construción será viable sen demolición parcial desta.

Os parámetros indicadores da calidade das augas serán conforme con:

– Directiva 98/83/CE, do Consello, do 3 de novembro de 1998, relativa á calidade das augas destinadas ao consumo humano (DOCE n.º L 330, do 5.12.1998).

– Real decreto 140/2003, do 7 de febreiro, polo que se establecen os criterios sanitarios da calidade da auga de consumo humano, correspondente á transposición ao ordenamento xurídico español da Directiva comunitaria 98/83/CE.

A ETAP constará dos seguintes procesos:

– Bombeo de auga bruta.

– Caudalímetro e totalizador de auga bruta.

– Análise da auga bruta: turbidez, pH, potencial redox e temperatura.

– Cámara de mestura de reactivos.

– Cámara de floculación.

– Decantación.

– Caudalímetro lodos.

– Espesamento de lodos.

– Deshidratación de lodos.

– Filtración dobre etapa area + ceolita.

– Recuperación de auga de lavado.

– Desinfección con ultravioletas.

– Desinfección con hipoclorito sódico.

– Análise da auga tratada: turbidez, cloro libre, pH e temperatura.

– Bombeo de auga tratada.

Dotarase o sistema dunha solución avanzada de telexestión e telecontrol orientada especificamente para o seu uso en instalacións hidráulicas, con capacidade de integrar na mesma plataforma todas as plantas que forman parte no ciclo de explotación da auga.

Depósito de cabeceira de rede.

Exponse o depósito de cabeceira de rede de formigón armado. Calcularase segundo a normativa española EHE-08, considerando como hipótese de carga o estar cheo de auga, para o que deberá resistir o empuxe hidrostático sen xerar unha fisura superior a 0,1 mm.

Impedirase a corrosión das armaduras así como a carbonatación do formigón, para o que se disporá dun formigón HA-30/IV+Qb. Impermeabilizarase o seu interior mediante un primeiro parteado para eliminar ocos con morteiro epoxi e acabado protector con certificado alimentario. Exteriormente aplicaranse dúas mans de pintura plástica branca.

A entrada de auga realizarase pola parte superior e disporase a saída de maneira que se garanta a mestura da auga. A soleira terá no seu punto máis baixo o desaugadoiro (50 cm por baixo da saída) e pendente mínima do 2% para permitir o mantemento e limpeza. O aliviadoiro situarase polo menos cun resgardo de 50 cm respecto do forxado.

Liñas de condución.

Proxectaranse conducións de diferentes diámetros para unha velocidade da orde de 1,0 m/s que impida a sedimentación de partículas, así como a erosión dos materiais.

O material será fundición dúctil recuberto exteriormente por unha pintura epoxi que impida a corrosión das tubaxes por correntes vagabundas no terreo, e interiormente con morteiro de cemento.

As tubaxes e a súa execución cumprirán a normativa técnica española de referencia:

□ Orde do 28 de Xullo de 1974, de especificacións técnicas xerais para tubaxes de abastecemento de auga. MOPU.

□ Norma UNE-EN 805:2000 de abastecemento de auga. Especificacións para as redes exteriores dos edificiot e os seus compoñentes. Decembro 2000.

□ Norma UNE-EN 545 de tubos, racores e accesorios de fundición dúctil e as súas unións para canalizacións de auga. Decembro de 2002.

As tubaxes serán aptas para o abastecemento, polo que se exixirá ao subministrador certificado alimentario.

V.3.2.2. Criterios de deseño.

Deberán deseñarse as redes de acordo coas Instrucións técnicas para obras hidráulicas en Galicia (ITOHG), elaboradas pola Administración hidráulica de Galicia coa colaboración da Escola ETSICCP da Coruña.

V.3.2.3. Localización.

As liñas de abastecemento proxéctanse por camiños públicos municipais na súa maior parte. As estradas nacionais e provinciais cruzaranse mediante perforación horizontal por exixencia da autoridade competente.

Hai con todo un tramo que discorre paralelo á estrada provincial LU-6103 desde o p.k.- 16,413 ata o p.k.- 16,970, en que a tubaxe se situará a 8 metros do eixo da vía fóra da zona de servidume, ou ben, se non fose viable, na berma da estrada.

Así mesmo, exponse a primeira parte do percorrido da liña de adución polo camiño de servidume, no seu bordo exterior.

As parcelas afectadas polos servizos xerais de abastecemento para a instalación da nova ETAP e a construción do depósito de auga de 3.000 m3, son as seguintes:

Polígono	Parcela	Superficie	Uso
2	253	1,1138	Pasteiro e pasto arbustivo
49	644	0,3412	Forestal
49	654	0,963	Forestal

Localización ETAP de Rexa

Localización depósito de cabeceira de Celeiro

V.3.3. Rede viaria.

V.3.3.1. Características funcionais.

A funcionalidade da rede viaria que se expón dentro do catro núcleos urbanos obxecto do plan sectorial radica na vertebración e urbanización da trama urbana. Neste sentido, deberá posuír unha serie de características que garantan o seu labor:

● Deberá resolver os accesos tanto rodados como peonís.

● Integrarase no conxunto da rede viaria existente, dando continuidade aos itinerarios do tráfico rodado e peonil.

● Estruturará a trama urbana de maneira que sirva de soporte aos usos urbanos xa existentes.

● Mellorará os estándares de calidade do acceso e a conexión das edificacións existentes e previstas.

● A súa incidencia ambiental será inexistente xa que a súa extensión estará dentro dos límites de solo urbano tradicional, coincidindo ademais na práctica totalidade dos casos con viarios existentes.

V.3.3.2. Criterios de deseño.

Entendendo que as actuacións do plan sectorial están expostas en termos de máximos, a rede viaria que aparece reflectida nos planos VII.O.3 pretendeu cumprir con todos os criterios expostos no punto anterior. Durante o desenvolvemento do proxecto sectorial será preciso analizar a viabilidade das ditas actuacións con base na dispoñibilidade de terreos, na titularidade dos viarios afectados ou con base nas limitacións orzamentarias.

A pesar diso, como base de partida para o trazado da rede viaria consideráronse as aliñacións que de cada viario establecen as normas subsidiarias de Barreiros (véxanse planos VII.I.8.3 de organización espacial nuclear).

O trazado dos itinerarios peonís (beirarrúas) mellorará o acceso ás vivendas existentes e previstas, e dotará de máis calidade urbana as rúas existentes.

As novas beirarrúas axustaranse ás características das existentes. Expóñense largos mínimos de 2,0 metros e estarán pavimentadas con lousa hidráulica gris, sobre soleira de formigón en masa HM-20, e irán encintadas mediante bordos de formigón.

No proxecto das beirarrúas cumprirase coa lexislación en materia de accesibilidade e supresión de barreiras arquitectónicas:

● Lei 8/1997, do 20 de agosto, de accesibilidade e supresión de barreiras na Comunidade Autónoma de Galicia (DOG do 29 de agosto).

● Decreto 35/2000, do 28 de xaneiro, polo que se aproba o Regulamento de desenvolvemento e execución da Lei de accesibilidade e supresión de barreiras na Comunidade Autónoma de Galicia (DOG do 29 de febreiro).

O trazado dos viarios farase cumprindo cos criterios técnicos que estipula a lexislación vixente de aplicación:

● Orde do 27 de decembro de 1999 pola que se aproba a Norma 3.1-IC. Trazado, da Instrución de estradas. (BOE do 2 de febreiro de 2000), coas súas modificacións aprobadas.

● Recomendacións do MOPU para plan e proxecto de estradas urbanas (1992).

A pavimentación da calzada proxectarase de acordo cos seguintes instrucións e recomendacións:

● Orde circular 10/2002 sobre seccións de firme e capas estruturais de firmes.

● Norma 6.1-IC sobre seccións de firme da Instrución de estradas aprobado pola Orde FOM/3460/2003 do 28 de novembro. BOE 12.12.2003.

● Seccións estruturais de firmes urbanos en sectores de nova construción

Expóñense a continuación as características diferenciais dos firmes urbanos fronte aos firmes de estradas, que xustifica a consulta do primeiro do libro «Seccións estruturais de firmes urbanos en sectores de nova construción», dos enxeñeiros de camiños Eduard Alabern i Valentí e Carles Guilemany i Casadamon:

a) A estratexia de dimensionamiento dun firme urbano é totalmente diferente ao caso dun firme de estradas, debido á dificultade que presentan os firmes urbanos para seren reforzados. É por iso que nas obras urbanas se debe dimensionar a sección estrutural do firme de maneira que durante toda a súa vida prevista (20 ou 30 anos) poida funcionar perfectamente sen necesidade de capas de reforzo.

b) O tráfico pesado nas vías urbanas que circula a velocidades reducidas pode ter unha incidencia negativa sobre a durabilidade do firme, polo que pode ser recomendable considerar un certo incremento do espesor total do paquete do firme.

c) As vías urbanas pódense clasificar segundo factores de tipo funcional como: o carácter residencial ou industrial dun sector, o carácter de acceso ou vía secundaria dun viario dentro dun sector e o propio tamaño ou importancia do sector dentro da armazón urbana. Os factores anteriores determinan a tipoloxía ou intensidade do tráfico dentro do viario.

d) Os firmes urbanos poderán realizarse con distintos pavimentos (asfalto, formigón e lastros) en función da propia contorna urbanística, do tipo de circulación prevista ou do seu uso básico (acceso, estacionamento).

e) O proceso construtivo dun firme urbano é moi diferente ao dunha estrada. No primeiro caso é necesario construír a capa do firme en dúas fases: unha primeira fase de construción da subbase granular sobre a que se asentarán os bordos, e unha segunda fase de construción das capas de base e pavimento. O feito de ter que asentar os bordos sobre a capa de subbase, determina a necesidade de circular sobre a dita capa durante a construción dos bordos e durante a implantación dos servizos na beirarrúa. O anterior implica a necesidade de dispor desta capa de subbase en todas as seccións estruturais. Isto desbota por exemplo o emprego da subbase de solo cemento fabricado en central, xa que resultaría deteriorada polo tráfico de obra.

f) Nos sectores urbanos de nova construción o tráfico xerado durante o período de edificación do sector é moito máis elevado que o que se xerará durante o resto do período do proxecto. Este feito deberá terse en conta no dimensionamiento do firme.

Con todo eles, e para facilitar a elección da sección estrutural do firme, considéranse catro parámetros básicos:

1. Nivel do tráfico pesado ou definición funcional da vía urbana. O nivel do tráfico pesado está directamente relacionado coa categoría da vía urbana, das cales se definen cinco tipos (V1, V2, V3, V4 e V5).

V1: vías de acceso a poboacións importantes, travesías urbanas, autovías urbanas de gran capacidade e vías en que se prevé unha grande intensidade de tráfico pesado.

V2: vías de acceso e a vialidade principal de sectores residenciais de máis de 600 vivendas.

V3: vías de acceso e a vialidade principal de sectores residenciais de 200 a 600 vivendas.

V4: vías secundarias dos sectores residenciais que non teñan uns largos de calzada superiores a 6 metros, nin previsión de servizo regular de autobuses ou grande actividade comercial. Son vías de acceso a sectores residenciais de 60 a 200 vivendas.

V5: viarios interiores de zonas urbanas destinados ao tráfico dos mesmos veciños. Viarios mixtos de peóns e tráfico rodado e espazos peonís como beirarrúas, paseos, prazas e pavimentos de parques.

2. Materiais da capa de pavimento: pavimento de formigón (F), pavimento de materiais asfálticos (A) e pavimentos de pezas de formigón (P).

3. Materiais da capa base. Considerouse a posibilidade de utilizar: bases de gravacemento (C), base granulares (B), bases asfálticas (A) e base de formigón (F).

4. Calidade da chaira en terras. É unha clasificación similar á da Instrución de estradas, segundo a capacidade portante da chaira e concretamente do valor do índice CBR: E1, E2 e E3.

E1: chaira formada por solos adecuados, con índice CBR>5.

E2: chaira formada por solos adecuados ou seleccionados, con índice CBR>10.

E3: chaira formada por solos seleccionados con índice CBR>20.

Con todo iso, e para dar continuidade á tipoloxía de rúas existentes, a sección estrutural da calzada comporase dunha subbase e unha base granular (saburra artificial) e dun pavimento asfáltico.

V.3.3.3. Localización.

A rede viaria obxecto deste plan sectorial localízase integramente no interior dos núcleos urbanos de San Cosme, San Pedro, San Miguel e Reinante.

Dentro de cada un dos núcleos a rede proxectada localízase sobre viarias xa existentes ou sobre viarias previstas nos planos de ordenación espacial nuclear (escala 1.2000) das normas subsidiarias de Barreiros.

En todos os casos, o obxecto da súa formulación é a superación dos déficits expostos no número I.1.2, co que coinciden coas zonas en que se concentrou o desenvolvemento da edificación residencial.

V.4. Accesibilidade e inserción dos núcleos urbanos na dispoñibilidade racional da tripla rede de servizos proxectada

Dentro das infraestruturas de saneamento e abastecemento expostas no plan sectorial destacan as redes xerais, xa que son a parte fundamental e imprescindible para a emenda dos déficits detectados:

– Necesidade de depuración das augas residuais urbanas para conseguir o cumprimento dos estándares de calidade das súas augas continentais e costeiras.

– Necesidade de fornecer auga potable ás vivendas existentes e previstas, permitindo con iso dotar de calidade ambiental os usos residenciais establecidos.

O acceso dos núcleos urbanos a estas infraestruturas xerais conséguese mediante a formulación de actuacións nas súas redes urbanas que, como se ve nos planos VII.O.1 e VII.O.2, se renovan ou completan ata conseguir a súa inserción nas redes xerais. Con todo iso, as redes pasan a formar unha única unidade desde a que se xestiona a auga desde a súa orixe ata o seu final: no caso do saneamento, a rede, mediante os seus múltiples ramais, recolle as augas residuais xeradas nas vivendas, transpórtaa pola trama urbana cara ao seu exterior, e condúcea ata a depuradora para o seu tratamento e vertedura final ao medio receptor. No caso do abastecemento, a renovación da captación e da ETAP permitirá a subministración de auga demandada polas vivendas, ás cales chega a través da rede de distribución formulada.

A accesibilidade dos núcleos urbanos á rede viaria formulada é inmediata xa que a dita rede se localiza integramente dentro deles, co obxecto de conseguir a súa vertebración e ordenación.

En todos os casos se demostra a suficiencia da tripla rede formulada, xa que con ela se conseguen superar os déficits existentes (véxase número I.3.1):

– A rede de saneamento é suficiente para recoller as augas residuais da poboación de deseño (determinada con base na poboación actual e no cómputo de vivendas proxectadas), transportala ata a EDAR e depurala ata conseguir uns parámetros de vertedura que cumpran a lexislación vixente.

– A rede de abastecemento é suficiente para dotar de auga potable os núcleos de San Cosme, San Pedro, San Miguel e Reinante no ano actual e no ano horizonte, garantindo a subministración de auga ao resto do municipio, así como elementos puntuais dos municipios limítrofes de Ribadeo, Trabada e Lourenzá.

– A rede viaria é suficiente para garantir o acceso e a conexión das vivendas previstas dentro dos núcleos urbanos, dar soporte aos usos residenciais existentes e estruturar a trama urbana.

V.5. Determinación dos proxectos sectoriais previstos para o desenvolvemento e execución do plan sectorial e directrices para a súa redacción.

Con base no presente plan sectorial desenvolveranse os seguintes proxectos sectoriais:

1. Proxecto sectorial para a mellora e ampliación da infraestrutura básica de saneamento no termo municipal de Barreiros.

2. Proxecto sectorial para a mellora e ampliación da infraestrutura básica de abastecemento no termo municipal de Barreiros.

3. Proxecto sectorial para a mellora e ampliación da infraestrutura básica de rede viaria no termo municipal de Barreiros.

Os tres proxectos sectoriais desenvolverán a nivel de proxecto construtivo tres infraestruturas básicas mencionadas, seguindo as directrices, as características xerais e funcionais e os criterios de deseño sinalados nos puntos anteriores.

O presente plan sectorial define por tanto as marxes de manobra e as directrices xerais dos ditos proxectos. Pola súa vez, o plan debe verse en termos de máximos, polo que as súas actuacións non teñen por que esgotarse nos proxectos sectoriais.

No caso das redes de saneamento e abastecemento ambos os documentos (plan e proxecto) si serán coextensos esgotando así as actuacións contidas no plan.

No proxecto sectorial da rede viaria, a correspondencia coas infraestruturas expostas neste plan dependerá en cada caso da dispoñibilidade de terreos (que deberán porse á disposición da Administración promotora das obras por parte do Concello de Barreiros), das autorizacións pertinentes por parte dos organismos titulares dos terreos (ex. autorizacións concedidas para as actuacións na estrada N-634) ou das limitacións orzamentarias con que contan as distintas actuacións.

En calquera caso, as actuacións que prevén os proxectos sectoriais deberán axustarse aos planos de ordenación do presente plan (VII.O), respectando o ámbito de actuación e a finalidade das ditas actuacións.

Pola súa vez, co presente plan sectorial habilítase o proxecto sectorial previsto para a implantación da infraestrutura básica de rede viaria para definir, axustar ou completar, de ser o caso, as aliñacións e rasantes das vías públicas. Así mesmo, queda establecida a habilitación ao mencionado proxecto sectorial para, de ser o caso, posibilitar a urbanización das vías, rúas, ou camiños existentes no seu ámbito territorial.

En canto aos proxectos sectoriais de saneamento e abastecemento, dada a proxección das súas actuacións máis alá dos núcleos urbanos, deberán cumprir coa normativa e os criterios do Plan de Ordenación do Litoral en tramitación, asumidos como propios polo plan sectorial.

Neste sentido, e en especial para o proxecto sectorial de saneamento, teranse en conta os criterios recolleitos no seu artigo 27, relativos ao ciclo hídrico:

«A planificación hidrolóxica servirá de referencia para a planificación e a ordenación dos distintos usos e actividades no ámbito do litoral, co obxectivo de acadar unha utilización eficiente do recurso auga na súa concepción de ciclo, que permita manter as súas funcións ecolóxicas ao mesmo tempo que se cobren as necesidades de abastecemento, saneamento e depuración.

Fomentarase a máxima eficiencia nos sistemas de abastecemento e saneamento coa implantación das tecnoloxías que mellor se adapten ás condicións de demanda do recurso e de xeración de augas residuais tendo en conta especialmente ou seu posible carácter estacional. Para iso o planeamento deberá prestar especial atención ás seguintes consideracións:

a. Renovaranse as redes existentes con problemas de eficiencia.

b. Promoverase a implantación de sistemas e mecanismos de aforro do recurso, que será de obrigado cumprimento para as instalacións e edificios públicos.

c. O deseño do sistema de saneamento e drenaxe non seu conxunto deberá ser tal que teña en conta a capacidade de admisión do medio receptor, de maneira que a calidade, cantidade e frecuencia de calquera vertedura aos medios receptores cumpra os requisitos establecidos pola lexislación vixente de control de emisións e se cumpran os obxectivos establecidos de calidade dos sistemas acuáticos.

d. No medio rural, o sistema será preferentemente de tipo separativo, e non se permitirá a conexión de augas pluviais ás canalizacións de augas fecais. As solucións de abastecemento e saneamento adaptaranse ás características específicas de cada contexto, prevendo a posibilidade de sistemas puntuais illados das redes xerais e de tecnoloxías de baixo custo, de ser o caso.

e. No medio urbano, o sistema será preferentemente de tipo separativo.

f. As redes deberán ter a suficiente capacidade para a evacuación da totalidade das augas residuais xeradas na zona atendida e das augas de chuvia xeradas na súa bacía tributaria asociada ao período de retorno de deseño sinalado na normativa de referencia.

g. Fomentarase a implantación das técnicas de drenaxe urbana sustentabilidade, co obxectivo de optimizar a xestión dos caudais e da contaminación proveniente das augas de escorremento.

h. En orixe, aplicaranse medidas a elementos do sistema de drenaxe previamente á súa incorporación á rede de saneamento. Serán técnicas de control do volume de auga que se introduce na rede, ben desviando parte das augas cara a sistemas que permitan ou faciliten a infiltración non só (gabias drenantes, depósitos de retención, etc.) ben facendo que o fluxo atravese medios porosos (pavimentos porosos, depósitos de filtración en leito de area, etc.). Na medida do posible, combinaranse con algún tipo de tratamento sinxelo baseado en fenómenos físicos ou biolóxicos, para reducir a contaminación, ou que será obrigado nos casos en que así ou indique a normativa (Instrucións técnicas para obras hidráulicas en Galicia, ITO GH).

i. Augas abaixo, preferiblemente, na rede de saneamento e excepcionalmente na EDAR, adoptaranse medidas para minimizar os alivios ao medio receptor, e implantaranse segundo o caso estanques e depósitos de detención ou retención, zonas húmidas ou sistemas de infiltración.

j. Potenciarase a reutilización das augas residuais convenientemente tratadas, aplicándoa a procesos industriais, tarefas de limpeza pública, rega de espazos libres, regadíos ou outros usos similares.

O planeamento recoller as actuacións necesarias para erradicar as verteduras directas ao dominio público hidráulico ou ao marítimo-terrestre que non cumpran coas condicións de calidade determinadas pola normativa aplicable. En todo caso, para o desenvolvemento de novos ámbitos de planeamento será condición sine qua non que o sistema de saneamento e depuración correspondente sexa autónomo ou pertencente a unha rede xeral, dea como resultado un efluente coas condicións idóneas para ou seu retorno ao medio sen rocha de contaminación, tal e como exixe a normativa correspondente».

V.6. Consideracións para ter en conta na redacción dos proxectos sectoriais con base no período de participación e consultas da versión preliminar do plan. Condicionantes da memoria ambiental.

V.6.1. Introdución.

Durante o período de participación pública en que estivo exposto a versión preliminar do presente plan sectorial, recibíronse 17 escritos con informes e alegacións relativos a diversas cuestións: catro refírense a ambiente e conservación da natureza, tres a infraestruturas viarias, tres a urbanismo, tres a recursos hídricos e hidrolóxicos e costas, unha a patrimonio histórico-artístico e tres correspondentes a entidades locais, relativos ás formulacións técnicas e ambientais do plan, co que mostran a súa conformidade.

Consultáronse directamente, para dar cumprimento ao Documento de referenia, a 22 organismos e entidades públicas e privadas das cales se recibiron 15 contestacións.

No seguinte gráfico móstrase por administracións e entidades a porcentaxe delas consultadas e as respostas emitidas.

Ademais dos 15 informes e alegacións presentados como contestación ás consultas realizadas directamente, recibíronse dúas alegacións correspondentes a asociacións privadas.

En canto ao contido, os aspectos máis relevantes dos informes e alegacións, por tipoloxías, son os seguintes:

Administracións locais: mostran a súa conformidade coas actuacións.

Administración autonómica: trata nos seus informes principalmente de temas relacionados coa mobilidade, aspectos ambientais, coa conservación da natureza, co medio perceptivo, cos recursos hídricos e coa costa.

Administración do Estado: mostran interese por temas relacionados coas infraestruturas e co territorio costeiro.

Entidades particulares: as tres alegacións recibidas fan mención ao urbanismo e en concreto ás cualificacións do solo.

V.6.2. Consideracións para ter en conta nos proxectos sectoriais.

Enuméranse a continuación as consideracións para ter en conta na redacción dos proxectos sectoriais que desenvolven o presente plan, con base nos distintos informes emitidos durante o período de participación e consultas a que foi sometida a versión preliminar do dito plan.

□ Dirección Xeral de Sostibilidade e Paisaxe:

– As infraestruturas aéreas situaranse nas zonas menos visibles, respectando a harmonía da paisaxe existente.

– As actuións adaptaranse á topografía orixinal.

– Delimitaranse as superficies de obra para restrinxir o movemento da maquinaria e do persoal dentro dos seus límites.

– Recuperaranse os solos alterados durante a fase de obra.

– Crearanse pantallas vexetais no perímetro das infraestruturas aéreas.

– Utilizaranse materiais naturais na construción dos elementos aéreos para a súa integración na contorna natural.

□ Augas de Galicia:

– Os proxectos sectoriais que desenvolvan o plan terán en conta a lexislación sectorial vixente:

Real decreto lexislativo 1/2001, do 20 de xullo, polo que se aproba o texto refundido da Lei de augas.

Plan Hidrolóxico de Galicia Costa.

R.D. 849/1986, do 11 de abril, polo que se aproba o Regulamento do dominio público hidráulico. Modificado polo R.D. 606/2003, do 23 de maio.

Lei 9/2010, do 4 de novembro, de augas de Galicia.

Instrución 5.2-I.C. de drenaxe superficial.

□ Dirección Xeral de Patrimonio Cultural:

– A pesar das aliñacións grafadas nos planos de ordenación da rede viaria deste plan, correspondentes ás aliñacións fixadas polas normas subsidiarias do plan municipal, os proxectos sectoriais respectarán as edificacións existentes, non afectando en ningún caso elementos catalogados. Primará a conservación dos bens patrimoniais.

– Nos proxectos sectoriais incluirase un anexo específico en que se desenvolvan as medidas preventivas que se adoptarán para preservar o patrimonio histórico-artístico.

– Incluirase un plan de seguimento arqueolóxico de aplicación durante a remoción de terras nas proximidades dos xacigos.

– Os proxectos sectoriais remitiranse para a súa tramitación e autorización á Dirección Xeral de Patrimonio Cultural, antes do inicio das obras.

– En resposta ao informe emitido pola Dirección Xeral de Patrimonio Cultural inclúese ao final do capítulo II do presente plan sectorial a seguinte documentación:

Anexo I: Catálogo de bens culturais.

Anexo II: Plano de situación dos bens culturais catalogados.

Anexo III: Fichas dos elementos sobre os que incide o plan.

□ Dirección Xeral de Conservación dá natureza:

– Estudaranse e preservaranse os valores naturais e os hábitats e especies dos espazos protexidos, co fin de preservar os seus valores ecolóxicos.

– Estudaranse e consideraranse as zonas húmidas do Inventario de zonas húmidas de Galicia presentes na contorna das actuacións.

– Deseñaranse e valoraranse as medidas preventivas, de control, protectoras e correctoras necesarias para minimizar os efectos sobre a flora e a fauna de interese especial. Neste sentido, levará a cabo un programa de vixilancia ambiental nas fases de obra e explotación co fin de controlar e realizar o seguimento das medidas propostas.

– Os proxectos sectoriais que desenvolvan o plan terán en conta a lexislación sectorial vixente:

Lei 42/2007, do 13 de decembro, do patrimonio natural e da biodiversidade.

Lei 7/1992, do 24 de xullo, de pesca fluvial.

Decreto 130/1997, do 14 de maio, polo que se aproba o regulamento de ordenación de pesca fluvial e dos ecosistemas acuáticos continentais.

Lei 5/2006, do 30 de xuño, para a protección, conservación e mellora dos ríos galegos.

– A afección á vexetación de ribeira reducirase estritamente ao necesario e axustarase ao establecido na Resolución do 27 de maio de 2002.

– No relativo ás medidas correctoras teranse en conta as seguintes especificacións:

Definición contractual a nivel construtivo, cos seus planos e cronograma correspondente.

Programación dentro do plan de obra.

Valoración económica e a súa integración no orzamento do proxecto.

– Os proxectos sectoriais remitiranse para a súa tramitación e autorización á Dirección Xeral de Conservación da Natureza, antes do inicio das obras.

□ Ministerio de Fomento. Unidade de Estradas de Lugo:

– Nos proxectos sectoriais de saneamento e abastecemento darase cumprimento ao artigo 94 d) e f) do R.D. 1812/1994, polo que se aproba o Regulamento xeral de estradas.

– As infraestruturas singulares das redes de saneamento e abastecemento respectarán os límites de edificación establecidos no artigo 84 do Regulamento xeral de estradas.

– No proxecto sectorial de rede viaria será de aplicación a Orde ministerial do 16 de decembro de 1997, polo que se regulan os accesos ás estradas do Estado, as vías de servizo e a construción de instalacións de servizo. Realizarase un estudo de tráfico para a reordenación dos accesos existentes e para o proxecto das conexións coa N-634.

– Os proxectos sectoriais remitiranse para a súa tramitación e autorización á Demarcación de Estradas de Galicia, antes do inicio das obras.

□ Ministerio de Medio Ambiente, e Medio Rural e Mariño. Dirección Xeral de Sustentabilidade da Costa e do Mar:

– Emite informe favorable do plan sectorial, xa que a impulsión de Sarxende, o colector de Reinante e a Impulsión de Reinante pertencentes á rede de saneamento xeral se sitúan baixo viarios asfaltados na zona de servidume de protección.

Santiago de Compostela, 27 de xuño de 2011.

María Encarnación Rivas Díaz
Secretaria xeral de Ordenación do Territorio e Urbanismo