Unha vez convocado o concurso para a provisión de postos de traballo vacantes dos grupos I, II, III e IV de persoal laboral da Xunta de Galicia, á vista da proposta do 26 de novembro de 2012, da comisión encargada de valorar os méritos alegados polos concursantes, e de conformidade coa base VI.5 da convocatoria, esta dirección xeral

RESOLVE:

Primeiro. Facer públicas as relacións coas puntuacións provisionais dos concursantes admitidos para cada un dos postos solicitados. Estas relacións atópanse á disposición das persoas interesadas no Servizo do Rexistro Xeral e Información da Consellería de Presidencia, Administracións Públicas e Xustiza, nas oficinas de rexistro e información dos edificios administrativos da Xunta de Galicia, nas oficinas comarcais da Xunta de Galicia e na páxina web da Xunta de Galicia (www.xunta.es), na epígrafe Función Pública.

Segundo. As persoas interesadas poderán formular reclamación contra as puntuacións provisionais no prazo de 10 días hábiles contados a partir do seguinte ao da publicación desta resolución no Diario Oficial de Galicia.

Santiago de Compostela, 27 de novembro de 2012

José María Barreiro Díaz
Director xeral da Función Pública