No Xulgado do Contencioso-Administrativo número 1 de Santiago de Compostela tramítase o recurso 520/2012 (procedemento abreviado), interposto por Esther Gómez González contra a desestimación presunta da solicitude formulada con data do 20 de abril de 2012 ante a Dirección Xeral de Recursos Humanos do Servizo Galego de Saúde pola que reclama o seu dereito á incorporación á praza de técnico en coidados auxiliares de Enfermería no Complexo Hospitalario de Santiago de Compostela, ben na que desempeñaba con vínculo interino, ben na obtida no proceso selectivo convocado por Resolución do 18 de febreiro de 2009 da Secretaría Xeral do Servizo Galego de Saúde (categoría: técnico/a en coidados auxiliares de Enfermería).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 8 de novembro de 2012

Esperanza Fernández Lago
Directora de Recursos Humanos