En virtude da Resolución do 9 de outubro de 2013, da Dirección Xeral da Función Pública, publicada no Diario Oficial de Galicia nº 197, do 15 de outubro, aprobáronse as listaxes provisionais de admitidos e excluídos no proceso selectivo extraordinario de consolidación para o ingreso no corpo facultativo de grao medio da Xunta de Galicia, subgrupo A2, escalas de enxeñeiros/as técnicos/as industriais e axudantes de arquivos, bibliotecas e museos, especialidade de arquivos.

Unha vez transcorrido o prazo regulamentario para a presentación de emendas sobre as ditas relacións de admitidos e excluídos, de conformidade co artigo 12 do Regulamento de selección de persoal da Administración da Comunidade Autónoma de Galicia coa base I.4.2. das que rexen o proceso selectivo convocado pola Orde do 20 de xuño de 2013, publicada no Diario Oficial de Galicia nº 122, do 28 de xuño, esta dirección xeral

RESOLVE:

Aprobar as listaxes definitivas de admitidos e excluídos no proceso selectivo extraordinario de consolidación para o ingreso no corpo facultativo de grao medio da Xunta de Galicia, subgrupo A2, escalas de enxeñeiros/as técnicos/as industriais e axudantes de arquivos, bibliotecas e museos, especialidade de arquivos.

As listaxes definitivas de aspirantes admitidos poderanse consultar na páxina web da Xunta de Galicia (www.xunta.es) e estarán á disposición dos aspirantes no Servizo do Rexistro Xeral e Información da Vicepresidencia e Consellería de Presidencia, Administracións Públicas e Xustiza, nas oficinas de Rexistro e Información dos edificios administrativos da Xunta de Galicia e nas súas oficinas comarcais.

As listaxes de aspirantes excluídos, con indicación da causa determinante da súa exclusión, figuran como anexos a esta resolución coa seguinte distribución:

Enxeñeiros/as técnicos/as industriais	Anexo I
Axudantes de arquivos, bibliotecas e museos, especialidade de arquivos	Anexo II

A Administración devolverá de oficio o importe ingresado en concepto de dereitos de exame a aqueles/as aspirantes definitivamente excluídos/as que, de acordo coa base I.3, realizaron o pagamento con certificado dixital ou DNI electrónico ou ben fixeron constar na súa solicitude o número de conta para estes efectos. Para a devolución do importe ingresado por aqueles/as outros/as aspirantes que non fixeron constar eses datos e figuren nesta resolución como excluídos/as será necesaria a presentación dun escrito en que o/a interesado/a faga constar o número de conta, a entidade bancaria e a localidade desta ou dun certificado expedido pola entidade en que figuren eses datos. Esta documentación deberá ser presentada no prazo dun mes contado a partir do día seguinte ao da publicación desta resolución no Diario Oficial de Galicia.

De conformidade co disposto na base I.3, non procederá a devolución do importe aboado en concepto de dereitos de exame nos supostos de renuncia a participar no proceso dos solicitantes admitidos provisional ou definitivamente.

Contra esta resolución poderase interpor recurso potestativo de reposición ante a conselleira de Facenda, no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase interpor directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto no artigo 8.2 da Lei 29/1998, do 13 de xullo, en relación co artigo 10.1 do mesmo texto legal.

Santiago de Compostela, 19 de novembro de 2013

José María Barreiro Díaz
Director xeral da Función Pública

ANEXO I
Escala de enxeñeiros/as técnicos/as industriais.
Relación de aspirantes excluídos/as

Acceso libre.

Apelidos e nome	NIF	Motivo da exclusión
Baamonde Rama, Alejandro	76580739P	16, 20
Cajaraville Dapena, Jesús	33298616K	17, 61
Eiras Estévez, Iria	44460246G	16, 20
Expósito Miniño, Rubén	36170083F	58
García Álvaro, Carmen	24395122B	16, 20
López Pérez, Luis Miguel	32802452J	16, 20
Vila Correa, David	53191406L	16, 20

Código	Descrición
16	Documento xustificativo exención taxas non presentado
17	Doc. xustif. demandante emprego 6 meses antes convocatoria non presentado
20	Taxas non aboadas
58	Doc. xustif. de non percibir prest. ou subs. por desemprego non presentado
61	Doc. xustif. de non percibir prest. ou subs. por desemprego non cotexado

ANEXO II
Escala de axudantes de arquivos, bibliotecas e museos, especialidade de arquivos. Relación de aspirantes excluídos/as

Acceso libre.

Apelidos e nome	NIF	Motivo da exclusión
Gómez Díaz, María Teresa	33336396N	16, 20
González Rodríguez, Melissa	32693256K	16, 20
Hernández Hernández, Manuel Enrique	X9718192W	16, 20
Igareta Gómez, Ana Belén	71512774R	22
Pumar Diéguez, María Belén	34994521K	58

Código	Descrición
16	Documento xustificativo exención taxas non presentado
20	Taxas non aboadas
22	Taxas aboadas fóra de prazo
58	Doc. xustif. de non percibir prest. ou subs. por desemprego non presentado