1. Entidade adxudicadora: Concello de Pontevedra, Michelena 30, 36071 Pontevedra. Órgano de contratación: Xunta de Goberno Local.
2. Obxecto: licitación pública das concesións demaniais para o uso privativo dos postos vacantes no mercado municipal de Frei Juan de Navarrete.
3. Tramitación: ordinaria, aberto e poxa.
4. Taxa ou canon da concesión: variable segundo o tipo de posto a que se opte, recollido na cláusula 3ª do prego de condicións.
5. Garantía:
Provisional: non se prevé a constitución de garantía previa segundo a cláusula 5 do prego de condicións.
Definitiva: establecida na cláusula 13.1.c) do prego de condicións.
6. Obtención de documentación e información: na web do Concello de Pontevedra www.pontevedra.eu, na epígrafe perfil do contratante, e Administración Municipal de Mercados, situada na avenida de Bos Aires, s/n. Pontevedra 36002. Teléfono: 986 85 18 04.
7. Presentación de ofertas:
Lugar: Rexistro Xeral do Concello (cláusula 7 do prego de condicións).
Prazo: 30 días hábiles contados a partir do día seguinte ao da publicación do anuncio no último boletín que apareza (BOP e DOG).
Documentación: cláusula 8 do prego de condicións.
8. Apertura das ofertas e criterios de adxudicación: cláusulas 11 e 12 do prego.
Coa publicación deste anuncio procédese á apertura do prazo de exposición pública do expediente no seu conxunto, incluído o citado prego de condicións, e abrirase o prazo para a licitación e presentación de ofertas polos interesados, por igual prazo. Advírtese expresamente que, para o suposto de que se presenten alegacións, o procedemento de licitación e os seus prazos quedarán en suspenso ata a súa resolución.
De non practicarse ningunha alegación no prazo anteriormente estipulado, darase por aprobado definitivamente o citado expediente e prego de prescricións técnicas e cláusulas administrativas particulares que rexerán o procedemento.
Pontevedra, 7 de maio de 2014
Antonio Louro Goyanes José Carlos Castiñeira Piñeiro
Alcalde accidental Secretario da Administración Municipal