Aprobado o programa anual de actividades para o ano 2014 da Academia Galega de Seguridade Pública (Agasp) polo Consello Reitor, na súa xuntanza do 27 de decembro de 2013, de acordo co establecido no artigo 9.2.b) da Lei 1/2007, do 15 de xaneiro, da Agasp, convócanse os cursos de formación continua dirixidos os/as policías locais de Galicia, correspondentes ao segundo semestre do ano 2014, cuxas bases, características e contido se especifican nos anexos desta resolución.

A Estrada, 12 de xuño de 2014

Santiago Villanueva Álvarez
Director xeral da Academia Galega de Seguridade Pública

ANEXO I

Bases

Primeira. Destinatarios

Poderán participar nos cursos convocados por esta resolución os/as policías locais de Galicia que se atopen en situación de servizo activo ou excedencia por coidado de familiares.

A baixa laboral por incapacidade temporal impide a participación nas accións formativas convocadas, polo que, de producirse esta situación, os/as interesados deberán comunicalo a Agasp de xeito inmediato, no caso de non facelo serán penalizados coa non participación en accións formativas da Agasp nun ano contado desde o día seguinte a que se teña coñecemento do feito, no caso de estar realizando efectivamente un curso, non se emitirá diploma ningún.

Será revisable a admisión de persoas en baixa laboral por incapacidade temporal, cando esta veña producida por accidente de traballo recoñecido como tal e a asistencia ao curso non interfira na recuperación.

No caso de quedar prazas vacantes poderán acceder aos cursos, persoal das forzas e corpos de seguridade pública que traballen en Galicia.

Se as solicitudes para participar nun curso non superan as 10 persoas, a Agasp resérvase a facultade de anular a actividade formativa.

Segunda. Solicitudes

1. O persoal que desexe participar nos cursos convocados nesta resolución deberá cubrir o formulario de matrícula telemática dispoñible na páxina web da Agasp (htpp://agasp.xunta.es), non se admitirá ningunha outra forma ou modelo de solicitude.

É preciso que todas as persoas que desexen participar en cursos da Agasp manteñan actualizados os seus datos persoais, especialmente a conta de correo electrónico e o teléfono móbil, co obxecto de posibles comunicacións, no suposto de non ser correctos ou exactos os ditos datos, a Agasp non é responsable dos posibles prexuízos causados aos interesados.

2. A falsidade ou ocultación de datos esenciais para a selección das persoas solicitantes dará lugar á exclusión automática do curso solicitado, así como á imposibilidade de participar en ningún outro curso durante o prazo dun ano computado desde o momento en que se detecte o feito.

3. Serán excluídas automaticamente aquelas solicitudes que non teñan cubertos correctamente todos os datos para realizar a selección do alumnado, non se axusten ao modelo normativizado ou sexan presentadas fóra de prazo.

4. No caso de atoparse nalgún dos supostos que a continuación se indican, o/a solicitante deberán remitir á Agasp, no mesmo prazo establecido para o envío da solicitude de inscrición, a certificación orixinal ou fotocopia legalizada que acredite tal situación: (non será preciso, se tal documentación xa consta en poder da Agasp, neste caso, deberán comunicalo na propia solicitude).

a) Profesionais que estean gozando ou gozaran nos dous últimos anos, dunha licenza de maternidade, dun permiso de paternidade, dunha redución de xornada ou dunha excedencia por coidado de familiares.

5. Cando o curso para o que presenta solicitude requira a presentación de documentación complementaria co obxecto de acreditar circunstancias específicas de acordo cos criterios de selección, deberá remitir tal documentación por fax (886 20 61 22) por correo electrónico (formación.agasp@xunta.es) ou de acordo co establecido no artigo 38.4 da Lei de réxime xurídico das administracións públicas e do procedemento administrativo común.

6. O prazo de presentación de solicitudes será de 20 días hábiles desde as 8.00 horas do día seguinte ao da publicación desta resolución no DOG ata as 14.00 horas da data de finalización do prazo de presentación de solicitudes.

7. O número máximo de cursos que se poden solicitar nesta convocatoria limítase a 5.

No caso de que unha mesma persoa, presente máis solicitudes das permitidas, a Agasp fará a selección correspondente, e no momento que unha persoa complete a realización de 5 cursos, será excluída da selección de máis cursos no período de formación que abrangue esta convocatoria.

8. Non está permitida a realización de cursos que teñan simultaneidade de horarios nunha ou varias sesións presenciais. Cando o alumnado teña coñecemento de que foi seleccionado para un curso que teña coincidencia horaria con outro no que xa foi seleccionado debe renunciar a un deles. No caso de que se comprobe con posterioridade a realización simultánea de varias actividades, non se expedirá certificación de ningunha delas, e o/a alumno/a non poderá participar noutros cursos durante un ano desde que se detecte este feito.

Terceira. Criterios xerais de selección

Os criterios xerais de selección son os que a continuación se indican, sen prexuízo dos requisitos específicos que determinados cursos inclúen, neste caso indicarase na ficha de cada acción formativa.

1. Menor número de cursos realizados na Agasp nos dous últimos anos.

2. Por orde de inscrición.

Terán preferencia na selección os/as candidatos/as que estean gozando ou gozaran nos dous últimos anos dunha licenza de maternidade, dun permiso de paternidade, dunha redución da xornada ou dunha excedencia para o coidado de familiares, sempre que cumpran cos requisitos obxectivos para ser destinatarios do curso.

Ademais, de conformidade co establecido no artigo 37 bis da Lei 7/2004, para a igualdade de homes e mulleres, nos cursos, xornadas ou outras actividades formativas organizadas ou financiadas pola Administración pública galega, reservarase un 50 % das prazas a mulleres que reúnan os requisitos exixidos na convocatoria, que accederán á quenda reservada só se non houbesen suficientes solicitudes de participación de mulleres.

Cuarta. Admisión

1. A Agasp publicará na súa páxina web a relación de persoas seleccionadas para participar en cada curso, así como un número adecuado de reservas con, polo menos, 10 días naturais antes do inicio de cada curso.

O prazo de presentación de alegacións será de tres días hábiles desde a súa publicación.

Os/as alumnos/as seleccionados serán informados da súa selección a través do correo electrónico e da mensaxaría telefónica, todos/as aqueles/as que non figuren na relación, non foron seleccionados/as, ben por que ocupan un posto máis afastado na listaxe de reservas, ben por que foron excluídos/as por algún motivo dos expresados nesta convocatoria, todo de acordo co previsto no artigo 59.6.b) da LRXPAC.

A Agasp resérvase o dereito de solicitar aos concellos de procedencia todos aqueles datos que considere necesarios para a adecuada realización da selección.

2. O alumnado seleccionado só poderá renunciar ao curso por causas de forza maior suficientemente xustificada ou necesidade do servizo sempre que se acredite documentalmente o feito alegado polo xefe/a do corpo da policía local do concello no que traballe ou persoa responsable deste.

No caso de cambios de cadrante ou quendas de traballo, deberán quedar acreditados suficientemente os motivos destes e que se coñeceron con posterioridade a solicitude de inscrición no curso.

A renuncia debe ser comunicada por escrito a través do modelo que figura na páxina web da Agasp e cunha antelación de 3 días hábiles ao inicio do curso, co fin de poder cubrir a vacante.

A renuncia non xustificada ou a non acreditación documental da causa que a produce suporá a exclusión da persoa seleccionada nos seguintes 10 cursos que sexan convovados polo servizo de formación en Seguridade Pública da Agasp e nas que a persoa figurase como posible destinataria destas, sen contar edicións repetidas, cursos xa realizados e que, cando menos, teñan a mesma carga horaria, do curso polo que foi penalizado.

Quinta. Asistencia aos cursos

1. É obrigatoria a asistencia con puntualidade a todas as sesións dos cursos.

Durante a realización dos cursos levarase un control permanente da asistencia a través dos sistemas que se establezan para o efecto, podendo realizarse controis de asistencia extraordinarios.

Unicamente se autorizará a ausencia por causas xustificadas e debidamente acreditadas e, en ningún caso, poderá superar o 10 % das horas lectivas.

A ausencia xustificada superior ao 10 % do total das horas lectivas suporá a perda do dereito á expedición do diploma, no caso de haber unha segunda edición do curso en cuestión, o servizo de formación en seguridade pública, poderá valorar a posibilidade de que o/a alumno/a poida recuperar as horas non realizadas na edición anterior, en todo caso, para poder valorar esta posibilidade non poden transcorrer máis de seis meses entre unha edición e a seguinte.

A falta de asistencia dun número superior ao 10 % das horas lectivas sen xustificación ou falta de acreditación documental da causa alegada dará lugar á perda do dereito ao diploma do curso, senón tamén a penalización coa non participación en cursos da Agasp durante un ano, contados desde o día seguinte ao da finalización do curso.

2. O alumnado asistirá aos cursos co uniforme regulamentario. No caso de non facelo, e non existir causa suficientemente xustificada, a Agasp poderá impedir a asistencia ao curso e non emitirá diploma nin certificado acreditativo ningún.

3. O alumnado en ningún caso, estará en posesión da arma regulamentaria dentro da Agasp, nín a portará en calquera actividade lectiva, extralectiva ou complementaria organizada (agás nas prácticas e cursos de tiro, para os cales deberán cumprir de forma estrita as normas e instrucións que se impartan ao respecto).

4. O alumnado que se solicite cursos na modalidade de teleformación deberá dispoñer dun equipo informático que cumpra os seguintes requisitos técnicos:

a) Ordenador con conexión a internet.

b) Calquera navegador web co plugin de flash.

c) Sistema operativo Windows 7.

No caso dos cursos de teleformación de contido informático, o/a alumno/a deberá posuír o programa informático do que se vai impartir no curso, non será xustificación suficiente de renuncia ao curso unha vez seleccionado, non posuílo, e tal circunstancia será penalizada coa non participación en cursos da Agasp durante un ano, contado desde a data da renuncia.

Sexta. Certificación

1. Para poder superar os cursos o alumnado deberá superar unha proba de avaliación que se levará a cabo ao remate destes.

2. No caso dos cursos de teleformación ou mixtos, para poder superalos, é obrigatorio cumprir os seguintes requisitos:

a) Asistencia as sesións presenciais que se determinen.

b) Correcta realización das actividades que o/a titor/a propoña no prazo que se determine.

c) Lectura detallada dos contidos do curso.

d) Superación das probas finais que se establezan e que se realizarán sempre nunha sesión presencial na Agasp.

Sétima. Desenvolvemento dos cursos

1. A Agasp poderá suspender a realización de actividades formativas convocadas cando sexa necesario por motivos técnicos ou insuficiencia de solicitudes de participación.

2. A Agasp poderá modificar as datas, horarios, contidos e desenvolvemento dos cursos, así como resolver todas as continxencias e incidencias que poidan xurdir.

3. A Agasp poderá programar cursos diferentes cando así veña exixido por circunstancias que afecten a organización, xestión e docencia.

ANEXO II

	Denominación	Prazas	Horas	Data de comezo	Data de remate	Horario
141093	Condución de motocicletas	16	8	16.9.2014	16.9.2014	Das 9.00 ás 19.00 horas
141094	Condución evasiva	16	8	23.9.2014	23.9.2014	Das 9.00 ás 19.00 horas
141095	Condución evasiva	16	8	24.9.2014	24.9.2014	Das 9.00 ás 19.00 horas
141096	Condución 4x4	20	20	1.10.2014	3.10.2014	Das 10.00 ás 14.00 e das 15.30 ás 19.30/das 9.30 ás 13.30 horas
141098	Básico de técnicas de tiro policial para protección de persoas	20	8	6.10.2014	13.10.2014	Das 15.30 ás 19.30 horas
141099	Básico de técnicas de tiro policial para protección de persoas	20	8	20.10.2014	27.10.2014	Das 15.30 ás 19.30 horas
141100	Básico de técnicas de tiro policial para protección de persoas	20	8	10.11.2014	17.11.2014	Das 15.30 ás 19.30 horas
141101	Documentoscopia en materia de tráfico	30	21	21.10.2014	23.10.2014	Das 10.00 ás 14.00 e das 15.30 ás 19.30/das 9.00 ás 14.00 horas
141102	Criminoloxía viaria	30	21	13.10.2014	15.10.2014	Das 10.00 ás 14.00 e das 15.30 ás 19.30/das 9.00 ás 14.00 horas
141134	Microsoft office aplicado á función policial	30	21	8.10.2014	5.11.2014	Das 15.30 ás 19.30 horas
141103	Operadores de radar	20	20	30.9.2014	2.10.2014	Das 9.00 ás 14.00 e das 15.30 ás 18.30 horas
141104	Operadores de radar			14.10.2014	16.10.2014	Das 9.00 ás 14.00 e das 15.30 ás 18.30 horas
141105	Delitos contra a seguridade viaria	25	12	18.11.2014	19.11.2014	Das 10.00 ás 14.00 e das 15.30 ás 19.30/das 10.00 ás 14.00 horas
141106	Operativa policial no ámbito da lei de estranxeiría	25	20	10.11.2014	12.11.2014	Das 10.00 ás 14.00 e das 15.30 ás 19.30/das 9.00 ás 14.00 horas
141107	Elaboración de atestados de tráfico	25	15	6.11.2014	20.11.2014	Das 9.30 ás 14.30 horas
141131	Competencias xerais dos concellos en materia de ambiente, na Lei de montes e na Lei de prevención e defensa contra os incendios forestais de Galicia: réxime de actuación dos corpos da policía local	25	20	12.11.2014	14.11.2014	Das 10.00 ás 14.00 e das 15.30 ás 19.30/das 9.00 ás 14.00 horas
141135	Internet e as novas redes de comunicación	25	20	3.11.2014	5.11.2014	Das 9.00 ás 14.00 e das 15.30 ás 18.30/das 9.00 ás 13.00 horas
141132	Funcións da policía local en materia de urbanismo	25	21	8.10.2014	10.10.2014	Das 10.00 ás 19.30 e das 9.00 ás 14.00 horas
1141108	Animais domésticos e especies protexidas	25	12	10.12.2014	11.12.2014	Das 10.00 ás 14.00 e das 15.30 ás 19.30/das 10.00 ás 14.00 horas
141136	Internet, anonimato e seguridade nas comunicacións	25	20	5.11.2014	7.11.2014	Das 15.30 ás 19.30 e das 9.00 ás 14.00/das 15.30 ás 18.30 horas
141137	A policía local como policía xudicial	25	16	27.10.2014	28.10.2014	Das 10.00 ás 14.00 e das 15.30 ás 19.30 horas
141138	A policía local como policía xudicial	25	16	3.11.2014	4.11.2014	Das 10.00 ás 14.00 e das 15.30 ás 19.30 horas
141139	Calidade dos servizos policiais	18	12	27.11.2014	28.11.2014	Das 10.00 ás 14.00 e das 15.30 ás 19.30/das 10.00 ás 14.00 horas
141115	O testemuño policial en sede xudicial	20	12	26.11.2014	27.11.2014	Das 10.00 ás 14.00 e das 15.30 ás 19.30/das 10.00 ás 14.00 horas
141116	O testemuño policial en sede xudicial	20	12	11.12.2014	12.12.2014	Das 10.00 ás 14.00 e das 15.30 ás 19.30/das 10.00 ás 14.00 horas
141117	Transportes de mercadorías perigosas	20	8	20.10.2014	20.10.2014	Das 9.30 ás 14.00 e das 15.00 ás 18.30 horas
141118	Transportes de mercadorías perigosas	20	8	21.10.2014	21.10.2014	Das 9.30 ás 14.00 e das 15.00 ás 18.30 horas
141119	Transportes escolar e de menores	20	8	28.10.2014	28.10.2014	Das 9.30 ás 14.00 e das 15.00 ás 18.30 horas
141120	Transportes escolar e de menores	20	8	29.10.2014	29.10.2014	Das 9.30 ás 14.00 e das 15.00 ás 18.30 horas
141121	Transportes de produtos perecedoiros	20	8	24.11.2014	24.11.2014	Das 9.30 ás 14.00 e das 15.00 ás 18.30 horas
141122	Transportes de produtos perecedoiros	20	8	25.11.2014	25.11.2014	Das 9.30 ás 14.00 e das 15.00 ás 18.30 horas
141123	Resolución de problemas e toma de decisións	15	8	23.10.2014	23.10.2014	Das 9.30 ás 14.00 e das 15.00 ás 18.30 horas
141124	Resolución de problemas e toma de decisións	15	8	12.11.2014	12.11.2014	Das 9.30 ás 14.00 e das 15.00 ás 18.30 horas
141125	Falar en público	8	12	22.10.2014	29.10.2014	Das 9.00 ás 14.00 e das 15.30 ás 18.30/das 10.00 ás 14.00 horas
141126	Asertividade e xestión de conflitos	15	8	8.10.2014	8.10.2014	Das 9.30 ás 14.00 e das 15.00 ás 18.30 horas
141127	Compromiso e profesionalidade: servizo ao cidadán	15	8	10.12.2014	10.12.2014	Das 9.30 ás 14.00 e das 15.00 ás 18.30 horas
141128	A inspección ocular	20	16	18.11.2014	19.11.2014	Das 10.00 ás 14.00 e das 15.30 ás 19.30 horas
141022	Intervención da policía local en materia de ruídos e molestias xeradas en inmobles privados.	20	21	25.11.2014	27.11.2014	Das 10.00 ás 14.00 e das 15.30 ás 19.30/das 9.00 ás 14.00 horas
141130	Mediación de ruídos	15	12	6.11.2014	7.11.2014	Das 9.30 ás 14.00 e das 15.00 ás 18.30/das 10.00 ás 14.00 horas
Teleformación
141109	Microsoft Word	50	30	8.9.2014	3.10.2014	Teleformación
141110	Microsoft Excel	50	50	8.9.2014	31.10.2014	Teleformación
141111	Microsoft Access	50	50	6.10.2014	28.11.2014	Teleformación
141112	Microsoft Power Point	50	30	6.10.2014	7.11.2014	Teleformación
141113	Sistema operativo, busca da información: internet e intranet e correo electrónico	50	20	27.10.2014	21.11.2014	Teleformación
141114	Autocad	50	50	29.9.2014	28.11.2014	Teleformación