Intentada a notificación das ditas resolucións segundo o disposto no artigo 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo para que poidan ter coñecemento del.
Estas resolucións poñen fin á vía administrativa e contra elas os interesados poden interpoñer recurso contencioso-administrativo, no prazo de dous meses que comezará a contar a partir do día seguinte ao da publicación desta cédula no Diario Oficial de Galicia, ante o órgano competente da xurisdición contencioso-administrativa. Así mesmo, con anterioridade e con carácter potestativo, poderán interpoñer un recurso de reposición, no prazo dun mes que comezará a contar a partir do día seguinte ao desta publicación, ante esta xefatura territorial. Todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.
Lémbraselles tamén o seu dereito a consultar o expediente, depositado nas dependencias desta xefatura territorial, situadas na rúa Concepción Arenal, 8, 2º andar, 36201 Vigo (Pontevedra), e a obter unha copia destas resolucións, segundo o previsto na letra a) do artigo 35 da Lei 30/1992, do 26 de novembro.
Vigo, 17 de novembro de 2014
María Peón Fernández
Xefa territorial de Vigo
ANEXO
Nº de expediente: TR301K 2013/000056-5.
DNI/NIF/CIF: B36745156.
Nome ou razón social: Academia Abrente, S.L.
Último enderezo coñecido: praza de América, número 1, 1º, 36211 Vigo.
Tipo de axuda: accións formativas dirixidas prioritariamente ás persoas desempregadas.
Contido da resolución: revogar a axuda concedida.
Data da resolución: 10.11.2014.
Nº de expediente: TR301K 2013/000056-5.
DNI/NIF/CIF: B36745156.
Nome ou razón social: Academia Abrente, S.L.
Último enderezo coñecido: praza de América, número 1, 1º, 36211 Vigo.
Tipo de axuda: accións formativas dirixidas prioritariamente ás persoas desempregadas.
Contido da resolución: declarar o decaemento do dereito do interesado ao trámite do pagamento da subvención concedida.
Data da resolución: 2.10.2014.