Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 1 Venres, 2 de xaneiro de 2015 Páx. 206

VI. Anuncios

a) Administración autonómica

Portos de Galicia

CÉDULA do 9 de decembro de 2014 pola que se notifica resolución de arquivamento de expediente de caducidade de autorización temporal de atracada co número P1-19A das instalacións náutico-deportivas do porto de Celeiro.

Con data do 19 de novembro de 2014, o presidente de Portos de Galicia, ao abeiro do establecido no artigo 40.2.b) do Decreto 130/2013, do 1 de agosto, polo que se regula a explotación dos portos deportivos e das zonas portuarias de uso náutico-deportivo de competencia da Comunidade Autónoma de Galicia, resolveu decretar o arquivo do expediente de caducidade da autorización temporal de atracada que se cita con anterioridade, da que é titular Juan José Vidal Permuy.

Intentada a notificación da resolución no enderezo que consta no expediente sito no lugar Carrapota, 5, de Viveiro, provincia de Lugo, a través do servizo de Correos, e non sendo posible a súa práctica, de conformidade co disposto no artigo 59.4º da Lei 30/1992, notifícase mediante a publicación no Diario Oficial de Galicia e exposición no taboleiro de edictos do Concello de Viveiro, a presente resolución de arquivamento de expediente de caducidade da autorización temporal de atracada.

E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.

Santiago de Compostela, 9 de decembro de 2014

José Juan Durán Hermida
Presidente de Portos de Galicia