Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 15 Venres, 23 de xaneiro de 2015 Páx. 3519

III. Outras disposicións

Consellería do Medio Rural e do Mar

ORDE do 30 de decembro de 2014 pola que se establecen as bases reguladoras das axudas para a incorporación de mozos á actividade agraria cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural para Galicia 2007-2013, e se convocan para o ano 2015.

As axudas para a incorporación de mozos á actividade agraria son medidas amparadas no Regulamento 1698/2005, do 20 de setembro, relativo á axuda ao desenvolvemento rural a través do Fondo Europeo Agrícola de Desenvolvemento Rural (Feader), no marco do Programa de desenvolvemento rural para Galicia 2007-2013. O cofinanciamento do Feader nestas axudas acada unha porcentaxe do 75 % do gasto executado.

Neste senso salientar que a incorporación da poboación nova e capacitada ás explotacións agrarias é unha das mellores vías para asegurar a súa competitividade e a continuidade do tecido agrario polo que cómpre apoiar a primeira instalación das persoas novas nas nosas explotacións.

En consecuencia, de conformidade co previsto no artigo 30.1º.3 do Estatuto de autonomía de Galicia e no uso das facultades que me confire a Lei 9/2007, do 13 de xuño, de subvencións de Galicia, e no uso das competencias que me confire a Lei 1/1983, do 22 de febreiro, reguladora da Xunta e da súa Presidencia,

DISPOÑO:

Capítulo I
Bases reguladoras para a concesión de axudas para a primeira instalación de agricultores/as mozos/as

Artigo 1. Obxecto e finalidade

1. Esta orde ten por obxecto establecer as bases reguladoras das axudas á primeira instalación de agricultores/as mozos ou mozas (procedemento MR404A), e convocalas para o ano 2015.

2. Estas axudas teñen como finalidade asegurar a competitividade e a continuidade das explotacións agrarias de Galicia.

Artigo 2. Definicións

Para os efectos desta orde teranse en conta as definicións dadas pola Lei 19/1995, de modernización das explotacións agrarias (BOE núm.159, do 5 de xullo), polo Decreto 200/2012, polo que se regula o Rexistro de Explotacións Agrarias de Galicia (DOG núm. 196, do 15 de outubro), así como pola Lei 35/2011, sobre titularidade compartida das explotacións agrarias (BOE núm. 240, do 5 de outubro).

Artigo 3. Beneficiarios

Poderán ser beneficiarias as persoas que non figuran nin figurasen inscritos como titulares de explotacións agrarias no Rexistro de Explotacións Agrarias de Galicia, que se instalen nunha explotacións agraria prioritaria, que teñan cumpridos os 18 anos e sexan menores de 40 anos de idade no momento da solicitude de axuda.

Artigo 4. Requisitos e compromisos

1. Os/as agricultores/as mozos/as que desexen acceder ás axudas á incorporación de agricultores novos á actividade agraria (A-Procedemento MR404A) deberán cumprir os seguintes requisitos:

a) Ter cumpridos os 18 anos e ser menor de 40 anos de idade no momento da solicitude de axuda.

b) Ter a condición de agricultor profesional. Durante todo o período de compromisos a que se fai referencia no artigo 2.a), a persoa beneficiaria da axuda deberá deberá manter a condición de agricultor profesional unha vez que a acade.

c) Posuír o nivel de capacitación profesional suficiente no momento da solicitude da axuda, segundo se establece no Decreto 200/2012, polo que se regula o Rexistro de Explotacións Agrarias de Galicia, ou comprometerse a adquirilo nun prazo improrrogable de dous anos desde a data de resolución da axuda.

d) Instalarse nunha explotación agraria que requira un volume de traballo equivalente polo menos a unha UTA ou acadar esta condición nun prazo máximo de dous (2) anos desde a data de solicitude de axuda. Durante todo o período de compromisos, a persoa beneficiaria da axuda deberá manter a condición de UTA unha vez que a acade, polo que anualmente se lle solicitarán os boletíns de cotización á Seguridade Social ou o informe de vida laboral para comprobar que se mantén esa UTA, no caso de que non autorice a consulta desta información.

e) Instalarse nunha explotación que non sexa resultado dunha segregación de parte doutra explotación.

2. Así mesmo deberán:

a) Comprometerse por escrito a exercer a actividade agraria durante cinco (5) anos, contados desde a data da presentación da solicitude de pagamento da axuda. Este compromiso será sometido a seguimento durante eses cinco (5) anos mediante a comprobación dos ingresos agrarios que figuren na última declaración do IRPF, que lle será solicitada anualmente ao beneficiario no caso de que non autorice a consulta desta información.

b) Cumprir a explotación as normas mínimas en materia de ambiente, hixiene e benestar dos animais que figuran na normativa a que fai referencia o anexo IV, no prazo máximo de dous (2) anos desde a instalación do/a mozo/a.

c) Cumprir os requisitos establecidos nos artigos 10.2 e 10.3 da Lei 9/2007, do 13 de xuño, de subvencións de Galicia.

d) Dispoñer dunha contabilidade específica Feader ou dun código contable específico, no cal deben estar incluídos os gastos declarados para esta axuda.

e) Destinar os bens ao fin concreto para o cal se concedeu a subvención, que nunca será inferior a cinco (5) anos, contados desde a data da solicitude de pagamento, salvo que por causa técnica xustificada e acreditada documentalmente sexa autorizado pola Dirección Xeral de Produción Agropecuaria, en concordancia co artigo 29.5º da Lei 9/2007, do 13 de xuño, de subvencións de Galicia. No caso de bens inscritibles nun rexistro público, deberá facerse constar na escritura pública esta circunstancia, así como o importe da subvención concedida.

Artigo 5. Modalidades de primeiras instalacións

1. A primeira instalación dun/dunha agricultor/a mozo/a deberá realizarse mediante algunha das seguintes modalidades:

a) Acceso á titularidade exclusiva ou compartida da explotación agraria prioritaria (modalidade 1), por compra, herdanza, pacto sucesorio, doazón, arrendamento, parzaría ou figuras xurídicas análogas, asumindo o/a mozo/a que se instala, polo menos, o 50 % dos riscos e das responsabilidades civil, fiscal e social da xestión da explotación; o cal se xustificará mediante a escritura pública correspondente, así como a declaración do IRPF ou imposto de sociedades, segundo o caso, do anterior titular. Tamén se considerará acreditada esta modalidade de titularidade no caso de cónxuxes ou persoas ligadas cunha relación de análoga afectividade, que constitúan unha explotación de titularidade compartida da explotación agraria conforme a Lei 35/2011.

b) Acceso á cotitularidade dunha explotación agraria prioritaria (modalidade 2), a cal se xustificará mediante escritura pública na cal deberá constar:

i) A relación de todos os elementos que compoñen a explotación, valorados a prezo de mercado, dos que, sendo propietario ou titular, estean integrados nela, con expresión detallada dos que se lle transmiten ao/á mozo/a, que deberán representar, polo menos, un terzo do valor total daqueles. Sen prexuízo do anterior, incluirase na transmisión, polo menos, un terzo da propiedade, tanto dos predios rústicos como do conxunto dos restantes bens inmobles. En todo caso, deberá indicarse expresamente que os usos e o aproveitamento de todos os elementos da explotación transmitidos ao/á mozo/a cotitular continuarán integrados na referida explotación.

ii) Un acordo, cunha duración mínima de seis (6) anos, entre a persoa titular e o/a agricultor/a mozo/a conforme este compartirá as responsabilidades xerenciais, os resultados económicos da explotación, os riscos inherentes á súa xestión e aos investimentos que nela se realicen, nunha proporción igual ou superior ao 50 %.

c) Integración como socio/a nunha entidade asociativa con personalidade xurídica (modalidade 3), preexistente ou de nova constitución, que sexa titular dunha explotación agraria prioritaria, para o cal se presentará a seguinte documentación:

i) Unha certificación expedida polo órgano reitor da entidade, onde se especifiquen as condicións de participación do/a agricultor/a mozo/a e a súa contribución.

ii) Os estatutos da entidade.

iii) A relación de socios/as que exercen a dirección técnica e de xestión.

iv) A condición da explotación como prioritaria, conforme o disposto no Decreto 200/2012, polo que se regula o Rexistro de Explotacións Agrarias de Galicia.

2. Os documentos públicos sinalados no número 1 letras a) e b) poderán ser presentados unha vez aprobada a a subvención xunto coa xustificación da realización dos investimentos. Nestes casos, coa solicitude de axuda á primeira instalación xuntarase un compromiso debidamente asinado polas dúas partes.

3. Os cónxuxes ou parellas de feito legalmente recoñecidas, que acrediten que están en réxime de separación de bens no momento da solicitude, serán asimilados ás axudas á primeira instalación de agricultores/as mozos/as nalgunha das modalidades indicadas no número 1; os dous poderán ser beneficiarios dependendo da modalidade de instalación. No caso de cónxuxes ou parellas de feito legalmente recoñecidas, que estean en réxime de gananciais e que non tivesen constituído titularidade compartida, só poderán ser beneficiarios das axudas á primeira instalación de agricultores/as mozos/as cando se dea algunha das seguintes circunstancias:

a) Cando o/a mozo/a se incorpore nunha explotación en que o titular sexa o seu cónxuxe ou parella de feito legalmente recoñecida, e constitúan unha sociedade entre si, sempre que a explotación proporcione polo menos unha RUT do 35 % da renda de referencia para cada un dos membros e ambos os dous coticen como UTA na explotación.

b) Cando se instale por integración como socio/a dunha entidade asociativa, que sexa resultado da fusión de, polo menos, dúas explotacións preexistentes en funcionamento, aínda que figure como socio/a partícipe o outro cónxuxe ou parella de feito legalmente recoñecida, sempre que a explotación resultante proporcione unha RUT para cada mozo ou moza, polo menos, do 35 % da renda de referencia e ambos os dous coticen como UTA na explotación.

Artigo 6. Condicións da primeira instalación

1. A instalación do/a mozo/a poderá realizarse dentro dos seis meses anteriores á solicitude de axuda ou ben durante o prazo de execución, sendo auxiliables os gastos realizados polo/a mozo/a neses períodos. Así mesmo, no caso de cambio de titularidade realizado posteriormente ao último día de solicitude da convocatoria destas axudas no ano anterior, como consecuencia do falecemento, xubilación ou incapacidade laboral, a favor dun/dunha mozo/a, a instalación considerarase desde a data dese cambio de titularidade, polo que, neste caso, tamén serán auxiliables os gastos realizados polo/a mozo/a nese período, de acordo co que se establece no artigo 3.16 do Real decreto 1852/2009, do 4 de decembro, polo que se establecen os criterios para subvencionar os gastos no marco dos programas de desenvolvemento rural cofinanciados polo Fondo Europeo Agrícola de Desenvolvemento Rural (Feader).

2. Malia o anterior, considerarase como data de primeira instalación a máis antiga entre a alta en Facenda na actividade agraria ou a alta na Seguridade Social. Non obstante, e para os efectos da axuda, naqueles casos en que o/a mozo/a estea dado/a de alta na Seguridade Social agraria e o titular da explotación sexa outra persoa, poderase considerar como data da instalación a da alta en Facenda na actividade agraria. En todo caso, no momento da solicitude deberase acreditar a non existencia de ingresos agrarios a través das últimas catro declaracións do IRPF efectuadas á Axencia Estatal de Administración Tributaria. En caso contrario, considerarase que o/a mozo/a está instalado/a desde o momento en que declara eses ingresos agrarios.

Artigo 7. Documentación que hai que presentar na solicitude de axuda

1. Para solicitar a axuda do procedemento MR404A, presentarase a seguinte documentación:

a) Anexo I (procedemento MR404A).

b) Copia do DNI. A copia do DNI deberase presentar no caso de non autorizar a Consellería do Medio Rural e do Mar para a consulta de datos do DNI no Sistema de verificación de datos de identidade do Ministerio de Facenda e Administracións Públicas.

c) Plan de explotación (plan empresarial establecido no artigo 13 do Regulamento (CE) nº 1974/2006, do 15 de decembro, polo que se establecen disposicións de aplicación do Regulamento 1698/2005 relativo á axuda ao desenvolvemento rural a través do Fondo Europeo de Desenvolvemento Rural (Feader) que reflicta o grao de viabilidade económica e a situación da explotación en que se instala e prevexa para el, en xeral, unha renda procedente daquela, medida en termos de marxe neta, polo menos do 35 % da renda de referencia e inferior ao 120 % desta, agás no caso de explotación de titularidade compartida conforme a Lei 35/2011, do 4 de outubro, sobre titularidade compartida das explotacións agrarias, que será inferior ao 180 %. Esta marxe neta deberá acadarse, como moi tarde, no momento da presentación da solicitude de pagamento do expediente. Por outra banda, a revisión do plan empresarial farase nos cinco (5) anos desde a data da concesión da axuda, e consistirá en comprobar o mantemento das súas condicións e unha avaliación dos progresos e previsións expostos nel. As oficinas agrarias comarcais asesorarán todas as persoas solicitantes na realización dos estudos técnico-económicos necesarios para a elaboración deses plans.

d) Informe de vida laboral.

e) Xustificación do nivel de capacitación profesional suficiente, segundo se establece no Decreto 200/2012, polo que se regula o Rexistro de Explotacións Agrarias de Galicia ou documento de compromiso de adquirilo no prazo máximo de dous (2) anos contados desde a data de resolución da axuda.

f) Certificado da Axencia Estatal de Administración Tributaria sobre as declaracións do IRPF dos últimos catro anos presentadas polo/a solicitante. Esta documentación só se ten que presentar no caso de que a persoa solicitante non autorice a súa consulta. Se é o caso, certificado de retencións no caso de haber rendementos do traballo.

g) Última declaración do IRPF do anterior titular, ou imposto de sociedades.

h) Conformidade da entidade bancaria coa concesión do préstamo. Nas solicitudes de axudas vinculadas a préstamo, e como condición para que a axuda sexa aprobada, a persoa solicitante deberá achegar a conformidade dunha entidade financeira asinante do convenio financeiro.

i) Memoria descritiva e xustificativa dos gastos solicitados.

j) Facturas pro forma, nas cales se detallen claramente os conceptos dos bens polos que se solicita (fabricante, características técnicas).

k) Solicitudes de transferencia, en favor da nova persoa titular, de ser o caso, dos dereitos de prima que tivese a explotación, agás no caso de instalación nunha explotación asociativa, ou documento de compromiso de tramitar a dita transferencia.

l) Solicitude de cambio de titularidade da explotación, se é o caso, en favor do/da agricultor/a mozo/a, axustado ao modelo normalizado da consellería, ou documento de compromiso de realizar o dito cambio de titularidade.

m) Os documentos sinalados nas anteriores letras k) e l) poderán ser presentados unha vez aprobada a subvención xunto coa xustificación da realización dos investimentos. Nestes casos, coa solicitude de axuda á primeira instalación xuntarase un compromiso debidamente asinado polas dúas partes.

n) Escritura pública (arrendamento do predio ou predios, compravenda, cesión, etc.), ou documento de arrendamento a través do Bantegal, xustificativa dunha instalación nunha explotación de nova creación, se for o caso.

o) Escritura pública xustificativa de instalación como cotitular dunha explotación agraria prioritaria, se for o caso.

p) Certificación da entidade asociativa en que se instala a persoa moza, se for o caso.

Artigo 8. Presentación das solicitudes

1. As solicitudes deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso electrónico dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede electrónica da Xunta de Galicia.

2. Opcionalmente, tamén se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.

3. A documentación complementaria que se incorpore á solicitude poderá presentarse electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do documento orixinal para o cotexo da copia electrónica presentada segundo o disposto nos artigos 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.

A documentación complementaria tamén poderá presentarse en formato papel en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.

As copias dos documentos gozarán da mesma validez e eficacia que os seus orixinais sempre que exista constancia de que sexan auténticas.

Sempre que se realice a presentación de documentos separadamente da solicitude de axuda, a persoa interesada ou representante deberá mencionar o código e o órgano responsable do procedemento, o número de expediente e o número ou código único de rexistro.

4. Na sede electrónica encóntranse publicados os formatos admitidos para a presentación de documentación. Se o solicitante desexa presentar calquera documentación en formatos non admitidos, poderá realizalo de forma presencial a través de calquera dos rexistros habilitados. A persoa interesada deberá mencionar o código e o órgano responsable do procedemento, o número de expediente e o número ou código único de rexistro.

5. No caso de que algún dos documentos que se van presentar por parte da persoa solicitante, de forma electrónica, superase os tamaños límites establecidos pola sede electrónica, permitirase a presentación deste de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro. Na sede electrónica da Xunta de Galicia publicarase a relación de formatos, protocolos e tamaño máximo admitido da documentación complementaria para cada procedemento.

6. Ademais, a sede electrónica da Xunta de Galicia ten á disposición das persoas interesadas unha serie de modelos normalizados dos trámites máis comunmente utilizados na tramitación administrativa, que poderán ser presentados en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.

Artigo 9. Investimentos elixibles, non elixibles e condicións de elixibilidade

1. Serán elixibles os seguintes gastos e investimentos:

a) Pagamento da primeira anualidade dun contrato de arrendamento de terras.

b) Gastos notariais e rexistrais derivados da primeira instalación.

c) Gastos de permisos, licenzas e autorizacións administrativas orixinados pola instalación do beneficiario.

d) Adquisición de dereitos de produción e dereitos á prima de carácter individual e transferible conforme a normativa vixente de carácter sectorial que resulte de aplicación.

e) Compra de gando reprodutor.

f) Custos de avais dos préstamos de primeira instalación.

g) Pagamento dos dereitos hereditarios, se é o caso, a coherdeiros/as da explotación familiar en que se instala a persoa beneficiaria.

h) Maquinaria agrícola e instalacións, cuio montaxe non supoña obra civil.

i) Achega económica a unha entidade xurídica. Os bens que xustifiquen a dita achega non suporán traballos en obra civil.

j) Adquisición ou acondicionamento da vivenda situada en solo rústico ou en núcleo rural de poboación, a cal deberá constituír a residencia habitual do/a mozo/a e estar situada na mesma comarca ou nunha comarca limítrofe á da explotación.

k) O resto de investimentos que figuran no anexo III.

2. De cara aos controis administrativos sobre a moderación dos custos, establecidos no artigo 24.2.d) do Regulamento (UE) nº 65/2011 da Comisión, do 27 de xaneiro, polo que se establecen disposicións de aplicación do Regulamento (CE) nº 1698/2005 no que respecta á aplicación dos procedementos de control e á condicionalidade en relación coas medidas de axuda ao desenvolvemento rural, os investimentos elixibles estarán modulados de acordo co anexo III. Ademais, en todos os casos o beneficiario deberá solicitar, como mínimo, tres ofertas de diferentes provedores, con carácter previo á contratación do compromiso para a prestación do servizo ou a entrega do ben, salvo que polas especiais características dos gastos subvencionables non exista no mercado suficiente número de empresas que o subministren ou presten. A escolla entre as ofertas presentadas realizarase de conformidade con criterios de eficiencia e economía, e deberá xustificarse expresamente nunha memoria a escolla cando non recaia na proposta máis vantaxosa economicamente.

3. Non se concederán axudas para os seguintes investimentos:

a) Os investimentos de simple sustitución, nin se considerarán subvencionables o IVE e outros impostos que sexan recuperables.

b) Gastos de conservación e mantemento ou os derivados de actividades de funcionamento da explotación.

c) Os gastos non subvencionables distintos dos anteriores, e aos cales fai referencia o artigo 3 do Real decreto 1852/2009, do 4 de decembro, polo que se establecen os criterios para subvencionar os gastos no marco dos programas de desenvolvemento rural cofinanciados polo Feader.

4. Respecto das condicións de elixibilidade da adquisición de bens mediante fórmulas de financiamento e pagamento que difiren a adquisición da plena propiedade do ben, terase en conta o seguinte:

a) Os bens deberán ser adquiridos polo beneficiario en propiedade. No caso de adquisición dos bens mediante fórmulas de financiamento que condicionen a adquisición da propiedade do ben a un momento posterior (contratos de financiamento de bens con reserva de dominio, leasing, etc.) só se consideran subvencionables sempre que os bens pasen a ser da propiedade plena do beneficiario antes da finalización do prazo de xustificación da axuda. En concreto, a adquisición de maquinaria e equipamento a través de operacións de arrendamento financeiro só será subvencionable se o contrato inclúe o compromiso de compra en que se prevexa que o beneficiario chegue a ser propietario da maquinaria ou equipamento de que se trate dentro do prazo límite de xustificación da axuda. O importe máximo subvencionable non superará o valor de mercado do activo arrendado.

b) En ningún caso serán subvencionables outros custos ligados ao contrato de arrendamento financeiro, tales como impostos, marxe do arrendador, custos de refinanciamento dos xuros, gastos xerais ou gastos de seguros.

c) Non serán subvencionables as adquisicións de bens no marco dun sistema de venda e arrendamento retroactivo (lease-back).

Artigo 10. Contía e tipo de axudas

A axuda á primeira instalación de agricultores/as mozos/as, dirixida a auxiliar gastos e investimentos derivados dela consistirá:

1. Nunha prima por explotación, nunha contía máxima de 20.000 euros que se poderá substituír, total ou parcialmente, por unha bonificación de xuro equivalente.

2. Nunha bonificación de xuros, que poderá aplicarse sobre o xuro preferente na súa totalidade, por un importe non superior a 20.000 euros dun préstamo formalizado no marco do convenio financeiro establecido entre a Consellería do Medio Rural e do Mar e as entidades financeiras, o importe do cal non poderá superar o 90 % do gasto total e será compatible coas axudas do número 1.

3. Na contía máxima das axudas expresadas anteriormente poderase incrementar nun 10 % nos seguintes casos:

a) Cando se xere na explotación, polo menos, 1 UTA asalariada adicional á do/a mozo/a que se instala.

b) Cando a explotación estea situada nas zonas desfavorecidas incluídas nas listas a que fan referencia os incisos i), ii) e iii) da alínea a) do artigo 36 do Regulamento (CE) nº 1698/2005 do Consello, do 20 de setembro de 2005.

4. Non obstante o establecido nos parágrafos anteriores, as axudas á primeira instalación non poderán superar os 48.000 euros nin o importe dos gastos e investimentos da instalación realizados.

5. Respecto dunha mesma explotación non poderá percibirse máis dunha prima por primeira instalación, durante o prazo dos cinco (5) anos seguintes á data da súa concesión. No caso de instalacións múltiples, as axudas distribuiranse en función do grao de participación de cada mozo/a no conxunto dos gastos e investimentos derivados das ditas instalacións. Exceptúanse desta regra as primeiras instalacións dos/as mozos/as mediante a súa integración como socios nunha entidade asociativa, que se outorgarán de forma íntegra a cada mozo/a solicitante, sempre que o volume de traballo na explotación asociativa requira unha UTA para cada mozo/a que se instale.

Artigo 11. Prazo de xustificación e acreditación da primeira instalación

1. O prazo de xustificación dos investimentos aprobados será, como máximo, ata o 1 de setembro de 2015. Non se concederán prórrogas para a ampliación do prazo de xustificación, nin se admitirán modificacións sobre os investimentos subvencionados.

2. A acreditación de que se produciu a primeira instalación, con carácter previo á percepción da axuda, efectuarase coa presentación:

a) Da documentación suficiente xustificativa da realización dos gastos de instalación aprobados.

b) Do documento de alta no réxime na actividade agraria da Seguridade Social que lle corresponda e o documento de alta no censo de actividades económicas da AEAT (declaración censual modelo 036 ou 037).

c) Da declaración do IRPF correspondente ao último período, se é o caso. Esta documentación só se ten que presentar no caso de que a persoa solicitante non autorice a súa consulta.

d) Dos documentos indicados nos artigos 7.1 letras k), l), n), o) e p) se non os presentou coa solicitude de axuda.

Artigo 12. Consentimentos e autorizacións

1. A tramitación do procedemento require a incorporación de datos en poder das administracións públicas. Polo tanto, os modelos de solicitude incluirán autorizacións expresas ao órgano xestor para realizar as comprobacións oportunas que acrediten a veracidade dos datos. No caso de que non se autorice o órgano xestor para realizar esta operación, deberán achegarse os documentos comprobantes dos datos, nos termos exixidos polas normas reguladoras do procedemento.

2. A presentación da solicitude de axuda pola persoa interesada ou representante comportará a autorización ao órgano xestor da consellería con competencia en materia agraria para solicitar as certificacións que deban emitir a Axencia Estatal da Administración Tributaria, a Tesouraría Xeral da Seguridade Social e a Consellería de Facenda e Administracións Públicas. Non obstante, a persoa solicitante ou representante poderá denegar expresamente o consentimento; neste caso deberá presentar a certificación nos termos previstos regulamentariamente.

Estas certificacións son:

a) No caso da Axencia Estatal da Administración Tributaria: certificado de estar ao día no cumprimento das obrigas tributarias previamente á aprobación e pagamento da axuda concedida, e certificado de ingresos agrarios nas declaracións do IRPF dos últimos cinco anos presentadas pola persoa solicitante durante todo o período de compromisos establecido no artigo 4.2.a).

b) No caso da Tesouraría Xeral da Seguridade Social: certificado de estar ao día no cumprimento das obrigas previamente á aprobación e pagamento da axuda concedida, e informe de vida laboral actualizado durante todo o período de compromisos.

c) No caso da Consellería de Facenda e Administracións Públicas: certificado de estar ao día no cumprimento das obrigas previamente á aprobación e pagamento da axuda concedida.

4. De conformidade co artigo 13.4 da Lei 4/2006, do 30 de xuño, de transparencia e de boas prácticas na Administración pública galega, e co previsto no Decreto 132/2006, do 27 de xullo, polo que se regulan os rexistros públicos creados nos artigos 44 e 45 da Lei 7/2005, do 29 de decembro, de orzamentos xerais da Comunidade Autónoma de Galicia para o ano 2006, a consellería publicará na súa páxina web oficial a relación das persoas beneficiarias e o importe das axudas concedidas. Incluirá, igualmente, as referidas axudas e as sancións que, como consecuencia delas, se poidan impoñer nos correspondentes rexistros públicos, polo que a presentación da solicitude leva implícita a autorización para o tratamento necesario dos datos das persoas beneficiarias e a referida publicidade.

Artigo 13. Criterios de prioridade para as axudas á primeira instalación

1. Establécense os seguintes criterios de prioridade:

a) Instalación do/a mozo/a mediante a modalidade 1: 5 puntos.

b) Instalación nunha explotación ecolóxica: 4 puntos.

c) Situación da explotación nun concello de montaña: 3 puntos.

d) Instalación do/a mozo/a mediante as modalidades 2 e 3: 2 puntos.

2. No caso de empate en puntos priorizaranse as primeiras instalacións ligadas á modalidade 1, e se o empate continúa priorizaranse as situacións na orde indicada neste punto.

Artigo 14. Tramitación e resolución

1. O órgano responsable da instrución dos expedientes destas axudas será a Dirección Xeral de Produción Agropecuaria. A resolución do procedemento corresponderá ao secretario xeral de Medio Rural e Montes, por delegación da conselleira do Medio Rural e do Mar, por proposta da Dirección Xeral de Produción Agropecuaria, logo da avaliación das solicitudes polo órgano colexiado, que estará presidido polo subdirector xeral de Explotacións Agrarias, e integrado por tres funcionarios desa mesma subdirección xeral con categoría non inferior a xefe de negociado, un dos cales actuará como secretario. Posteriormente serán notificadas as persoas interesadas e, de ser o caso, a entidade financeira correspondente, segundo o previsto na normativa vixente e nos convenios establecidos ou que se establezan entre a Consellería do Medio Rural e do Mar e as entidades financeiras.

2. O prazo para resolver e notificar as subvencións será de catro (4) meses desde a publicación desta orde. Se transcorre o citado prazo máximo sen se ditar resolución expresa por parte do órgano competente, as persoas interesadas poderán entender desestimadas as súas solicitudes, para os efectos da interposición dos correspondentes recursos potestativos de reposición e contencioso-administrativo.

3. Na resolución aprobatoria indicarase o prazo de execución dos investimentos aprobados, así como que a operación é cofinanciada polo Feader, dentro do eixe prioritario 1, de mellora da competitividade do sector agrario e forestal de Galicia.

4. Nos casos de anulación ou minoración por certificación final das cantidades inicialmente aprobadas, as dotacións orzamentarias resultantes poderán ser adxudicadas a outros peticionarios de acordo coa relación de prioridades e coa orde establecida.

Artigo 15. Solicitude de pagamento e xustificación dos investimentos aprobados

1. Só serán subvencionables os investimentos que se realicen e que se xustifique o seu gasto e pagamento con posterioridade á data de presentación da solicitude de axuda, agás no caso de que a instalación se realice segundo o indicado no artigo 6.1, e tamén no caso dos gastos anteriores a esas datas establecidos no punto 16 do artigo 3 do Real decreto 1852/2009 e ata a data límite de realización dos investimentos, sempre e cando recaia resolución aprobatoria da axuda sobre os ditos investimentos.

2. Unha vez realizados os investimentos ou gastos previstos, e cumpridos, de ser o caso, os compromisos adquiridos, as persoas interesadas deberán comunicarllo, preferentemente por escrito, ás oficinas agrarias comarcais, ata a data de remate do prazo concedido para a execución, presentando tamén a documentación e os xustificantes dos investimentos efectuados, en que se incluirán os correspondentes ao gasto e pagamento destes. Esta comunicación terá a consideración de solicitude de pagamento, para os efectos do Regulamento (UE) nº 65/2011 da Comisión.

3. Cando se trate de investimentos en maquinaria, ademais da factura, achegarase xustificante da inscrición no Rexistro de Maquinaria Agrícola. No caso de maquinaria arrastrada, presentarase a documentación de matriculación.

4. Cando entre os gastos elixibles figure o concepto de achega económica do/a mozo/a a unha entidade asociativa, a xustificación do gasto poderá realizarse mediante a acreditación correspondente da achega en diñeiro do/a mozo/a á entidade xunto á acreditación do gasto realmente efectuado pola sociedade nos ditos investimentos.

5. Unha vez presentada a solicitude de pagamento dos investimentos, o persoal técnico das oficinas agrarias comarcais, dos servizos provinciais de Explotacións Agrarias ou outro designado pola Dirección Xeral de Produción Agropecuaria, realizará os correspondentes controis administrativos previos ao pagamento das axudas.

6. Se no control administrativo sobre as UTA da explotación na solicitude de pagamento se comproba que o número desas UTA é menor que o que figura na aprobación do expediente na situación prevista, suporá un incumprimento dos compromisos da aprobación e levará como consecuencia a perda do dereito á axuda. Así mesmo, nese control verificarase se o beneficiario mantén as circunstancias tidas en conta para a aplicación dos criterios de puntuación na concorrencia competitiva; no caso de que non as manteña levará como consecuencia a perda do dereito á axuda.

7. Transcorrido o prazo establecido de xustificación sen se ter presentado a solicitude de pagamento, requirirase o beneficiario para que a presente no prazo improrrogable de dez (10) días. A falta de presentación da solicitude no prazo establecido neste parágrafo comportará a perda do dereito ao cobramento total ou parcial da subvención, a exixencia do reintegro das cantidades percibidas e poderá supor a apertura dun expediente sancionador segundo se establece na Lei de subvencións de Galicia. A presentación da xustificación no prazo adicional establecido neste parágrafo non eximirá o beneficiario das sancións que, conforme a lei, correspondan.

8. Antes do pagamento das axudas, as persoas beneficiarias deberán acreditar de novo a xustificación de estaren ao día nas súas obrigas fiscais e coa Seguridade Social e de que non teñen ningunha débeda pendente de pagamento coa Administración da Comunidade Autónoma.

9. Ademais deberán presentar unha declaración do beneficiario sobre outras axudas concedidas e/ou solicitadas para os mesmos investimentos, segundo o modelo normalizado do anexo II.

10. Os investimentos realizados, no caso de variación sobre os aprobados, deben garantir suficientemente que se cumpre o obxectivo de mellora perseguido no momento da solicitude. De non ser así, poderase iniciar o procedemento de revogación da aprobación da solicitude.

11. Nos casos en que a persoa beneficiaria non execute na súa totalidade os investimentos para os cales ten concedidas axudas ou se produzan desviacións substanciais entre o investimento realizado e aprobado, deberá indicar na solicitude de pagamento os investimentos polos que a solicita, recalculándose a axuda segundo corresponda á redución do investimento.

12. Durante os cinco (5) anos seguintes á solicitude de pagamento, os investimentos subvencionados non deberán sufrir ningunha modificación importante que afecte a súa natureza ou as súas condicións de execución, ou que resulte, ben dun cambio na natureza do réxime de propiedade dunha determinada infraestrutura, ben da interrupción ou do cambio de localización dunha actividade produtiva.

O incumprimento da obriga de destino referido anteriormente, que se producirá, en todo caso, co alleamento ou o gravame do ben, será causa de reintegro, quedando o ben afecto ao pagamento do reintegro, calquera que for o seu posuidor, agás o referido no artigo 29.4º.b) da Lei 9/2007, do 13 de xuño, de subvencións de Galicia.

Non se considerará incumprida a obriga de destino referida no anterior punto cando:

a) Tratándose de bens non inscritibles nun rexistro público, fosen substituídos por outros que sirvan en condicións análogas ao fin para o cal se concedeu a subvención e este uso se manteña ata completar o período establecido, sempre que a substitución sexa autorizada pola Dirección Xeral de Produción Agropecuaria.

b) Tratándose de bens inscritibles nun rexistro público, o cambio de destino, alleamento ou gravame sexa autorizado pola Dirección Xeral de Produción Agropecuaria. Neste suposto, o adquirente asumirá a obriga de destino dos bens polo período restante e, no suposto de incumprimento desta, do reintegro da subvención.

Artigo 16. Xustificantes do gasto dos investimentos

1. Os xustificantes do gasto consistirán, de forma xeral, nas facturas orixinais acreditativas dos investimentos, que cumpran as exixencias que establece a Axencia Tributaria (Real decreto 1619/2012, do 30 de novembro).

2. No caso de presentar fotocopias das facturas, achegará tamén os orixinais para seren dilixenciados pola Administración, co texto «cofinanciado con Fondos Comunitarios».

3. As facturas deberán cumprir, como mínimo, os seguintes requisitos:

a) Número e, se é o caso, serie.

b) A data da súa expedición.

c) Nome e apelidos, razón ou denominación social completa, tanto do obrigado a expedir factura como do destinatario das operacións.

d) Número de identificación fiscal atribuído pola Administración española ou, se é o caso, pola doutro Estado membro da Comunidade Europea, co que realizara a operación o obrigado a expedir a factura.

e) Domicilio, tanto do obrigado a expedir factura como do destinatario das operacións.

f) Descrición das operacións, consignándose todos os datos necesarios para a determinación da base impoñible do imposto, correspondente a aquelas, e o seu importe, incluíndo o prezo unitario sen imposto das ditas operacións, así como calquera desconto ou rebaixa que non estea incluído no devandito prezo unitario.

g) O tipo impositivo ou tipos impositivos, se é o caso, aplicados ás operacións.

h) A cota tributaria que, se é o caso, lle repercuta, deberá consignarse por separado.

i) A data en que se efectuasen as operacións que se documentan sempre que se trate dunha data distinta á de expedición da factura.

j) No caso de que unha operación estea exenta ou non suxeita ao IVE, especificarase o artigo da normativa referida ao IVE que si o recoñece.

k) Con carácter xeral, só se considerará subvencionable a base impoñible que figure na factura, salvo que se trate dunha entidade non suxeita, exenta de IVE ou suxeita á regra de pro rata; nestes casos, deberá xuntarse a documentación xustificativa desta circunstancia (declaración de non suxeición ou exención de IVE emitida pola AEAT e, no caso de aplicación da regra de pro rata, o modelo 390 de declaración resumo anual IVE correspondente ao último exercicio en que figure a porcentaxe de dedución ou pro rata).

l) Non se admitirán como xustificantes de gasto albarás, notas de entrega, facturas pro forma, tíckets cando sexa obrigatoria a expedición de factura, nin as facturas que non conteñan todos os requisitos citados para a súa consideración como tal ou cuxa data non se axuste aos prazos citados.

m) Unha partida do orzamento auxiliable poderá xustificarse mediante unha ou varias facturas relativas aos conceptos de gasto incluídos na dita partida, sempre que a dita partida admita a desagregación en distintos conceptos.

4. O xustificante do pagamento de facturas realizarase mediante a presentación de orixinal e copia, para a súa compulsa e selado, dalgún dos documentos que se relacionan a seguir:

a) Como regra xeral, presentarase a factura definitiva e o xustificante bancario do pagamento polo beneficiario (xustificante de transferencia bancaria, xustificante bancario de ingreso de efectivo na entidade, certificación bancaria, etc.), en que conste o número da factura obxecto de pagamento, a identificación do beneficiario que paga e do destinatario do pagamento, que deberá coincidir coa persoa, empresa ou entidade que emitiu a factura. No caso de que o xustificante bancario sexa transferencia bancaria deberá ser orixinal ou copia cotexada, e estará selado pola entidade bancaria.

b) Se o pagamento se instrumenta mediante efectos mercantís que permitan o pagamento aprazado (cheque, obriga de pagamento, letra de cambio, etc.) achegarase a factura xunto coa copia do efecto mercantil, xunto coa documentación bancaria (extracto da conta do beneficiario, documento bancario acreditativo do pagamento do efecto, etc.) en que conste claramente que o dito efecto foi efectivamente cargado na conta do beneficiario dentro do prazo de xustificación.

c) No caso de que un xustificante de pagamento inclúa varias facturas imputadas ao proxecto, deberán identificarse no documento do pagamento as facturas obxecto do mesmo.

d) No caso dunha factura cuxo pagamento se xustifique mediante varios documentos de pagamento, cada un destes deberá facer referencia á factura a que se imputa o pagamento, e xuntarase unha relación de todos os documentos de pagamento e importes acreditativos do pagamento desa factura.

e) No caso de facturas pagadas conxuntamente con outras non referidas ao proxecto, deberá identificarse claramente no documento de pagamento a factura ou facturas cuxo pagamento se imputa ao proxecto.

f) No caso de facturas en moeda estranxeira, deben xuntarse os documentos bancarios de cargo en que conste o cambio utilizado.

Artigo 17. Seguimento e control da concorrencia e acumulación de axudas

1. Estas axudas son incompatibles con calquera outra axuda.

2. As persoas solicitantes das axudas previstas nesta orde xuntarán, coa solicitude inicial, unha declaración do conxunto de todas as solicitudes de axuda efectuadas ou concedidas para o mesmo proxecto polas distintas administracións públicas.

3. Así mesmo, coa xustificación da execución total do proxecto e, en todo caso, antes do pagamento final, presentarán unha declaración complementaria do conxunto das axudas solicitadas, tanto das aprobadas ou concedidas como das pendentes de resolución, para o mesmo proxecto, das distintas administracións públicas competentes ou de calquera dos seus organismos, entes ou sociedades.

Artigo 18. Obriga de facilitar información

Ademais da documentación complementaria que, durante a tramitación do procedemento, lle poidan exixir os órganos competentes da Consellería do Medio Rural e do Mar, as persoas beneficiarias das axudas teñen a obriga de facilitar toda a información que lles sexa requirida pola Intervención Xeral da Comunidade Autónoma, polo Tribunal de Contas, ou polo Consello de Contas, no exercicio das súas funcións de fiscalización e control do destino das axudas públicas, así como as que lles sexan solicitadas por calquera órgano comunitario de inspección ou control.

Artigo 19. Modificación da resolución de concesión

1. Toda alteración das condicións tidas en conta para a concesión das axudas previstas nesta orde e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión, sempre que non exceda o prazo establecido para a realización da actividade.

2. Para a modificación da resolución non poderán ser tidos en conta requisitos ou circunstancias que debendo concorrer no momento en que se ditou a resolución tiveron lugar con posterioridade a ela.

3. A Consellería poderá rectificar de oficio a resolución cando dos elementos que figuren nela se deduza a existencia dun erro material, de feito ou aritmético.

Artigo 20. Reintegro das axudas

1. Procederá o reintegro total ou parcial do importe da axuda máis os xuros de demora producidos desde o pagamento, no suposto de incumprimento das condicións establecidas para a súa concesión e, en todo caso, nos supostos previstos na Lei 9/2007, do 13 de xuño, de subvencións de Galicia, e no Decreto 11/2009 que a desenvolve, tendo en conta as excepcións contidas. Os xuros de mora calcularanse en función do tempo transcorrido entre a finalización do prazo de pagamento para o beneficiario indicado na orde de recuperación, que non poderá fixarse en máis de 60 días, e a data de reembolso ou dedución.

Procederá o reintegro nas seguintes circunstancias:

a) Obtención da subvención falseando as condicións requiridas para iso ou ocultando aquelas que o impedirían.

b) Incumprimento total ou parcial do obxectivo, da actividade ou do proxecto ou non adopción do comportamento que fundamenta a concesión da subvención.

c) Incumprimento da obriga de xustificación ou a xustificación insuficiente dos gastos xustificativos dos investimentos subvencionados.

d) Incumprimento da obriga de adoptar as medidas de difusión contidas na lei.

e) Resistencia, escusa, obstrución ou negativa ás actuacións de comprobación e control financeiro, así como o incumprimento das obrigas contables, rexistrais ou de conservación de documentos cando diso derive a imposibilidade de verificar o emprego dado aos fondos percibidos, o cumprimento do obxectivo, a realidade e regularidade das actividades subvencionadas, ou a concorrencia de subvencións, axudas, ingresos ou recursos para a mesma finalidade, procedentes de calquera administración ou entes públicos ou privados, estatais, da Unión Europea ou de organismos internacionais.

f) Incumprimento das obrigas impostas aos beneficiarios, así como dos compromisos por estes asumidos, con motivo da concesión da subvención, sempre que afecten ou se refiran ao modo en que se conseguen os obxectivos, se realiza a actividade, se executa o proxecto ou se adopta o comportamento que fundamenta a concesión da subvención.

g) Incumprimento das obrigas aos beneficiarios, así como dos compromisos por estes asumidos, con motivo da concesión da subvención, distintos dos anteriores, cando diso derive a imposibilidade de verificar o emprego dado aos fondos percibidos, o cumprimento do obxectivo, a realidade e regularidade das actividades subvencionadas ou a concorrencia de subvencións, axudas, ingresos ou recursos para a mesma finalidade, procedentes de calquera administración ou entes públicos ou privados, estatais, da Unión Europea ou de organismos internacionais.

2. Non procederá o reintegro das axudas percibidas cando o incumprimento dalgún dos requisitos exixidos ao beneficiario sexa debido a algunha das seguintes causas de forza maior:

a) Falecemento do beneficiario.

b) Longa incapacidade profesional da persoa beneficiaria.

c) Expropiación dunha parte importante da explotación, se esta expropiación non era previsible o día en que se subscribiu o compromiso.

d) Catástrofe natural grave que afecte considerablemente as terras da explotación.

e) Destrución accidental dos edificios para o gando da explotación.

f) Epizootia que afecte a totalidade ou unha parte do gando do/a produtor/a.

A persoa beneficiaria ou o seu habente causa notificará por escrito á Secretaría Xeral de Medio Rural e Montes os casos de forza maior ou as circunstancias excepcionais, presentando as probas suficientes no prazo dos dez días hábiles seguintes á data en que a persoa beneficiaria ou o seu habente causa estea en condicións de facelo.

3. Segundo se establece no artigo 44 do Regulamento 1974/2006 cando, durante o período de compromiso contraído como condición para a concesión dunha axuda, a persoa beneficiaria transfira a súa explotación a outra persoa que cumpra os requisitos exixidos, esta poderá asumir o compromiso e subrogarse en compromisos e obrigas, durante a parte restante do devandito período. De non asumirse o compromiso, a persoa beneficiaria estará obrigada a reembolsar as axudas percibidas. Segundo o dito artigo 44 do Regulamento 1974/2006 poderase non exixir o reembolso se, no caso de cesamento definitivo das actividades agrarias por parte dunha persoa beneficiaria que cumprise unha parte significativa do compromiso, a asunción do compromiso polo/a sucesor/a non resulta factible.

Artigo 21. Recursos administrativos

As resolucións expresas ou presuntas dos expedientes tramitados en aplicación desta orde ou na respectiva orde de convocatoria esgotan a vía administrativa e contra elas cabe interpoñer os seguintes recursos:

1. Potestativamente, recurso de reposición ante a conselleira do Medio Rural e do Mar, no prazo dun mes, contado a partir do día seguinte ao da súa notificación, ou de tres meses, contados a partir do día seguinte a aquel en que se produza o acto presunto, segundo os casos, de conformidade co establecido nos artigos 107, 116 e 117 da Lei 30/1992, segundo a redacción dada pola Lei 4/1999.

2. Directamente, recurso contencioso-administrativo ante o órgano xurisdicional contencioso-administrativo competente, no prazo de dous (2) meses, contados a partir do día seguinte ao da súa notificación, se é expresa.

Artigo 22. Medidas informativas e publicitarias das axudas cofinanciadas polo Feader

1. Nos instrumentos de información e difusión que utilice a Consellaría do Medio Rural e do Mar farase constar que, á marxe doutras fontes de financiamento público, concorre o financiamento con fondos Feader, e informaranse tamén os beneficiarios do eixe prioritario do programa de desenvolvemento rural en que están incluídas estas axudas.

2. Conforme o establecido no artigo 58 e no anexo VI do Regulamento (CE) nº 1974/2006, o beneficiario das axudas deberá cumprir coa normativa sobre información e publicidade das axudas do Feader indicadas no anexo VI do referido regulamento. En particular, no caso de investimentos subvencionados cun custo total superior a 50.000 €, o beneficiario deberá colocar unha placa, no cal figurará unha descrición do proxecto, así como a bandeira europea e o lema Feader: «Europa inviste no rural».

3. Así mesmo, neste senso deberase tamén cumprir o establecido no Decreto 409/2009, do 5 de novembro, polo que se aproba o uso dos elementos básicos da identidade corporativa da Xunta de Galicia.

Artigo 23. Controis, reducións, exclusións e sancións

1. A Dirección Xeral de Produción Agropecuaria será a responsable de efectuar os seguintes controis en aplicación do Regulamento (UE) nº 65/2011 da Comisión:

a) En todos os casos:

– Control administrativo sobre o 100 % das solicitudes de axuda e de pagamento. As solicitudes de axuda que superen este control serán propostas para aprobación polos servizos provinciais de Explotacións Agrarias. De entre elas seleccionaranse por concorrencia competitiva as que serán aprobadas. Por outra banda, se no caso de que no control administrativo da solicitude de pagamento se detectan discrepancias co solicitado polo beneficiario, logo do requirimento a este para que confirme ou emende a súa solicitude, aplicarase o réxime de reducións e exclusións establecido no número 2 deste artigo, e recollido no artigo 30 do Regulamento (UE) nº 65/2011 da Comisión, do 27 de xaneiro, polo que se establecen disposicións de aplicación do Regulamento (CE) nº 1698/2005 no que respecta á aplicación dos procedementos de control e a condicionalidade en relación coas medidas de axuda ao desenvolvemento rural.

– Control administrativo sobre o 100 % das solicitudes de pagamento. As solicitudes de pagamento que superen este control serán propostas para o pagamento.

– Control sobre o terreo sobre unha porcentaxe das solicitudes de pago que superasen o control administrativo da solicitude de pago.

– Control a posteriori sobre unha porcentaxe dos expedientes xa pagados e que estean dentro do período de cumprimento de compromisos.

b) A maiores dos anteriores comprobarase o cumprimento do plan empresarial sobre unha porcentaxe dos expedientes xa pagados e que estean dentro do período de compromisos.

2. Os pagamentos calcularanse sobre a base do que se considera elixible, tras determinar:

a) O importe que se pode conceder ao beneficiario en función da solicitude de pagamento. Para tal efecto, tomarase en consideración a suma dos importes de gastos que o beneficiario presenta como xustificación da operación aprobada.

b) O importe que se pode conceder ao beneficiario logo de controlar a elixibilidade dos gastos que o beneficiario presenta como xustificación da operación aprobada.

A cantidade para pagar ao beneficiario será a definida no importe b) cando o importe a) supera o importe b) en máis dun 3 %, a cantidade pagadoira é igual ao importe b) menos a diferenza entre os dous importes. Esta redución non se aplicará cando o beneficiario poida demostrar que non é responsable da inclusión do importe non elixible.

As reducións prescritas aplicaranse igualmente sobre os gastos non elixibles identificados nos controis sobre o terreo, cando son posteriores ao pagamento, e nos controis a posteriori.

3. Cando se determine intencionalidade na presentación dunha declaración falsa, o beneficiario quedará excluído da axuda Feader en cuestión e do resto das axudas vinculadas á medida durante o exercicio Feader de que se trate e os dous seguintes. Ademais, recuperaranse os importes aboados pola operación ata ese momento, no caso de ter pagamentos parciais.

4. Así mesmo, será aplicable o réxime de infraccións e sancións en materia de subvencións previsto na Lei 9/2007. Todo o anterior é sen prexuízo das sancións a que poida dar lugar a aplicación da lexislación vixente en materia de axudas.

Artigo 24. Datos de carácter persoal

De conformidade coa Lei orgánica 15/1999, do 13 decembro, de protección de datos de carácter persoal, os datos persoais recollidos na tramitación desta disposición, cuxo tratamento e publicación autorízanas persoas interesadas mediante a presentación das declaracións responsables, serán incluídos nun ficheiro denominado «Relacións administrativas coa cidadanía e entidades» cuxo obxecto é xestionar o presente procedemento, así como o de informar as persoas interesadas sobre o seu desenvolvemento. O órgano responsable deste ficheiro é a Secretaría Xeral Técnica da Consellería do Medio Rural e do Mar. Os dereitos de acceso, rectificación, cancelación e oposición poderanse exercer ante a Secretaría Xeral Técnica da Consellería do Medio Rural e do Mar, mediante o envío dunha comunicación ao seguinte enderezo:

Consellería do Medio Rural e do Mar/Secretaría Xeral Técnica

Edificio Administrativo San Caetano

San Caetano, s/n

15781 Santiago de Compostela (A Coruña)

Ou a través dun correo electrónico a secretariaxeraltecnica.cmrm@xunta.es

Capítulo II
Convocatoria 2015

Artigo 25. Convocatoria

Convócanse para o exercicio orzamentario 2015 as axudas establecidas por esta orde. As solicitudes, documentación, condicións e procedemento de xestión das axudas serán as establecidas, con carácter xeral, nesta orde.

Artigo 26. Prazo

O prazo de presentación de solicitudes será dun mes, desde o día seguinte ao da súa publicación no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo fose inhábil entenderase prorrogado ao primeiro día hábil seguinte e, se no mes de vencemento non houber día equivalente ao inicial do cómputo, entenderase que o prazo expira o último día do mes.

Artigo 27. Financiamento das axudas

1. O financiamento das axudas recollidas na presente orde, cofinanciadas con fondos Feader nunha porcentaxe do 75 %, efectuarase con cargo á seguinte aplicación orzamentarias dos orzamentos da Comunidade Autónoma de Galicia:

12.22.712B 772.0 (CP 2007 00400) na cal existe crédito adecuado para o ano 2015, de cinco millóns (5.000.000) de euros. A dita aplicación orzamentaria poderá incrementarse con fondos adicionais, comunitarios, estatais e da Comunidade Autónoma.

2. A cantidade do punto anterior correspóndense cos compromisos dos expedientes a aprobar nesta convocatoria. Estes gastos serán comunicados á Comisión Europea no período establecido pola programación dos fondos Feader. En todo caso, os compromisos adaptaranse ao período de subvencionalidade establecido na Decisión que aproba o PDR Galicia 2007-2013, Decisión CE (2008) 703, do 15 de febreiro, modificada pola Decisión C (2010) 1227, do 5 de marzo de 2010.

3. Esta orde tramítase conforme o establecido no artigo 25 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, pola que se regula a tramitación anticipada de expedientes de gasto, polo que queda condicionada a súa eficacia á existencia de crédito axeitado e suficiente nos orzamentos da Comunidade Autónoma de Galicia para o vindeiro ano 2015, aprobados polo Consello da Xunta de Galicia.

Disposición adicional primeira. Normativa subsidiaria

En todo o non recollido nesta orde aplicarase o disposto na Lei 9/2007, do 13 xuño, de subvencións de Galicia, e no Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, así como o establecido no Programa de desenvolvemento rural de Galicia 2007-2013 e no Regulamento (CE) nº 1698/2005, do 25 de setembro, relativo á axuda ao desenvolvemento rural a través do Feader, e nos regulamentos que o desenvolven, así como tamén no Real decreto 1852/2009, de 4 de decembro polo que se establecen os criterios para subvencionar os gastos no marco dos programas de desenvolvemento rural cofinanciados polo Fondo Europeo Agrícola de Desenvolvemento Rural (Feader), así como na Lei 19/1995, de modernización das explotacións agrarias, do 4 de xullo, e na Lei 35/2011, sobre titularidade compartida das explotacións agrarias, do 4 de outubro.

Disposición adicional segunda. Documentación en poder da Administración

Os documentos exixidos nesta convocatoria e que figuren nos diferentes rexistros da Consellería do Medio Rural e do Mar ou na súa base de datos, non será necesario que os presente a persoa solicitante, serán obtidos directamente pola unidade tramitadora do expediente, entre outros, folla de saneamento gandeiro, cota láctea, dereitos de prima, axudas do pagamento único, declaración de superficie, cualificación da explotación como prioritaria ou como ecolóxica. Así mesmo, terase en conta o que establece a Orde da Consellería de Presidencia, Administracións Públicas e Xustiza do 12 de xaneiro de 2012 (DOG núm. 10, do 16 de xaneiro), pola que se regula a habilitación de procedementos administrativos e servizos na Administración xeral e no sector público autonómico.

Disposición derradeira primeira

O cálculo da RUT ao que se fai referencia na orde determinarase tendo en conta as marxes brutas e netas que figuran no anexo IV da Orde do 6 de novembro de 2014, pola que se establecen disposicións de xestión do Rexistro de Explotacións Agrarias de Galicia regulado polo Decreto 200/2012, do 4 de outubro, para a acreditación anual das explotacións agrarias prioritarias inscritas no Rexistro de Explotacións Agrarias de Galicia (DOG núm. 221, do 18 de novembro de 2014).

Disposición derradeira segunda

Facúltase a directora xeral de Produción Agropecuaria para ditar as instrucións necesarias para a aplicación desta orde, as cales serán publicadas na web da Consellería do Medio Rural e do Mar.

Disposición derradeira terceira

Esta orde terá efectos o día seguinte ao da súa publicación no Diario Oficial de Galicia.

Santiago de Compostela, 30 de decembro de 2014

P.A. (Decreto 161/2014, do 26 de decembro; DOG núm 249, do 30 de decembro)
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza

Anexo III

1. Gastos de primeira instalación.

Clave

Descrición

Módulo

4414

Ud. vaca carne 18 meses-6 anos

1200

4415

Ud. vaca leite 18 meses-3 anos

1200

4515

Ud. ovino/cabra 6 meses-6 anos

120

4310

Ud. enxames

20

120

1ª anualidade de arre. terra

-

170

Achega económica á entidade xurídica

-

160

Mellora de vivenda

-

150

Adquisición/construción vivenda

-

140

Indemnización a coherdeiros

-

130

Gastos notariais-rexistro

-

110

Gastos diversos 1ª instalación

-

Clave 4515, ud. ovino/cabra 6 meses-6 anos. Deben ser animais para recría co sexto mes de vida cumprido e sen cumprir os 6 anos.

Clave 4414, ud. vaca carne 18 meses-6 anos. Deben ser animais co 18º mes de vida cumprido e sen cumprir o 72º mes (sen cumprir os seis anos).

Clave 4415, ud. vaca leite 18 meses-3 anos. Deben ser animais co 18º mes de vida cumprido e sen cumprir o 36º mes (sen cumprir os tres anos).

Clave 4850, ud. colmea.

Clave 0110 gastos diversos 1ª instalación: os investimentos que se poden incluír na clave 0110 serán:

– Gastos de permisos, licenzas e autorizacións administrativas orixinados pola instalación do beneficiario.

– Adquisición de dereitos de produción e dereitos a prima de carácter individual e transferible conforme a normativa vixente de carácter sectorial que resulte de aplicación.

– Custos de avais dos préstamos de primeira instalación.

– Tamén se poderán incluír neste módulo as instalacións de apicultura, que se calcularán usando os módulos xa definidos de enxame e colmea, así como un máximo para maquinaria apícola (centrifuga, tanque decantador...) de 60 € por colmea rexistrada.

2. Implantación cultivos.

Clave

Descrición

Módulo

Acolchados para horta ou para flor

7220

m2 acolchado flor

1,2

Acolchados para horta ou para flor

7120

m2 acolchado horta

1,2

Implantación de plantas ornamentais

7430

m2 implantación outras ornamentais

10

Implantación de plantas ornamentais

7420

m2 implantación roseira

18

Implantación de plantas ornamentais

7410

m2 implantación caravel

9,9

Implantación de plantas ornamentais

7440

m2 implantación xerbera

14

Invernadoiros

7241

Invernadoiro m-túnel policarb. 4 m

40

Invernadoiros

7240

m2 invernadoiro pol. vidro flor

60

Invernadoiros

7233

m2 invernadoiro madeira flor

5,5

Invernadoiros

7232

m2 invernadoiro multit. flor

21

Invernadoiros

7140

m2 invernadoiro pol-vidro horta

60

Invernadoiros

7210

m2 túnel sem-circ.flor

16

Invernadoiros

7132

m2 invernadoiros multit. horta

21

Invernadoiros

7131

m2 invernadoiros pol.-adit. horta

19

Invernadoiros

7110

m2 túnel semicir. horta

16

Invernadoiros

7231

m2 invernadoiro pol.-adit. flor

19

Invernadoiros

7133

m2 invernadoiro madeira horta

5,5

Plantación de froiteiras

7343

ha imp. amorodo tec.-alta

14082

Plantación de froiteiras

7341

ha. imp. amorodo tec.-baixa

9626

Plantación de froiteiras

2660

ha kiwi

28917

Plantación de froiteiras

2681

Oliveira produción intensiva

7500

Plantación de froiteiras

2680

ha outros cultivos froita

6286,6

Plantación de froiteiras

2682

Oliveira produción extensiva

4000

Plantación de froiteiras

7342

ha imp. amorodo tec.-media

11107

Umbráculos

7250

m2 umbráculos

6

Incluirase na clave 2682 Oliveira produción extensiva unha plantación de ata 408 plantas por hectárea, cunha previsión de rareo que dea lugar a un marco de 7 × 7 e 204 plantas por hectárea.

As plantacións cun marco superior a 408 plantas por hectárea se consideran intensivas.

3. Instalacións de aforro de auga.

Clave

Descrición

Módulo

Bomba de auga

8170

Ud. bomba de auga

1500

Conducións xerais

1330

ml conducións xerais

20

Depósito de auga

9523

Ud. depósito de auga

2000

Estanque ou balsa

1323

m3 balsa formigón

48

Estanque ou balsa

1321

m3 balsa metálica

27

Estanque ou balsa

1322

m3 balsa pvc

11

Pozos

1310

ml pozo de barrena

50

Pozos

1311

m3 pozo artesán

66

Saneamentos e drenaxes

1410

ha saneamento-drenaxe

4430

Sistemas de rega

1120

ha rego aspersión

6611

Sistemas de rega

9524

Ud.aAutomatización rega

2000

Sistemas de rega

1130

ha rega localizada

11900

Sistemas de rega

1140

ha outros sistemas de rega

2644

4. Instalacións de muxidura.

Clave

Descrición

Módulo

Equipamentos de muxidura

8106

Maquinaria muxidura vacún

(páx. 22)

Tanque refrixeración

8115

Ud. tanque refrixeración>10.000 l

32000

Tanque refrixeración

8114

Ud. tanque refrixeración>6.000-10.000 l

25000

Tanque refrixeración

8113

Ud. tanque refrixeración>4.000-6.000 l

19000

Tanque refrixeración

8111

Ud. tanque refrixeración<2.500 l

11000

Tanque refrixeración

8112

Ud. tanque refrixeración 2.500-4.000 l

14000

5. Investimentos incremento superficie forraxeira.

Clave

Descrición

Módulo

Cercas e mallas

6329

m cerca de 2 fíos

2,5

Cercas e mallas

6343

ml cerca min. 4 fíos

4

Cercas e mallas

6344

m cerca ou malla móbil electrificada

2,5

Cercas e mallas

6341

ml malla porco celta

14

Cercas e mallas

6333

m cerca con malla

5,6

Cercas e mallas

6342

Poste móbil para pastor

1,5

Implantación de pradarías con e sen retirada de tocos

7313

ha pradaría retirada de tocos

1500

Implantación de pradarías con e sen retirada de tocos

1420

ha nivelación terras

500

Implantación de pradarías con e sen retirada de tocos

7314

ha pradaría sen retirada de tocos

810

Pastor eléctrico

9526

Ud. pastor eléctrico

250

6. Maquinaria agrícola.

Clave

Descrición

Módulo

Tractores, maquinaria e apeiros agrícolas

8093

Ud. pa tractor

4000

Tractores, maquinaria e apeiros agrícolas

8092

Ud. arrincadora patacas

3000

Tractores, maquinaria e apeiros agrícolas

8091

Ud. colleitadora patacas

25000

Tractores, maquinaria e apeiros agrícolas

8089

Ud. concintadora rotoempacadora

8000

Tractores, maquinaria e apeiros agrícolas

8088

Ud. rotoempacadora

15000

Tractores, maquinaria e apeiros agrícolas

8087

Ud. colleitadora forraxes

2000

Tractores, maquinaria e apeiros agrícolas

8094

Ud. carga rotopacas

900

Tractores, maquinaria e apeiros agrícolas

8084

Ud. desensiladora

6200

Tractores, maquinaria e apeiros agrícolas

8082

Ud. segadora rotativa

6000

Tractores, maquinaria e apeiros agrícolas

8086

Ud. autocargador

23000

Tractores, maquinaria e apeiros agrícolas

8095

Ud. encintadora

7000

Tractores, maquinaria e apeiros agrícolas

8191

Ud. cisterna xurro

10000

Tractores, maquinaria e apeiros agrícolas

8079

Ud. autocargador picador

35000

Tractores, maquinaria e apeiros agrícolas

8193

Ud. axitador xurro

1200

Tractores, maquinaria e apeiros agrícolas

8081

Ud. empacadora

17000

Tractores, maquinaria e apeiros agrícolas

9274

Empacadora autopropulsada

1000

Tractores, maquinaria e apeiros agrícolas

9275

Empacadora transport. n/a

500

Tractores, maquinaria e apeiros agrícolas

9276

Empacadora semimóbil

800

Tractores, maquinaria e apeiros agrícolas

9277

Esteladora autopropulsada

1000

Tractores, maquinaria e apeiros agrícolas

9278

Esteladora transport. n/a

500

Tractores, maquinaria e apeiros agrícolas

9279

Esteladora semimóbil

800

Tractores, maquinaria e apeiros agrícolas

8192

Ud. remolque

6800

Tractores, maquinaria e apeiros agrícolas

8026

Ud. rozadora

5000

Tractores, maquinaria e apeiros agrícolas

8011

Ud. tractor<40 CV

20000

Tractores, maquinaria e apeiros agrícolas

8012

Ud. tractor>=40 CV

35000

Tractores, maquinaria e apeiros agrícolas

8022

Ud. fresadora

4000

Tractores, maquinaria e apeiros agrícolas

8023

Ud. rulo

1800

Tractores, maquinaria e apeiros agrícolas

8083

Ud. angazo de fileiras

4000

Tractores, maquinaria e apeiros agrícolas

8025

Ud. grada discos

7000

Tractores, maquinaria e apeiros agrícolas

8078

Ud. subsolador

3000

Tractores, maquinaria e apeiros agrícolas

8030

Ud. fertilizadora

1800

Tractores, maquinaria e apeiros agrícolas

8040

Ud. maquinaria tratamentos

2900

Tractores, maquinaria e apeiros agrícolas

8050

Ud. dementadora-plantadora

5600

Tractores, maquinaria e apeiros agrícolas

8077

Ud. grada rotativa

4500

Tractores, maquinaria e apeiros agrícolas

8024

Ud. arado

4000

Tractores, maquinaria e apeiros agrícolas

8052

Ud. sementadora millo

12000

Tractores, maquinaria e apeiros agrícolas

8053

Ud. sementadora patacas

7700

Tractores, maquinaria e apeiros agrícolas

8060

Ud. colleitadora gran

25000

Tractores, maquinaria e apeiros agrícolas

8070

Ud. colleitadora hortalizas

13000

Tractores, maquinaria e apeiros agrícolas

8074

Ud. arrimador comida

18000

Tractores, maquinaria e apeiros agrícolas

8075

Ud. encaladora arrastrada

14000

Tractores, maquinaria e apeiros agrícolas

8076

Ud. encamadora

6000

Tractores, maquinaria e apeiros agrícolas

8051

Ud. sementadora pratenses

5200

A clave 8026, ud. rozadora será só maquinaria que se adapte á toma de forza do tractor.

7. Outros investimentos.

Clave

Descrición

Módulo

4850

Ud. colmea

60

8198

Bebedoiro portátil

1200

8199

Comedoiro portátil

1200

9522

Silo de pienso

2500

Anexo IV
Normas mínimas de hixiene e benestar dos animais

Para o cumprimento das normas mínimas de hixiene e benestar dos animais a que fai referencia a orde de bases reguladoras destas axudas, aplicarase o disposto na seguinte lexislación:

Normas de hixiene:

– Regulamento (CE) nº 852/2004 do Parlamento Europeo e do Consello, do 29 de abril, relativo á hixiene dos produtos alimenticios, e as súas modificacións.

– Regulamento (CE) nº 853/2004 do Parlamento Europeo e do Consello, do 29 de abril, polo que se establecen normas específicas de hixiene dos alimentos de orixe animal, e as súas modificacións.

– Directiva 2002/99/CE sobre normas zoosanitarias aplicables á produción, transformación, distribución e introdución dos produtos animais destinados a consumo humano, e as súas modificacións.

Normas de benestar dos animais:

– Real decreto 348/2000, do 10 de marzo, polo que se incorpora ao ordenamento xurídico a Directiva 98/58/CE, relativa á protección dos animais nas explotacións gandeiras, e as súas modificacións.

– Real decreto 1047/1994, do 20 de maio, relativo ás normas mínimas para a protección de xatos, modificado polo Real decreto 229/1998, do 16 de febreiro, e as súas modificacións.

– Real decreto 3/2002, do 11 de xaneiro, polo que se establecen normas mínimas para a protección de galiñas poñedoras, e as súas modificacións.

– Real decreto 1084/2005, do 16 de setembro, de ordenación da avicultura de carne, e as súas modificacións.

– Real decreto 1135/2002, do 31 de outubro, relativo ás normas mínimas para a protección de porcos, e as súas modificacións.

– Real decreto 324/2000, do 3 de marzo, polo que se establecen normas básicas de ordenación das explotacións porcinas, modificado polo Real decreto 3483/2000, do 29 de decembro, polo Real decreto 1323/2002, do 13 de decembro, e polo Real decreto 479/2004, do 26 de marzo, polo que se establece e regula o Rexistro Xeral de Explotacións Gandeiras, e polo Real decreto 1186/2006, do 13 de outubro, polo que se establecen as bases do plan de vixilancia sanitaria serolóxica do gando porcino, e as súas modificacións.

– Real decreto 1547/2004, do 25 de xuño, que establece as normas de ordenación das explotacións cunícolas, e as súas modificacións.

– Real decreto 209/2002, do 22 de febreiro, modificado polo Real decreto 448/2005, do 22 de abril, polo que se establecen normas de ordenación das explotacións avícolas, e as súas modificacións.

– Real decreto 54/1995, do 20 de xaneiro, sobre a protección de animais no momento do seu sacrificio ou matanza, e as súas modificacións.

missing image file
missing image file
missing image file
missing image file
missing image file
missing image file