O 13 de marzo de 2014 recibiuse na Consellería de Cultura, Educación e Ordenación Universitaria proposta asinada por Graham Gussin, coñecido polo nome artístico de Graham Gussin, mediante a cal formula unha oferta de doazón da obra titulada Intoxicated Boardroom, 2013, co fin de garantir a conservación, estudo e divulgación do dito ben.
Obxecto da doazón:
Obra en papel titulada Intoxicated Boardroom.
Ano: 2013.
Técnica: fotografía branco e negro. 100 ml. De vodka Moskovskaya e 50 ml de perfume La Fumeé dispersos polo cuarto, CGAC, 2013.
Medidas: 6 elementos de 43 × 30 cm c/u.
Edición: 1/3.
Número de arquivo do artista: sen numeración.
O 20 de marzo de 2014 o Centro Galego de Arte Contemporánea emitiu ditame valorativo da obra referida.
A proposta de doazón foi informada favorablemente por acordo do Consello Superior de Valoración de Bens Culturais de Interese para Galicia na sesión que tivo lugar o 9 de abril de 2014.
Na súa virtude, de acordo co disposto no artigo 56 da Lei 5/2011, do 30 de setembro, do patrimonio da Comunidade Autónoma de Galicia,
RESOLVO:
Artigo único
1. Aceptar, nos termos establecidos polo doador, a doazón dos bens relacionados.
2. Os bens depositaranse no Centro Galego de Arte Contemporánea de Galicia e será parte integrante da súa colección.
Disposición derradeira
A Secretaría Xeral de Cultura levará a cabo todos os trámites necesarios para a efectividade desta orde.
Santiago de Compostela, 14 de xaneiro de 2015
Jesús Vázquez Abad
Conselleiro de Cultura, Educación e Ordenación Universitaria