Intentada a notificación persoal e devolta polo servizo de Correos por resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, modificada pola Lei 4/1999, pola presente cédula notifícanselle á entidade relacionada no anexo os acordos de reintegro parcial das subvencións concedidas mediante resolucións do director xeral de Promoción do Emprego do 7 de agosto de 2009 e 9 de agosto de 2010.

Faise saber que o interesado disporá dun prazo de quince (15) días para alegar ou presentar os documentos que estime pertinentes, de acordo co disposto no artigo 77 do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia.

Lémbraselles tamén o seu dereito a consultar os expedientes, depositados nas dependencias desta dirección xeral, sita no Edificio Administrativo San Lázaro, s/n, en Santiago de Compostela, e a obter, de ser o caso, copia das resolucións, segundo o previsto na letra a) do artigo 35 da mencionada Lei 30/1992.

Santiago de Compostela, 8 de xaneiro de 2015

Ana María Díaz López
Directora xeral de Emprego e Formación

ANEXO

Entidade: Fundación Ferrol Metrópoli.

Enderezo: Recinto Ferial Punta Arnela, Ed. Usos múltiples, 15591 Ferrol (A Coruña).

Nº de expte.: TR352B 2009/68-0.

Data do acordo de reintegro parcial: 3 de decembro de 2014.

Preceptos incumpridos: artigo 7.2.a) da Orde do 29 de decembro de 2008 pola que se establecen as bases que regulan, para o exercicio do ano 2009, as axudas e subvencións para o fomento do emprego a través dos programas de cooperación no ámbito de colaboración coas entidades locais e cos órganos e organismos das administracións públicas distintas da local, universidades e entidades sen ánimo de lucro, e se procede á súa convocatoria (DOG núm. 7, do 12.1.2009); artigo 33.1.g) da Lei 9/2007, do 13 de xuño, de subvencións de Galicia.

Cantidade que se debe reintegrar: 803,91 €.

Nº de expte: TR352B 2010/344-0.

Data do acordo de reintegro parcial: 3 de decembro de 2014.

Preceptos incumpridos: artigo 9.2 da Orde do 10 de marzo de 2010 pola que se establecen as bases que regulan, para o exercicio do ano 2010, as axudas e subvencións para o fomento do emprego a través dos programas de cooperación no ámbito de colaboración coas entidades locais e cos órganos e organismos das administracións públicas distintas da local, universidades e entidades sen ánimo de lucro, e se procede á convocatoria para o ano 2010 (DOG núm. 54, do 22 de marzo); artigo 33.1.g) da Lei 9/2007, do 13 de xuño, de subvencións de Galicia.

Cantidade que se debe reintegrar: 938,26 €.