1. Entidade organizadora: Instituto Municipal Coruña Espectáculos (IMCE).
2. Obxecto do contrato: prestación da xestión integral dos servizos que requira o IMCE para o desenvolvemento da programación cultural, de actividades e de festas nas distintas instalacións que xestiona o IMCE (Teatro Rosalía Castro, Coliseum, algunhas dependencias do Fórum Metropolitano e do Ágora) e noutros espazos, como a vía pública ou o Pazo da Ópera (neste espazo de forma ocasional, en todo caso cun tope máximo anual de 54 días) (véxanse pregos reguladores do contrato).
3. Prezo do contrato: contía máxima anual: 780.108,18 €, IVE incluído. Valor estimado do contrato: 3.094.644,00 € (IVE non incluído), tendo en conta a súa duración, as posibles prórrogas e as modificacións deste.
4. Duración do contrato: dous anos desde a data da súa formalización, prorrogables antes da súa finalización por períodos máximos dun ano, para cada prórroga, ata un máximo de catro anos, incluído o período inicial e as prórrogas, por mutuo acordo entre o IMCE e o contratista.
5. Tramitación: ordinaria.
6. Procedemento: aberto.
7. Garantía provisional: non se exixe.
8. Garantía definitiva: 5 % do importe de adxudicación (IVE excluído).
9. Obtención de documentación e información: oficinas do IMCE, sitas na avda. A Mariña 18 (edificio Casa Paredes), 15001 A Coruña. Perfil do contratante: www.coruna.es. Enderezo de correo electrónico: imce@coruna.es.
10. Solvencia: véxase prego de cláusulas administrativas particulares.
11. Criterios de adxudicación: véxase prego de cláusulas administrativas particulares.
12. Presentación de proposicións: prazo de 20 días hábiles desde o seguinte ao da publicación do anuncio no Diario Oficial de Galicia ou no Boletín Oficial da provincia da Coruña; finaliza ás 13.30 horas. No suposto de resultar sábado ou festivo o día de finalización do prazo, prorrogarase automaticamente ao día hábil seguinte.
Documentación que deben presentar: véxase o prego de cláusulas administrativas particulares.
Lugar de presentación: Rexistro do IMCE, avda. A Mariña 18 (edificio Casa Paredes), 15001 A Coruña.
13. Apertura de ofertas económicas: lugar e día que se sinale no perfil do contratante: www.coruna.es.
14. Outras informacións: véxase o prego de cláusulas administrativas particulares.
A Coruña, 27 de abril de 2015
P.D. (Decreto 20.6.2011)
Ana María Fernández Gómez
Vicepresidenta do Instituto Municipal Coruña Espectáculos