De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á Versa Asesores, S.L. a Resolución do 28 de xullo de 2015, da directora xeral de Emprego e Formación, ditada no procedemento de baixa no Rexistro de Centros e Entidades de Formación para o Emprego da Consellería de Traballo e Benestar, devolta polo servizo de Correos por resultar descoñecido o seu destinatario.
O prazo para interpoñer o recurso ao cal fai mención a antedita resolución computarase a partir do día seguinte ao da publicación desta cédula no Boletín Oficial del Estado.
«Número de Censo: 36H01855.
Versa Asesores, S.L.
Rúa París, núm. 9, planta 6, porta B.
15707 Santiago de Compostela.
Logo de examinar a inscrición/acreditación da entidade Versa Asesores, S.L., CIF B15657406, no Rexistro de Centros e Entidades de Formación para o Emprego da Consellería de Traballo e Benestar.
Antecedentes:
Primeiro. A entidade Versa Asesores, S.L. encóntrase inscrita no Rexistro de Centros e Entidades de Formación para o Emprego da Consellería de Traballo e Benestar, co número 36H01855, no enderezo rúa Ferreirós-Cordeiro, núm. 1, Valga (Pontevedra), nas especialidades formativas seguintes:
Código de especialidade |
Descrición |
Alta de la homologación |
ADGX01 |
Inglés: xestión comercial |
26.10.2009 |
ADGX02 |
Francés: xestión comercial |
26.10.2009 |
ADGX03 |
Alemán: xestión comercial |
26.10.2009 |
Segundo. A Xefatura Territorial da Consellería de Traballo e Benestar de Vigo, o 27 de outubro de 2014, requiriu, a entidade Versa Asesores, S.L., para os efectos de comprobar o cumprimento dos requisitos establecidos na normativa vixente para manter a condición de centro/entidade inscrito ou acreditado no Rexistro de Centros e Entidades de Formación para o Emprego da Consellería de Traballo e Benestar, a documentación prevista nos artigos 5 e 6 do Decreto 106/2011, informándoa de que, en caso de non achegar a documentación requirida, se proporá a súa baixa no antedito rexistro.
Terceiro. O 13 de xaneiro de 2015 ten entrada un escrito de Versa Asesores, S.L., en resposta ao requirimento efectuado, no cal solicita a baixa do centro sito na rúa Ferreirós-Cordeiro, núm. 1, Valga (Pontevedra), con número de censo 36H01855.
Cuarto. En cumprimento do disposto no artigo 8 do Decreto 106/2011, do 19 de maio, o 26 de xaneiro de 2015, a xefa territorial da Consellería de Traballo e Benestar de Vigo propón a baixa no Rexistro de Centros, Entidades de Formación da Versa Asesores, S.L., CIF B15657406, con núm. de censo 36H01855 coas especialidades correspondentes, por solicitude do interesado.
Consideracións legais e técnicas:
Primeiro. A competencia para resolver o presente expediente correspóndelle á directora xeral de Emprego e Formación, de conformidade co establecido no artigo 6º.3) e artigo 8 do Decreto 106/2011, do 19 de maio.
Segundo. O artigo 8.1.d) do Decreto 106/2011, do 19 de maio, dispón que se poderá acordar a baixa no Rexistro de Centros e Entidades de Formación en caso de solicitude do interesado.
Revisado o expediente compróbase que Versa Asesores, S.L. solicitou a baixa no devandito rexistro do núm. de censo 36H01855 sito na rúa Ferreirós-Cordeiro, núm. 1, Valga (Pontevedra).
Terceiro. Tendo en conta que na tramitación do expediente se observaron as normas que para o efecto se establecen no Decreto 106/2011, do 19 de maio, e na Lei de réxime xurídico das administracións públicas e do procedemento administrativo común.
Logo de ver o Real decreto 395/2007, do 23 de marzo, polo que se regula o subsistema de formación profesional para o emprego, a Orde TAS/718/2008, do 7 de marzo, modificada pola Orde ESS/1726/2012, do 2 de agosto, pola que se desenvolve o antedito real decreto, o Decreto106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia, o Decreto 235/2012, do 5 de decembro, polo que se fixa a estrutura orgánica da Vicepresidencia e das Consellerías da Xunta de Galicia, o Decreto 42/2013, do 21 de febreiro, polo que se establece a estrutura orgánica da Consellería de Traballo e Benestar, a Lei 30/1992, do 26 de novembro, de réxime xurídico das administracións públicas e do procedemento administrativo común e a demais normativa de xeral aplicación.
De acordo con todo o indicado, resolvo:
Dar de baixa a entidade Versa Asesores, S.L., número de censo 36H01855, no Rexistro de Centros e Entidades de Formación para o Emprego da Consellería de Traballo e Benestar.
Notifíquese aos interesados a presente resolución para o seu coñecemento e efectos oportunos.
Contra esta resolución poderase interpoñer recurso de alzada ante a conselleira de Traballo e Benestar no termo dun mes contado desde a súa notificación de acordo co establecido no artigo 114, seguintes e concordantes, da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro)».
Santiago de Compostela, 1 de setembro de 2015
Ana Mª Díaz López
Directora xeral de Emprego e Formación