O Concello Pleno, na súa sesión do 19 de agosto de 2015, previos os informes e trámites preceptivos, aprobou definitivamente o Plan especial de infraestruturas e dotacións para a modificación da ordenación detallada do sistema xeral – dotacional – 1 (estadio municipal), redactado polo arquitecto municipal Manuel Sanmartín Chao, o 22.10.2014, así como o seu anexo de data de xaneiro de 2015 (estudo de tráfico e acceso desde a N-640), e o documento complementario ao nomeado anexo, do mesmo autor (do 19.1.2015).

Este acordo é obxecto de comunicación á Consellería de Medio Ambiente, Territorio e Infraestruturas (Secretaría Xeral de Ordenación do Territorio e Urbanismo). Dáse traslado dunha copia autenticada de dous exemplares do instrumento definitivamente aprobado, con todos os planos e documentos que integran o plan especial (e anexos complementarios) sobre os que recaeu aquel, debidamente dilixenciados pola Secretaría municipal, facendo constar o dito aspecto.

O acordo pon fin á vía administrativa e contra el pódese interpoñer recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses, contado a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia ou, se é o caso, da súa notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.

A Estrada, 4 de setembro de 2015

José C. López Campos
Alcalde-presidente