Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: recuamento LMT SDM705 ao CT Montecastelo.

Situación: Vigo.

Características técnicas: LMT subterránea a 15 kV con condutor RHZ de 68 metros de lonxitude, con orixe no paso aéreo subterráneo proxectado no apoio existente da LMTA SDM705 e final no centro de transformación existente Montecastelo (36CDN4). A instalación está situada na rúa Paz Pardo, Lavadores, Vigo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo avenida Fernández Ladreda, nº 43, 5º, no prazo de vinte (20) días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 19 de novembro de 2015

Ignacio Rial Santomé
Xefe territorial de Pontevedra