Advertidos erros na citada orde publicada no DOG nº 248, do 30 de decembro de 2015, é necesario efectuar as seguintes correccións:

– Na páxina 52334, no parágrafo 6, letra a) do punto 1 do artigo 9, onde di: «…, a superficie mínima de actuación por solicitude será de 5 hectáreas…», debe dicir: «… a superficie mínima de actuación por solicitude será de 3 hectáreas…».

– Na mesma páxina no parágrafo 7, letra b) do punto 1 do artigo 9, onde di: «…, a superficie mínima de actuación por solicitude será de 10 hectáreas…», debe dicir: «… a superficie mínima de actuación por solicitude será de 3 hectáreas…».

– Na mesma páxina no parágrafo 8, letra c) do punto 1 do artigo 9, onde di: «…, a superficie mínima de actuación por solicitude será de 12,5 hectáreas…», debe dicir: «… a superficie mínima de actuación por solicitude será de 3 hectáreas…».

– Na páxina 52337, no punto 2 do artigo 11, onde di: «Dentro de cada unha das alíneas anteriores establecerase unha orde de prioridade segundo a seguinte prelación.», debe dicir: «Establecerase unha orde de prioridade segundo a seguinte prelación.».

– Na mesma páxina, suprímese a totalidade da primeira letra a) do punto 2 do artigo 11 (desde o parágrafo «a) Por especie:» ata o parágrafo tamén suprimido «2.3 Comunidades veciñais en man común: 10 puntos.»).

– Na páxina 52338 no parágrafo 7, onde di: «f) Monte con instrumento de xestión rexistrado: 10 puntos (Orde do 12 de xuño de 1998 pola que se crea o Rexistro de Proxectos de Ordenación e Plans Técnicos de Xestión de Montes).», debe dicir: «f) Monte cun proxecto de ordenación inscrito no Rexistro de montes ordenados (artigo 126 da Lei 7/2012, do 28 de xuño, de montes de Galicia e segundo o Decreto 52/2014, do 16 de abril, polo que se regulan as instrucións xerais de ordenación e de xestión de montes de Galicia): 10 puntos».

– Na páxina 52338 despois do parágrafo 11, letra j) engádense as letras k) e l) seguintes:

«k) Zonas de alto risco de incendio forestal (Orde do 18 de abril de 2007 pola que se zonifica o territorio con base no risco espacial de incendio forestal): ata 10 puntos.».

«l) Actuación en zona clasificada como Rede Natura 2000: ata 10 puntos.».

– Na páxina 52339 no parágrafo 6, letra b) do punto 5, onde di: «b) % do límite do monte deslindado», debe dicir: «b) Maior superficie de actuación.».

Así mesmo na mesma páxina no devandito punto 5 engádense os parágrafos 7 e 8, letras c) e d):

«c) Maior número de comuneiros».

«d) No caso de seguir empatados, por maior superficie clasificada do monte».

– Na páxina 52351 suprímese o parágrafo 5, letra h):

«h) Xustificación por parte do beneficiario, previamente declarada, de non suxeición ou exención do imposto emitida pola AEAT».

– Na páxina 52359 no anexo II, onde di: « B7 Castiñeiro Castanea sativa Mill.», debe dicir: «B7 Castiñeiro Castanea sativa Mill. (*)» e onde di: «B8 Castiñeiro híbrido Castanea X hybrida (resistente tinta)», debe dicir: «B8 Castiñeiro híbrido Castanea X hybrida (resistente tinta) (*)».

– Na páxina 52359 no anexo II suprímense os seguintes parágrafos:

«B28 Castiñeiro enxertado Castanea spp».

«(Enxerto das variedades «Amarelante», «Famosa», «Garrida», «Longal», «De Parede», «Ventura», «Negral» e «Xudía, así como das variedades de boa actitude polinizadora «Negral», «Picona», «Serodia» e «Rapada)».