O pleno da corporación, na sesión ordinaria do 25 de novembro de 2016, acordou aprobar inicialmente a modificación puntual número cinco do Plan xeral de ordenación municipal do Concello da Laracha que ten como finalidade a ordenación especial dunha parcela dotacional, alterando de xeito puntual a ordenación retallada do conxunto de dúas parcelas cualificadas de sistema xeral de equipamento co obxectivo de acomodar a futura ampliación do Centro de Saúde, contida no proxecto redactado por Monteoliva Arquitectura, S.L., e suspender o procedemento de outorgamento de licenzas no ámbito afectado, por un prazo máximo de dous anos, que se extinguirá, en todo o caso, coa aprobación definitiva da modificación conforme o artigo 47.2 da Lei 2/2016, do 10 de febreiro, do solo de Galicia, e expoñer e publicar o resumo executivo da súa delimitación, segundo o disposto no artigo 25.3 do Real decreto lexislativo 7/2015, do 30 de outubro, polo que se aproba o texto refundido da Lei do solo e rehabilitación urbana.
O expediente sométese a información pública polo prazo de dous meses mediante anuncio que se publicará no Diario Oficial de Galicia e en nun dos xornais de maior difusión da provincia, de conformidade co disposto no artigo 60.6 da Lei 2/2016, do 10 de febreiro, do solo de Galicia.
Lugar de exposición do expediente: Servizo Municipal de Urbanismo (segundo andar da casa do concello).
Horario: das 9.00 ás 14.00 horas.
A Laracha, 25 de novembro de 2016
José Manuel López Varela
Alcalde