O artigo 4 do Decreto 1/1991, do 11 de xaneiro, polo que se regula a concesión da Medalla de Galicia, modificado polo Decreto 215/2003, do 3 de abril, establece as medallas que, anualmente, se poderán outorgar nas súas distintas categorías.
Tendo en conta o previsto no artigo antes indicado, o Goberno galego ten a vontade de outorgarlles a súa máis alta distinción ás persoas que se indican a seguir.
Polo tanto, por proposta do vicepresidente e conselleiro de Presidencia, Administracións Públicas e Xustiza e logo do acordo do Consello da Xunta de Galicia, na súa reunión do día trece de xullo de dous mil dezasete,
DISPOÑO:
Conceder a Medalla de Ouro de Galicia a:
– Miguel Ángel Blanco Garrido, a título póstumo
– Isabel Castelo d’Ortega y Cortés
– Aníbal Cavaco Silva
– José Manuel Romay Beccaría
Santiago de Compostela, trece de xullo de dous mil dezasete
Alberto Núñez Feijóo
Presidente
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza