Expediente: IN407A 2017/093-1.
Solicitante: Sucesores de Manuel Leira, S.L.
Denominación: reforma CT Torre Laraxe.
Concello: Cabanas.
Características técnicas: modificación do CT Torre Laraxe, instalando 2 celas de liña motorizada e 1 cela de protección de transformador, 2 liñas en condutor RHZ1-2OL 3×(1×240) mm2 AI dunha lonxitude de 11 e de 12 metros desde a fachada do CT ata as 2 celas de liña nel e 1 cadro de baixa tensión AC-4-1600, con catro saídas de circuítos individuais.
Lexislación de aplicación:
Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
Lei 24/2013, do 26 de decembro, do sector eléctrico (BOE núm. 310, do 27 de decembro).
Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 1 de decembro).
Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
Todas aquelas persoas ou entidades que se consideren afectadas poderán examinar o expediente e presentar alegacións no Servizo de Enerxía e Minas da Xefatura Territorial de Economía, Emprego e Industria, sita na rúa Vicente Ferrer, 2-2º andar, 15071 A Coruña, no prazo de vinte días, a partir do día seguinte ao da última publicación deste acordo.
A Coruña, 21 de xuño de 2017
Isidoro Martínez Arca
Xefe territorial da Coruña