Non se puido levar a cabo a notificación da resolución do expediente sancionador 2017023AM-CO incoado a José Antonio Sánchez Lojo.
De acordo co previsto no artigo 44 da Lei 39/2015, do 1 de outubro, do procedemento administrativo común das administracións públicas, procédese á súa notificación mediante anuncio publicado no Boletín Oficial del Estado (BOE). Poderase consultar o expediente nas dependencias da Xefatura Territorial da Consellería de Sanidade, sita na rúa Durán Loriga, 3, A Coruña.
A resolución non esgota a vía administrativa e poderase interpoñer recurso de alzada ante o conselleiro de Sanidade, no prazo dun mes contado desde o día seguinte ao da publicación deste anuncio, segundo establecen os artigos 121 e 122 da Lei 39/2015, do 1 de outubro.
No caso de estar de acordo co contido desta resolución, o pagamento voluntario da sanción poderá efectualo en calquera entidade bancaria colaboradora empregando os impresos normalizados que lle facilitarán nas dependencias da xefatura territorial.
Os prazos serán os seguintes:
– Sancións notificadas entre os días 1 e 15 de cada mes: ata o día 20 do mes posterior ou, se este non for hábil, ata o primeiro día hábil seguinte.
– Sancións notificadas entre os días 16 e último de cada mes: desde a data da notificación ata o día 5 do segundo mes posterior ou, se este non for hábil, ata o primeiro día hábil seguinte.
A Coruña, 18 de xullo de 2017
A xefa territorial da Coruña
P.A. (Artigo 19.3 do Decreto 41/2013, do 21 de febreiro)
Manuel Porto Porto
Xefe do Servizo de Alertas Epidemiolóxicas da Coruña
ANEXO
Nº de expediente: 2017023AM-CO.
Interesado: José Antonio Sánchez Lojo (Galquim).
DNI/NIF/CIF: 52935851V.
Último enderezo coñecido: Miguel R. Bautista, 12, entrep. B, 15960 Ribeira.
Feito/s imputado/s: infracción da lexislación aplicable en materia sanitaria.