DOG 154 do 14/08/2017 - RESOLUCIÓN do 8 de agosto de 2017 pola que se anuncia a licitación, suxeita a regulación harmonizada, polo procedemento aberto e tramitación ordinaria, do servizo para a posta á disposición dos docentes de novos servizos e contidos dixitais innovadores no programa de educación dixital Abalar-Edixgal (expediente 2017/PA/0072).

VI. Anuncios

a) Administración autonómica

Axencia para a Modernización Tecnolóxica de Galicia

RESOLUCIÓN do 8 de agosto de 2017 pola que se anuncia a licitación, suxeita a regulación harmonizada, polo procedemento aberto e tramitación ordinaria, do servizo para a posta á disposición dos docentes de novos servizos e contidos dixitais innovadores no programa de educación dixital Abalar-Edixgal (expediente 2017/PA/0072).

1. Entidade adxudicadora.

a) Organismo: Axencia para a Modernización Tecnolóxica de Galicia.

b) Dependencia que tramita o expediente: Departamento de Contratación.

c) Número de expediente: 2017/PA/0072.

2. Obxecto do contrato.

a) Descrición do obxecto: o presente procedemento ten como obxecto a contratación do servizo de desenvolvemento e posta en funcionamento de novos servizos e contidos dixitais innovadores no marco do programa de educación dixital en Galicia Abalar-EDixgal.

b) División por lotes e número: si, 3.

c) Prazo e lugar de entrega: o prazo de execución para a prestación do servizo obxecto do presente contrato será de 36 meses a contar a partir do 1.10.2017. Se a data de formalización do contrato fose posterior a esta última, o prazo de execución de 36 meses computarase desde a data de formalización do contrato.

d) Admisión de prórroga: si.

3. Tramitación e procedemento de adxudicación.

a) Tramitación: ordinaria e documentalmente simplificada.

b) Procedemento: aberto harmonizado.

4. Valor estimado: 6.824.380,17 € (sen IVE).

5. Orzamento de licitación: o orzamento máximo autorizado é de 2.274.793,39 €, máis 477.706,61 € que corresponden ao IVE (21 %), o que supón un total de 2.752.500,00 €, que de distribúe nos seguintes lotes e anualidades:

Lote 1: servizo de desenvolvemento de contidos dixitais no marco do programa de educación dixital.

• 2017: 103.305,79 € + IVE (21.694,21 €) = 125.000,00 €.

• 2018: 413.223,14 € + IVE (86.776,86 €) = 500.000,00 €.

• 2019: 413.223,14 € + IVE (86.776,86 €) = 500.000,00 €.

• 2020: 309.917,36 € + IVE (65.082,64 €) = 375.000,00 €.

Total: 1.239.669,42 € + IVE(260.330,58 €) = 1.500.000,00 €.

Lote 2: servizo de posta á disposición da comunidade educativa non universitaria de Galicia de contidos curriculares dixitais para os cursos incluídos no proxecto Abalar:

• 2017: 82.644,63 € + IVE (17.355,37 €) = 100.000,00 €.

• 2018: 289.256,20 € + IVE (60.743,80 €) = 350.000,00 €.

• 2019: 289.256,20 € + IVE (60.743,80 €) = 350.000,00 €.

• 2020: 206.611,57 € + IVE (43.388,43 €) = 250.000,00 €.

Total: 867.768,50 € + IVE (182.231,40 €) = 1.050.000,00 €.

Lote 3: servizo de posta á disposición da comunidade educativa non universitaria de Galicia de contidos dixitais especializados para materias dos cursos incluídos no proxecto Abalar:

• 2017: 39.256,20 € + IVE (8.243,80 €) = 47.500,00 €.

• 2018: 57.851,24 € + IVE (12.148,76 €) = 70.000,00 €.

• 2019: 70.247,93 € + IVE (14.752,07 €) = 85.000,00 €.

Total: 167.355,37 € + IVE (35.144,63 €) = 202.500,00 €.

6. Garantía provisional: non se exixe.

7. Obtención da documentación e da información.

a) Entidade: Axencia para a Modernización Tecnolóxica de Galicia.

b) Enderezo: Monte Gaiás, s/n.

c) Localidade e código postal: Santiago de Compostela, 15781.

d) Teléfono: 981 54 52 86.

e) Fax: 981 54 52 74.

f) Perfil do contratante: http://www.contratosdegalicia.gal/resultado.jsp?N=190088

g) Data límite de obtención de documentos e da información: ata o último día de presentación das proposicións.

8. Requisitos específicos do contratista.

a) Solvencia e clasificación: véxase a letra N) do prego de cláusulas administrativas particulares.

9. Presentación de ofertas.

a) Data límite de presentación: o prazo de admisión de proposicións rematará o día 18.9.2017, de acordo o establecido no artigo 159 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.

b) Documentación que deberá presentarse: a indicada no prego de cláusulas administrativas particulares.

c) Lugar de presentación:

• Entidade: Rexistro da Amtega.

• Dirección: Edificio CINC, Monte Gaiás, s/n.

• Localidade e código postal: Santiago de Compostela, 15781.

Cando a proposición se envíe por correo, deberá cumprirse o establecido no punto 11 das disposicións xerais do prego de cláusulas administrativas particulares.

d) Admisión de variantes: non se admiten.

10. Apertura das ofertas:

O lugar, día e hora de apertura da documentación relativa aos sobres B e C indicarase no perfil do contratante.

11. Criterios que servirán de base para a adxudicación do contrato e a súa ponderación: os sinalados na letra K da folla de especificacións do prego de cláusulas administrativas particulares.

12. Gastos dos anuncios: serán por conta do adxudicatario.

13. Data de envío do anuncio de licitación ao DOUE: 8.8.2017.

Santiago de Compostela, 8 de agosto de 2017

Mar Pereira Álvarez
Directora da Axencia para a Modernización Tecnolóxica de Galicia