Vista a acta da revisión salarial do convenio colectivo do sector do comercio de materiais de cons

trucción e saneamento, con nº de código 3600345, que tivo entrada nesta delegación provincial o día 12-7-2001, subscrita pola comisión paritaria en data 4-7-2001. De conformidade co disposto nos artigos 7 e 8 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Tercero.-Dispoñe-la súa publicación no Diario Oficial de Galicia.

Vigo, 24 de xullo de 2001.

Antonio Coello Bufill

Delegado provincial de Pontevedra

Convenio colectivo provincial para o sector de comercio de materiais para a construcción e saneamento de Pontevedra

Acta:

Asistentes:

Por UGT: Begoña Bastos Garea.

Pola CIG: Carmen Veiga Liboreiro.

Por CC.OO.: Guillermo García Costas.

Por ASEMACO (Asociación de Empresarios de Materiales para la Construcción):

Gonzalo Vila García.

Andrés Sande Rodríguez.

En Vigo, nos locais da Confederación de Empresarios de Pontevedra, ás 19 horas do 4 de xullo de 2001, reúnese a comisión paritaria do convenio colectivo de comercio de materiais para a construcción e saneamento da provincia de Pontevedra, co obxecto de proceder á elaboración da táboa salarial para o segundo ano de vixencia do convenio (1-1-2001 ó 31-12-2001), en aplicación do disposto nos artigos 7 e 8 do texto do convenio.

Constatado o feito de que, segundo o INE, o IPC do ano 2000 resultou un 4%, actualízase a táboa do ano 2000 na desviación producida, é dicir, no 1% calculado sobre a táboa que serviu de base para os incrementos do dito ano. Unha vez actualizada

esta táboa, increméntase no 3,5%, resultando así a táboa do segundo ano de vixencia do convenio.

Unha vez confeccionada esta táboa dase lectura dela e asínana as partes en proba de conformidade, acordando a súa remisión á autoridade laboral para os efectos do seu posterior publicación no BOP.

E non habendo máis asuntos que tratar, levántase a sesión ás 19.30 horas do día arriba indicado, de todo o cal as partes dan fe.

Convenio colectivo provincial para o sector do

comercio de materiais para a construcción e

saneamento de Pontevedra

Táboa salarial 2001