Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: UDESA.
Domicilio social: rúa José Ángel Valente, 17, baixo, local 62, 15706 Santiago de Compostela.
Denominación: LMT, CT, RBT Villalapaz.
Situación: concello de Boqueixón.
Características técnicas: pasos aerosubterráneos que se realizarán no apoio nº 5, proxectado de tipo HVH-15/2500 que substitúe o existente da LMT a CT do Casal, cunha tensión nominal de 20 kV.
LMT subterránea a CT Villalapaz. Inicio da liña: paso aereosubterráneo que se realizará no apoio nº 5 de tipo HVH-15/2500 que substitúe o existente da LMT a CT do Casal.
Final da liña: paso aerosubterráneo que se realizará no apoio nº 5 do Casal, despois de realizar a entrada e a saída no CT Villalapaz proxectado de terceira categoría. Cunha lonxitude de 940 m. Condutor RHZ1-2 OL-12/20 kV-3 (1×95 Al). Tensión nominal 20 kV.
CT Villalapaz. Edificio prefabricado de formigón, con transformador de 100 kVA de potencia e relación de transformación 20/0,4 kV. Illamento de aceite mineral. Protección contra sobretensión mediante termómetros de contactos e protección contra sobreintensidades mediante fusibles de 6A.
Saída RBT subterránea de CT Villalapaz. Orixe: CT Villalapaz proxectado. Lonxitude de 37 m. Condutores XZ1-06/1 kV-4 (1×240 Al) e 1 circuíto.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución. Tamén se poderá interpor calquera outro recurso que se considere pertinente.
A Coruña, 10 de setembro de 2012
Susana Vázquez Romero
Xefa territorial da Coruña
