A Dirección da Axencia Galega de Infraestruturas, de conformidade co disposto no Decreto 173/2011, do 4 de agosto, polo que se aproba o estatuto da Axencia Galega de Infraestruturas (DOG núm. 163, do 26 de agosto), no artigo 14 dos ditos estatutos, e no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común, ditou resolucións dos recursos de alzada interpostos polas persoas que se indican no anexo, contra resolucións ditadas no seu día polos servizos de infraestruturas das actuais delegacións desta axencia nas provincias que tamén se sinalan.
Intentada a notificación persoal destas resolucións, consonte establece o artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, non foi posible a súa práctica no que respecta ás persoas interesadas que se sinalan.
Por medio do presente anuncio, e segundo dispoñen os artigos 59.5 e 61 da devandita norma legal, emprázanse as persoas interesadas que se indican no anexo para seren notificadas por comparecencia das resolucións cuxo contido se sinala. A comparecencia que poderán realizar deberá efectuarse no prazo de dez días contados desde o seguinte ao da publicación deste anuncio, na sede do Servizo de Xestión Xurídico-Administrativa, desta Axencia Galega de Infraestruturas, no Edificio Administrativo San Caetano, Santiago de Compostela, ou tamén no Servizo de Infraestruturas da delegación da axencia na provincia correspondente.
Así mesmo, ponse no seu coñecemento que contra esta resolución que é definitiva na vía administrativa pode interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto nos artigos 10 e 14 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, segundo o disposto no artigo 46.1 da citada lei.
Y para que conste e lle sirva de notificación ás persoas interesadas, asino e selo esta cédula.
Santiago de Compostela, 20 de xaneiro de 2015
Francisco Menéndez Iglesias
Director da Axencia Galega de Infraestruturas
ANEXO
Recurso/Provincia: E/4/10. A Coruña. Recorrente: Mª Carmen Borrego Fernández.
Persoa interesada: Mª Carmen Borrego Fernández.
Último enderezo coñecido: A Coruña.
Sentido da resolución: inadmisión.
Estrada/obra, predio: ampliación de plataforma e reforzo do firme da AC-230, treito Montesalgueiro-Curtis
Recurso/Provincia: E/75/11. A Coruña. Recorrentes: Beatriz Regueiro e outro.
Persoa interesada: Daniel José Val Regueiro.
Último enderezo coñecido: Culleredo.
Sentido da resolución: inadmisión.
Estrada/obra: vía Ártabra, treito 3.