Para os efectos de dar cumprimento ao solicitado polo Xulgado do Contencioso-Administrativo número 1 de Vigo, en relación co procedemento ordinario número 255/2015, interposto por Bernardo Cabaleiro Santos contra a resolución ditada pola Axencia de Protección da Legalidade Urbanística no expediente de reposición da legalidade urbanística número IU2/141/2010, pola que declara ilegalizables e se ordena a demolición das obras executadas no lugar da Telleira, parroquia de Cesantes, concello de Redondela, e a imposición de tres multas coercitivas por incumprimento da orde de demolición, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Vigo.

Ao non poder realizarse a notificación persoal dos emprazamentos, mediante a presente cédula (que, ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común –LRXPAC–, se lle notifica por medio dun anuncio publicado no Boletín Oficial del Estado) emprázase a Manuela Crespo Darroza, herdeiros de Peregrina López Ochoa e a Jesús Soto Fernández para que poidan comparecer como interesados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de xuño de 2015

José Antonio Cerdeira Pérez
Director da Axencia de Protección da Legalidade Urbanística