Aprobada inicialmente, en sesión plenaria do 27 de outubro de 2015, a modificación puntual nº 11 do PXOM das Neves –que desenvolve e adapta á normativa vixente o capítulo 4º Condicións das edificacións desconformes co Plan xeral do título II do PXOM das Neves–, sométese o expediente a información pública durante 2 meses, mediante anuncio que se publicará no DOG, en dous xornais da provincia e no taboleiro de anuncios do concello, conforme o establecido no artigo 85.2 da Lei 9/2002, do 30 de decembro, de ordenación urbanística e protección do medio rural de Galicia. O prazo contarase desde o día seguinte ao da publicación no DOG.

Así mesmo, anúnciase, dada a índole da modificación, que non é precisa a suspensión do procedemento de outorgamento de licenzas.

As Neves, 23 de novembro de 2015

Xosé Manuel Rodríguez Méndez
Alcalde presidente