Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 54 Venres, 18 de marzo de 2016 Páx. 10152

III. Outras disposicións

Axencia Turismo de Galicia

RESOLUCIÓN do 11 de marzo de 2016 pola que se ordena a publicación do Acordo do Consello da Xunta de Galicia do 10 de marzo de 2016 polo que se declaran festas de Galicia de interese turístico a Feira do Queixo do Cebreiro (Lugo), a Xuntanza Internacional de Gaiteiros de Monterrei (Ourense), o Entroido de Vilariño de Conso (Ourense), a Feira do Viño do Rosal (Pontevedra) e a Festa do Viño do Condado do Tea (Pontevedra).

En cumprimento do disposto no artigo 18 do Decreto 4/2015, do 8 de xaneiro, polo que se regula a declaración de festas de interese turístico de Galicia, a Dirección da Axencia Turismo de Galicia dispón que se publique no Diario Oficial de Galicia o acordo adoptado polo Consello da Xunta na súa reunión do 10 de marzo de 2016, que a seguir se transcribe:

«Declarar festas de Galicia de interese turístico, de conformidade co establecido no Decreto 4/2015, do 8 de xaneiro, polo que se regula a declaración de festas de interese turístico de Galicia, as seguintes:

• A Feira do Queixo do Cebreiro, que se celebra nas datas coincidentes coa Semana Santa, no concello de Pedrafita do Cebreiro (Lugo).

• A Xuntanza Internacional de Gaiteiros de Monterrei, que se celebra na segunda semana do mes de xuño, no concello de Monterrei (Ourense).

• O Entroido de Vilariño de Conso, que se celebra nas datas do Entroido, no concello de Vilariño de Conso (Ourense).

• A Feira do Viño do Rosal, que se celebra a última fin de semana de agosto, no concello do Rosal (Pontevedra).

• A Festa do Viño do Condado do Tea, que se celebra a última fin de semana de agosto, no concello de Salvaterra de Miño (Pontevedra)».

Santiago de Compostela, 11 de marzo de 2016

P.A. (Artigo 19.6 do Decreto 196/2012; DOG núm. 193, do 9 de outubro)
Mª Elena Barca Ramos
Xerente da Axencia Turismo de Galicia